個人佔中睇法

小西文

係今次佔中一事,我學識左好多野
亦反映到香港人對政治的心態
從網上及身邊朋友所吸收返黎的經驗,我認為我地認應該係買定花生睇戲

政府有多腐敗,無恥,我認為我無須多言,已經眾人皆知
主要我係今次佔中一事睇到,學生們非常之耐打,是打不死小強
係事發前,我認為香港學生哥,食好住好,最多比佢地企2日就返晒屋企
真估唔到佢地竟然無懼風吹雨打同公安的酷刑,令人心感敬佩!向你們致敬,求你地返屋企啦!

我認為政治是黑暗的,好多手段,陰謀!有深思熟慮的!!!
我一直努力說服自己支持學生,跟自己說學生是有前途的,有遠望的!
雖然好多反對的聲音!但有遠見的學生明白,政府是一天天的腐敗,一個貪污接一個,一個公安接一個,連假新聞都出埋
今天不站出黎,香港只會沉淪,犧牲小我,小眾,完成大我大眾的道理!
癱瘓威脅香港,威迫政府!!支持...應該!!

但時至今天我真懷疑學生們當初是否考慮到癱瘓威脅香港???我認為佢地純粹真係只想出黎企街
佢地爭取的是真普選,但佢地又有否想過什麼是真普選?
香港是中國的,中國對香港的控制是一定的!假如cy下台,比香港人自選自投真普選
難到這個特首就可以不用理會中央下達的任務嗎??
遵從中央任務,減削香港自由,那同689又有何區別??
遵從香港人民意思..那同獨立有何區別???
學報紙所講,香港人只能有部分自主權,民主唔係代表你大撚晒,正如自由唔代表你殺人都得
係呢個現實的角度上睇,要真普選係冇可能,唔知企街黎做咩,對cy冇影響不但,重擾民亂港!
但這並不是可以任由香港比粱振英亂攪的合理理由
你唔夠人打,唔通就任人打咩?
所以我係支持學生爭取民主,但可唔可以比d智慧,學生擁有的是民心,而家你地早在適當時機唔退,大失民心
重要講和平佔中,和平企下街中共會比民主你?我個人念(你班友跳晒樓,人地都未必理你啦...)
有本事你就拎D餐具沖入去....可能重大把人撐你地
我所見到的是無勇無謀,就你地的獨立思維?真的不會被利用嗎?
希望你地坐下靜一靜,念一念,唔係念點解要企街,而係企街的作用,成效,然後念下中共立場,人民立場

一腔熱血是沒有用的,政治是陰暗的,要與其相抗,你必須識更多陰招
正如黃X民先生睇唔起人派餅,而家自己都識派啦

我發表個人意見JA,唔係針對學生,我都支持民主,但唔係企街LOR<<--帶頭盔

Bippwin

依家佔中者一盤散沙。
冇人可以代表其他人表示任何決定。
學聯現在連學生都代表唔到，點代表其他人。
佔旺龍蛇混雜，邊個會聽佢哋支笛？

自首？
即係可能要負刑責同民事索償，
睇吓有幾多儍仔肯響應呢個搵笨號召。
刑事？佢哋肯坐幾多年監？
民事？佢哋有能力賠幾多？

如果，佔中三子肯主動入去坐幾年監。
如果，佔中學生父母肯賣樓為受害賠償損失。
我就話佢哋偉大，佢哋以後搞乜我都收聲。
如果唔係？唔好侮辱公民抗命。

hehongjicn

回復 小西文 #1 的帖子

師兄講得好，其實一件好既事，處理得唔好就會比位人入，變成壞事，而家只有問穩個適合既台階落來

小西文

Bippwin 發表於 2014-10-23 00:28
依家佔中者一盤散沙。
冇人可以代表其他人表示任何決定。
學聯現在連學生都代表唔到，點代表其他人。

雖然我都係反對學生企街
不過我唔認同你講法
咩野叫侮辱公民抗命?

冇錯,學生做法係影響普通市民,但係歸根都底係都政府唔退讓!
你話粱振英如果一早SAY OK,我落台,中央話OK,比普選你地又點會有呢D事發生
其實政府都係有責任的,真係唔好推晒落學生度

最起碼學生知道,民主正在逐步消失,腐敗不斷顯現,政府正在耍9佢地
當然佢地都可以大學畢業,搵份好工,各過各生活,出黎受罪做咩呀
帶頭D人可能有利益,後面跟住的唔通各各都有利益?
佢地係好心做壞事,考慮不周,唔代表你可以話佢地侮辱公民抗命!

你可以話佢地白痴,仆街,害人精都OK,我都接受,但佢地絕對冇侮辱公民抗命!
大家都係公民,又有幾多人願意企出黎,最起碼比我D鍵盤戰士強得多
我地為民主做過D咩??我地想不勞而獲享用民主,正如佢地低能到想和平得到民主!
呢度話支持民主,另一邊係度食花生,我出左幾撚多力姐,我呢D先係侮辱公民抗命,不過我會繼續侮辱公民抗命,這是我選擇,請尊重

小西文

IT仁 發表於 2014-10-23 00:15
學生徹與不徹間, 主要考慮有幾點:

1) 能否東山再起,再號令幾十萬人 (若有機心的更會考慮能否再負重任)

