689自己有言論自由，但佢個女冇

man36951

man36951

man36951

【爆父母真面目】CY女梁齊昕突然失蹤 被迫交出社交平台密碼？

梁齊昕失蹤了？

一連七集有線娛樂台專訪節目《我係梁齊昕》噚晚先播完第二集，梁齊昕仲大爆佢個特首老竇梁振英「連fb都唔知係乜」，又多次要求佢刪除fb戶口，原因係「唔想我咁癲，咁黐線」，仲大爆雙親干預佢識朋友嘅自由，每每戴有色眼鏡睇梁齊昕嘅朋友，只重視對方家底、背景、學歷，真係仲慘過古人結婚要門當戶對。

專訪一出，不少人都對梁齊昕認識多咗，對其情況生同情之心。其實佢同一般少女無異，外國長大，思想洋化，喜歡朋友也喜歡表達自己，但喺佢老竇做特首之前，一樣都處處受掣肘；與此同時亦令人驚歎：原來梁振英連fb係乜都唔知，亦不了解女兒需要，試問如何相信佢有能力落實青年政策？

噚晚十一點左右，梁齊昕fb忽然貼了一個status，寫道:「梁小姐將會離開香港一會兒，不便之處，敬請諒解。」好明顯，呢個status，唔係梁齊昕自己寫。

今早七時左右，梁齊昕fb再貼文，今次係詳細版:「梁齊昕小姐將無限期地婉謝和拒絕所有媒體丶娛樂丶攝影丶或大眾、(陌？)生人的邀請，來電和通訊。梁小姐表示萬感抱歉，亦謝謝各界的關注。

「請給梁小姐一點私人空間，您們手上擁有的聯絡方式是不會找到她本人的。這包捨臉書，電郵，電話號碼，郵件，或任何傳達訊息的方式。」

「無限期地婉謝和拒絕」，令人諗起當年陳冠希無限期退出娛樂圈，但何以梁齊昕忽然仲要「離開香港一會兒」？而且所有社交網站如fb、ig，甚至電郵同電話，或「任何傳達訊息的方式」，都唔會搵到佢，同人間蒸發分別不大。

學聯常委張秀賢也轉貼了「齊昕暫別香港」留言截圖，寫道:「原來梁振英係咁樣齊家，同對香港人都差唔多啫。」

也有網民為梁齊昕打氣，但大多都係擔心佢係被失蹤而唔係遠行小休。有網民留言道:「唔鍾意你父親，不代表要唔鍾意你，你若有心入娛樂圈，只要有心去做好呢件事，相信一定會有人識得欣賞你。」、「如果唔係自我宣傳，廿幾歲人仲俾父母親軟禁，呢次被『失蹤』真係華人家庭傳統，父母過份保護子女嘅悲劇。」、「這就是梁振英的齊家之道，獨裁治國還遠嗎？」也有人一針見血寫道:「齊昕被迫交出密碼，梁振英比國安更恐怖。」

咁有線餘下五集梁齊昕專訪，仲有冇機會出街？  

peepsen

清算中........................

睇佢龍蝦媽的猙獰樣,賤狼爸的陰險樣,就知呢個紫盧家庭點難頂

man36951

大家好，我係楊天帥，齊昕 beat 採訪主任，歡迎收睇齊昕新聞。

今次是認真很寫的。其實上次篇情書也認真，不是抽水。歸根究柢我想指出的一點是：如果齊昕遲出世十年，如果她接受的是龍蝦總司令的港共洗腦教育，那她就不會有今日，因為她不會有自我意識。從這個角度看，其實我們還能看見香港有齊昕，而且這人還是特首的女兒，是一件值得開香檳的事。香港原來未死。當然這與她接受的是英國教育有關。我希望她飲水思源，記得下次出街搖米字旗。

