轉載 : 【 無開瓶器的開瓶法！】

hotakmig

【 無開瓶器的開瓶法！】

    黎緊新年長假，大家點都會出去同啲朋友玩下食下飲下、又或者直接去朋友屋企玩下食下飲下。當中最唔少得嘅一定係買返十打八打啤酒返黎啤啤佢！而如果大家夠清醒，你就會發現去到中段個開瓶器總會唔見咗，然後就會有個自命千杯不醉、由一入門口就問始自隊同隊人飲，早喺個開瓶器消失之前就已經失去理智嘅朋友走出黎話：「唉～～～～開酒使乜開瓶器！我黎！」

    於是接住落黎嗰五分鐘你就會望住佢用牙啦、手指啦、筷子啦、鎖匙啦搞一爛餐、身水身汗，然後終於！！有人搵返個開瓶出黎，所以你就可以用個開瓶器開過另外一支，留返嗰支比佢強姦完嘅畀佢

    若果你想慳返人生寶貴嘅五分鐘，又或者你本人就係嗰條「表現者」，咁以下呢十個「唔使開瓶器都開到酒嘅方法」就最啱你啦！

1. 較剪唔係做勞作嘅較剪仔，更加唔好拎呀媽個廚房剪出黎，係要用圖中呢款又尖又硬嘅較剪，慢慢擠入樽藍邊沿突起的部份。

2. 鐵湯匙先握住瓶頸，用湯匙頂住瓶蓋邊沿，再用槓桿原理打開。請注意要是要用類似圖中較為扁身的匙羹，唔好搵酒樓嗰啲湯匙好冇？

hotakmig

3. 皮帶扣呢個就真係唔好亂試，第一依家嘅皮帶扣有好多款、好多大細，真係唔係條條啱使。更重要嘅係當所有人都飲到醉醉地嘅你突然開始除皮帶，一個唔該就比人以為你有不軌企圖就唔好啦！

4. 叉呢個經親身試驗係得嘅，但就比較花時間，而且要神智比較清晰、燈光比較充足先得，唔係你就變考古架啦！

5. 安全帶就憑形狀黎計，其實係最適合作為開瓶器嘅代替品。但基於前題係你必須要有架車，個入門門檻又有啲高。再加上大家作為良好市民，深知酒後切勿驚駛嘅道理，當然唔會喺車上面飲酒啦係咪？

hotakmig

6. 門鎖準確啲黎講係門鎖的榫位，不過呢款門鎖都越黎越少見。

7. 另一個酒瓶亦是本文青親身見證過的可行方法，亦都係最方便會搵到嘅道具。但請注意用力嘅方向，我當年見證嗰條傻仔，係開咗向下嗰支。

8. 紙大家都一定有聽過「紙唔可以對摺多個八次」呢個都市傳說(順帶一提，其實可以摺多個八次，問題係張紙要超大張同超薄)，實際上對摺多次之後張紙都會變得非常堅硬，然後再利用槓桿原理打開。

hotakmig

9. 戒指如果練成咗就真係有「徒手」開瓶嘅效果。但請小心整損手，你知啦，萬一你整損隻酒，支酒就冇人飲架啦嘛！

10. 火機又一個親身見過嘅方法，不過多數都係Fail 居多。因為其實唔應該用個火機黎撬，而係利用開果醬嘅冷縮熱漲原理令到個酒蓋自己鬆開。

最後送上本文的秘密絕技。「香蕉」開瓶！

以上影片乃youtube提供,與本站無關; 若無法觀看,可查看原網址。

hotakmig

~   T h a n k s   f o r   w a t c h i n g   ~

BB29

好有用嘅開瓶法

祖C

槓桿原理, 有用

浩科

好有用嘅開瓶法

專業IT仁

hotakmig 發表於 2014-12-30 20:00
9. 戒指如果練成咗就真係有「徒手」開瓶嘅效果。但請小心整損手，你知啦，萬一你整損隻酒，支酒就冇人飲架 ...

打爛晒點乾杯呀?

ssgtlaikcpeter

原來有咁多方法，第日搵唔到開瓶器都唔驚開唔到酒嘞。

fortunerfamily

去酒吧不用烦恼。。

何虎

以前見D友成日用火機

foxxxx

安全為上策

hung0427

我見D人成日用牙

cegong

第8用紙最方便,就同大家分享以下的片段吧！  

以上影片乃youtube提供,與本站無關; 若無法觀看,可查看原網址。

哈哈～～對酒鬼愛喝酒的人來說,真的超方便的啦 ! 隨便路上或便利商店都有一堆廣告傳單,摺一摺就可以開瓶開喝啦！

7k7k

有酒無開瓶器=有煙冇火....慘情
用呢幾招救急扶危...正

hotakmig

hung0427 發表於 2014-12-30 22:21
我見D人成日用牙

小心爬牙 !   

lugard

好有用嘅開瓶法

parma

禾6氣功

garywk

good good good

thanks for sharing

pleease keep on posting