沙中線土瓜灣站遺跡保護值唔值

jj99

大家有乜意見？
港鐵沙中線土瓜灣站地盤掘出大量宋元遺跡，港鐵初步估計，考古工作耗資三十一億元，又指若在原址保留宋代方井，以及其他石砌建築，需花費十至二十三億元，累積最高五十四億元額外支出，工程亦需延誤最多十五個月。

HKOXSEX

古跡冇左就冇.
延誤十五個月, 重好多其他因素啦

hoikin_hk

話晒宋代古物, 都值既....

肥叔叔

香港地方太細,  唔應該花太多資源去保呢樣,保果樣,

一個叫大陸黎保,  佢地俾錢

小得少

大家可以睇下李鄭屋古墓遺蹟有幾多人去參觀 !

標青

文物應該保留

800men

睇過土瓜灣嘅古井和引水道, 覺得唔多值得花巨款去保護。

K59

南方宋代嘅古蹟好珍貴，一般都係明清時期。
經常被北方人笑我地南蠻
故所以有保留價值，為南方新安縣爭口氣

sadsam169

多多都值，
港鉄/政底有借口可以 over budget 和 delay 計劃..
政棍又可以花很多時間在事情上做文章。。
学生又有借口上街。。

build.gates

宋元遺跡的確係有相當程度嘅保留價值...
但係我唔明點解一定要喺 "原址保留", 香港而家有好大咩？？有好多地方咩？？
非原址還完放喺 香港歷史博物館 得唔得呀？？
唔駛死架嘛？？

政府庫房唔係話好多錢淨架咩？？
而家唔駛驚唔知點用啦，丟晒落去考古囉，三十幾億啫，重有大把淨架應該。。。

保留同保護有好多種唔同嘅方法嘅，係果班唔用腦嘅先至會下下都話 "原址保留" 嘅唧！！！
好在香港地下重未掘倒有古代皇陵唧，如果唔係分分鐘香港有一半地方唔駛用。。。

sago

唔值都要保，因為政治正確

bei6266

.保護古跡咪成件搬去第度咪得囉.留係原位要洗十幾億.....................有錢不如幫下d公公婆婆好過啦.

lock_on

保護古跡變旅遊景點都可以賺番少少既