話口未完，今日又見齊昕出現在有線的娛樂專題廣告上。一句「大家好，哦係梁齊昕，歡迎收睇娛樂新聞」，再度引爆網民話題。因為實在太好笑，我便與一個內地行家談起這件事。

他訝異問：「甚麼是齊昕？」

如是我解釋給他聽齊昕過去的奇聞異事，例如割手說自己 love blood，聲稱用納稅人的錢買衫買首飾，對示威呼「打我呀笨」，警告外媒撤去梁振英負面報道等。因為太多，一時間說也說不完，所以只能挑比較好笑和記得的去講。聽完後，那個行家給我發了一個「驚嚇」的 emoji 。我就說，有甚麼好驚訝的，你們大陸更誇張的事情更多不是嗎。誰知他只答道：「沒有。」他說，你沒看見大陸的官員富二代富三代都收收埋埋，最好送到外國生活，遠離政局時事。薄瓜瓜就是這樣。就算是在大陸生活的，也盡量低調，例如家寶的兒子溫雲松，幾乎不在傳媒視線之內，最少不會成日發表惹火偉論。

「因為要維穩嘛，哪個孩子放闕詞就打他屁股。」行家一席話，聽得我如雷貫耳。第一，原來從一些角度講，香港政府真係已經衰過大陸。一直以來只有我話大陸荒謬的，如今我竟然被大陸人話荒謬而無從辯駁。第二，原來齊昕之所以還能存在 (exist) ，完全是因為香港還有言論自由。因為傳媒未被審查，她才可以走出來講甚麼哦係齊昕，滿足自己的表演慾。如果香港終有一日完全大陸化，她肯定第一個被消失。

阿妹，妳想紅，妳想繼續叫人睇娛樂新聞，妳真係要做黃絲，我講真。

man36951

peepsen 發表於 2015-1-31 14:43
清算中........................

睇佢龍蝦媽的猙獰樣,賤狼爸的陰險樣,就知呢個紫盧家庭點難頂

連自己仔女都唔服佢, 又點可以叫市民服佢呢

man36951

梁齊昕喺有線嘅專訪《我係梁齊昕》，噚晚播完第二集之後，而噚晚11點左右，齊昕嘅facebook就出現呢段留言：「梁小姐將會離開香港一會兒，不便之處，敬請諒解。」，到今朝7點左右，仲有詳細版本（新聞連結： http://goo.gl/1rt1oJ ）

齊昕0依家就突然被失踨，仲要係「任何傳達訊息的方式」都唔會搵到佢，同人間蒸發嘅分別唔大。

咁究竟乜嘢事令齊昕被失蹤呢？有網民猜測因為齊昕喺有線專訪內，大爆佢父母嘅事，所以梁振英咁樣「齊家」，問題來了，有線娛樂台0依家播咗兩集齊昕專訪，仲有餘下五集《我係梁齊昕》，又會唔會如期播出呢？

有線方面就冇正面會答，不過就有消息指，今晚嘅《我係梁齊昕》會照常播出。而喺噚晚12點左右，即係齊昕facebook第一次話會「離開香港一會兒」之後，有線都仲播咗《我係梁齊昕》嘅廣告，睇嚟今晚仲會播嘅機率都好高嘅....

巨大狗大

唔通做女既仲未知佢扑街老豆係好小氣的.

man36951

梁齊昕專訪】入住禮賓府 有冇家的感覺？ 齊昕話似住在博物館

有線娛樂台今晚繼續播出梁振英女兒梁齊昕第二集專訪，齊昕被主持可宜問到，由梁振英去到做特首女兒，喺生活上有冇分別？齊昕就話：「好多人都問我呢個問題，但真係冇囉，最大分別只係由山頂搬咗去禮賓府囉！」

咁喺禮賓府住嘅感覺係點呢？有冇家嘅感覺呢？齊昕話：「覺得真係一個好有歷史文化，（似住喺museum？）都係0架，好似九七前九七後，都有好多人嚟過，覺得好榮幸可以住喺到，都係好簡單，有洗手間有張床咁，有嘢食咁就得0架喇！」

