外國的天空 -- 天堂? 地獄? (續)

A050 · 發表於 2014-11-15 01:59:35

續上
http://141hongkong.com/forum.php?mod=viewthread&tid=1404869

...輾轉嚟到第三個場，每日十二至十二，五五分賬，總算叫做有少少改善，麻煩在個事頭婆有躁狂症，係又鬧唔係又鬧，試過有一晚發癫，趕了她倆出門口。兩個唔識英文嘅女子，拖住兩個，都唔知点算好...

呢個場，四分一嘅客係亞洲人，四分三係鬼佬。唔知有牌定冇牌(我冇問) ，話晒佢地唔係合法勞工，我相信個場分少咗比佢地。中國人唔"蝦"中國人?  假嘅!

她姊妹拍拖，但個鬼佬男友又孤寒又跟跟計教，咁辛苦為乜嘢哩?  咪就係希望個鬼佬同佢結婚，等佢可以申請個女過去，接受免費大學教育 (我解釋比佢聽，其實唔係免費嘅)。

她自已識咗個男人，同咗居，一個分咗居但又唔肯離婚嘅男人，佢亦唔奢望個男人會娶佢。佢話如果喺當地揾到一個心儀的，自己亦想嫁出去，她兩個囝囝就有机會去讀書。佢而家可以做到的，就只係盡量揾多啲...

喺外國係咪揾多啲呢?  佢話初時生意不俗，但經濟逐漸轉差，近一兩個月生意明顯少了，加上美元/港元强勢，滙返香港啲錢少了一截，呢啲係冇人預計到嘅。佢話收入其實同香港差不多，只不過支出少咗咁話，因為少咗消遣，冇嘢值得買，同埋慳咗啲租。

話咁快佢囝囝已經將下午茶倒晒落肚，佢兩母子亦要去趕下一場。星期六佢就要飛返去，佢同我講佢真係萬二分不願意返去，但應承咗人冇得選擇，佢亦唔會咁無義氣丢底佢姊妹一個。

雖然佢話放咗幾個星期肥咗唔少，燈光下亦難掩那份憔悴，我肉都赤晒。

送她兩母子去地鐵站，見佢兩個拖住手，sweet 到爆...

咁辛苦為乜嘢哩?  咪為咗下一代囉

(利申: 佢從來冇問我借或攞過一分一毫，呢餐佢爭住比錢的)

htl · 發表於 2014-11-15 02:56:39

都系o個句: 拖住個仔. 自己又冇謀生計能, 可以話冇乜選擇

A050 · 發表於 2014-11-15 03:23:29

回復 htl #2 的帖子

Some background:

一個廿歲未夠嘅少女on99跟咗個港佬落咗嚟香港，先至知個老公唔爭氣，成日諗住發達，又懒又爛賭，自己揾唔到錢但又唔比個老婆揾工幫補 (可能驚個老婆叻過佢)。

個奶奶又惡頂，滿口歪理，又睇唔起呢個大陸媳婦。個奶奶有本事叫啲仔賣晒啲私樓，駛晒啲錢，然後去申請公屋攞綜援，我地納税人啲錢就係養緊呢班土炮寄生蟲。又叫啲孫唔好讀書，話讀好啲書冇用㗎，死未!

個老公有個錢喺身就去賭去滾 (試過瞞住個老婆帶個仔去常平飲酒唱K，個仔小學雞嚟咋)

做咗兩個細路嘅爸爸，條佬唔單止冇盡過做父親嘅責任，仲要喺東莞包埋二奶，仲要带埋小三落香港示威，忍無可忍之下，佢提出離婚，十幾年青春就咁浪費咗喺呢段冇結果嘅婚姻。

一個失婚中女，香港工作經驗近乎零，又可以点揾生計? 佢自已一個大不了咪返鄉下投靠屋企，但又唔捨得丢底兩個囝囝喺香港，驚佢地比奶奶啲歪理潛移墨化。

我不只一次同佢講: 如果冇囝囝，您嘅命運會好唔同...

可幸的是，兩個囝囝都好生性，成績不俗，重好錫媽媽。媽媽讀書唔多，功課幫不上了多少，佢可以教囝囝嘅，係用言教同身教做人嘅道理同態度。呢個女人仔，如果嫁咗一個上進嘅老公，佢就係一個成功男人背後嘅女人，命運亦會好唔同，可惜佢遇人不淑，嫁咗比篤屎，唉...

個別個案? 定係冰山一角?? 我相信呢個可能係唔少囡囡嘅辛酸寫照 (唔計憑假結婚來港嗰啲)

gary128 · 發表於 2014-11-15 03:49:19

有兩仔都攞到綜援啦
洗乜出黎做

Dante123 · 發表於 2014-11-15 04:21:51

家家有本難諗的經，不過母愛真係可以不惜一切！

A050 · 發表於 2014-11-15 04:48:45

回復 gary128 #4 的帖子

(1) 佢比囝囝跟老公，因為佢自知冇經濟能力養佢兩個，如果對簿公堂佢一定輸，加上佢奶奶重男輕女，一定唔會放過兩個男孫嘅撫養權

(2) 佢同社工傾過，如果要爭撫養權就唔可以攞綜援，時至今日都冇申請。况且佢一向都不屑佢奶奶一家有手有腳厄综援。

家家有本難念的經，不足為外人道