Facebook總部有間房要用舊機龜速上網

cheese51 · 發表於 2014-12-9 18:51:32

傳說中科技公司連設施都特別高科技同多搞作，Facebook總部唔例外，不過當中有間房偏偏反其道而行，特登搵愛立信重現印度郊區質素的網絡，並搜羅大量「非常低階」的Andriod智能電話，目的是培養員工同理心，用CEO Mark Zuckerberg的講法，是為親身了解「對世界上大部分人而言的體驗」。
據Time的長篇專訪，Facebook總部有間房專門用來研究落後地區的操作情況，開發人員試app唔單只要試現役機種，重要試埋一眾舊機，令不同人採用各種裝置都可以順利使用。而且，Zuckerberg要求員工不可以稱呼這種質素為「低階」，而要改口「典型」。據發展VP Javier Olivan所講，Facebook重試過邀請同行一嘗平民上網滋味。

Facebook如此重視網絡發展不成熟的地區，未必純為擴大用戶層面，亦是為推動其創立的Internet.org。計劃旨在令世界人有上網的機會，參與公司還包括愛立信、三星、Nokia等。

資料來源:Business Insider