可宜又問佢鍾意邊個身份多啲呢？齊昕話：「我唔會label自己係乜嘢身份，不嬲都係梁齊昕，香港身份證冇變過，都係中國人囉，一年一年咁長大，唔會咩身份，跟住係咩身份。」

man36951

自從今早爆出CY女梁齊昕疑似「被失蹤」後，網民都好關心究竟有線娛樂台一連七集《我係梁齊昕》仲會否繼續播。有線回應《蘋果》時就明確表示一切如常播出:「節目一早拍好，會按正常編排播出，冇受任何壓力。」

咁今集梁齊昕就講到話，佢係唔係港女呢個問題。話題由佢早前喺fb騷咗個、於美國手袋網站Edie Parker訂制嘅personlized銀色閃clutch、上面有大大個「Chai」(齊)字嘅獨一無二clutch開始講起( 新聞連結: http://bit.ly/1BDXRJV )今集，一個字都冇提過梁振英。

主持人可宜問梁齊昕 :「覺得自己係唔係港女？」梁齊昕就好似煩煩豬咁摸摸額頭話:「我都唔係好知咩叫港女，只係知港女鍾意名牌呀，潑辣呀，對男仔唔知點呀，公主病呀……」咁即係覺得自己係唔係港女？佢兩眼左碌右碌諗咗一下:「唔係囉，首先因為我係香港人，但我喺英國過咗咁多年，所以我唔係真係喺香港一直一直咁成長……嗰隻港女。」

咁有冇公主病？梁齊昕好快咁答:「咁唔係，我唔係嗰啲崇尚名牌嗰啲，我好多mix and match，有啲係名牌，有啲係just街邊咁樣。」好喇，講番個clutch…梁齊昕話:「嗰個應該係我買過最貴嘅嘢，訂咗真係真係幾個月，差不多半年至到，我真係好鍾意好鍾意。」

man36951

man36951 發表於 2015-1-31 20:21
自從今早爆出CY女梁齊昕疑似「被失蹤」後，網民都好關心究竟有線娛樂台一連七集《我係梁齊昕》仲會否繼續 ...

CY 女自認香港人,某程度倡港獨. 689要警剔!!

ctedjack

回復 man36951 #1 的帖子

做人父親大晒

jj99

alphard60 發表於 2015-2-1 01:50
回復 man36951 #3 的帖子

做人父母的 都怕兒女行差踏错,尤其是在外囯,识坏朋友,吸毒,大癫大废.....重视家 ...

說得好啊！
做父母，難道不可管教子女？人地家事關其他人7事，難道叫所有 父母 要學 黃痴瘋父母比個仔去犯法？先係好 父母！！

tomyhk141

家家有本難唸的經，慈母遇上叛逆女兒，難過!

man36951

【本報訊】近年經常在facebook上「行差踏錯」，而令父親特首梁振英大為尷尬的梁齊昕疑遭封口，她的facebook帳戶前晚起似被人接管，聲明梁齊昕小姐將無限期拒絕所有通訊。公眾對梁齊昕突「被失蹤」議論紛紛，香港第一家庭關係再惹猜測。有網民更將事件引伸至言論自由，要求「釋放梁齊昕」。

man36951

她在首集訪問中踢爆梁振英連facebook是甚麼也不知，更多次要求她刪除帳戶。訪問出街後，梁齊昕的facebook帳戶前晚十一時突貼出「梁小姐將會離開香港一會兒」帖文，其戶口似已被人代管。到昨日戶口更貼出聲明：「梁齊昕小姐將無限期拒絕所有媒體或大眾來電和通訊，請給梁小姐一點私人空間。」
梁齊昕突然「被失蹤」，一向對梁齊昕反感的網民竟轉為同情，有人質疑是她言論太出位而被梁振英「軟禁」，批評梁振英「連個女都唔放過」，要求「釋放梁齊昕」、「解救小狼女」。有人甚至設立「釋放梁齊昕！」facebook專頁，一日吸引到三千多個讚。

willowsiu

高壓式管治