呢個問題,涉及我想講好耐而唔敢講的話題,因為會得罪好多香港人,死就死吧
第一點.如果佢地係民心意向,幾時都會有幾十萬人行出黎,佢班學生好清楚唔係
對於佢地的反對聲音,佢地都好清楚大部份源自邊度!!
冇錯係黎自阿姐,阿婆,阿嬸,阿公,阿叔等等人,
呢班人連咩係功能組別都唔知,人講佢地又講,民賤聯票數黎自咩人,大家都清楚
簡單D講,呢推人阻撚住民主進步,佢地係香港大部份的人
佢地雖然咩7都唔識又唔知,不過佢地都係香港人,都係公民,佢地的反對聲音都係民意,民心!!
呢個反映左香港係唔係真係適合民主?呢班大部份人會比政治家玩弄,利用
比晒你地一人一票加自選都係可能投出中共的人
2.如果你認為我第一條講得岩,任何時刻都係撤退時機,因為香港人的政治意識及知識不足,佢地點都係失敗
3.佢地而家想要真普選WO,可以有咩成果呢??其他都重可以念下...呢個傻GE都知除非共產黨下台先可能有機會啦
4.唔滋擾都滋擾更耐,轉晒返屋企,人地都唔會原熟佢地啦...算把啦

有時D野好清楚,係大家唔願意睇,接受唔到姐...

中國係共產黨打返黎,比你話事?
連鎖效應知唔知係咩?唔係你死就係我死,點解你地重要企街,你地有比條路中共行咩??迫人埋死角!!!
一個香港民主,成個大陸反轉!
而家就係要話你地香港人知,邊個係大佬!!
成件事結果有幾難睇!?比返少少水準的人都知啦,係至在睇下政府比人問到口亞亞,花生冇晒TIM....

不過話說成個世界開始吹緊民主風,中共避得幾耐,終有一日要面對,但肯定唔係我地呢代,應該等我地死左後

artlo

回復 IT仁 #7 的帖子

Ching 分析得很詳盡, 可惜太多第三類係你所講果D乜都唔識既一群 , 尤其是四台.

易服小天后

artlo 發表於 2014-10-23 07:33
回復 IT仁 #7 的帖子

Ching 分析得很詳盡, 可惜太多第三類係你所講果D乜都唔識既一群 , 尤其是四台.

佢地收左人大把錢，分分鐘邊佔中邊用手機上四台揾食

iamboyboy

小西文 發表於 2014-10-22 23:09
係今次佔中一事,我學識左好多野
亦反映到香港人對政治的心態
從網上及身邊朋友所吸收返黎的經驗,我認為我地 ...

癱瘓威脅香港?
現在香港癱瘓了?
返唔到工?返唔到學?股市開唔到?連叫雞都叫唔到?

佢地爭取的是真普選,但佢地又有否想過什麼是真普選?
佢哋對真普選的要求, 已經同政府同大眾講過好多次.
任何人稍為有睇新聞都知啦.
睇嚟唔知道咩嘢叫真普選果個係你.

香港是中國的
但中國實際上是中國人的嗎?
從什麼地方體現出來?
能夠選舉地方及中央領導人嗎?
不如話中國是屬於中共的更加合乎事實.

難到這個特首就可以不用理會中央下達的任務嗎??
這不是一個非此即彼的問題, 如果你認為這樣, 你搞錯了.
特首可以做一個香港與中共之間的中介人, 調停人.
例如今次人大對香港政改的落閘.
我們香港人從沒有要求689推翻人大的決定, 因為我哋都知佢唔能夠.
只係要求佢如實反映向中共香港人的訴求.
何況呢個係佢的責任.

民主唔係代表你大撚晒,正如自由唔代表你殺人都得
無人咁樣講過, 實際上亦都無人咁樣做過,
但獨裁就真係殺人都得, 中外歷史作發生過無數次獨裁就真係殺人都得.
你唔知道乜嘢為之民主.
你唔怕獨裁?反而更加怕民主?

幾萬人企街黎做咩,對cy冇影響?不但,重擾民亂港!
政治運動係會會影響社會秩序的, 但如今大部分市民仲係生活如常, 某些地區的市民就有少少不便, 包括我. 但乜都有代價, 你想天跌落嚟? 學生付出的代價更大, 何況他們爭取的, 不是只是為了他們.

幾萬人集會點會唔影響?佢係我或你嘛?普通人嗎?689係路人甲乙丙?
中共睇在眼裡, 唔會問責於地方首長689嗎?

適當時機唔退?
你何以見得現在是適當時機?

和平企下街中共會比民主你?
不. 集會係表態, 更加會引起公眾注意與反思.
你乜都唔做, 中共就一定唔會比民主你.

我不再回應
我講番自家的見解
香港人係咪真係咁鍾意民主?
我哋唔係.
最好有個好政府, 甚至好皇帝.
政治嘅嘢, 最好有個好政府, 甚至好皇帝, 幫我哋代理晒佢!
(但邊有咁筍?)
香港人在九七之前, 都對民主冇乜熱切要求,
因為港英政府搞得好呀嘛!
點解而家越嚟就越唔同?
因為政府搞得衰, 信你政府唔過就梗係要有民主啦, 唯有希望自己都有份揸莊啦.

當一個"國家" , 一日到黑成日話人搞分裂搞獨立, 是否正常?
對待人民太差, 作賊心虛, 就梗係驚人民反撲架啦.
就算所謂啲"維穩費"過高軍費係正常架.

你呢個"國家", 是否真的是人民的國家?
定係只是某個一個黨的私產?
當一個黨扮作了一個"國家", 又點會唔係基於自身的利益, 站在人民的對立面?

所以有回歸問題的原點: 真普選.

巴塞3冠王

artlo 發表於 2014-10-23 07:33
回復 IT仁 #7 的帖子

Ching 分析得很詳盡, 可惜太多第三類係你所講果D乜都唔識既一群 , 尤其是四台.

4台人算質素高ga la 你仲講漏左打手5毛 但比你話過果d 基本唔係打手，真正打手通常好有立場但所有回帖一係轉貼一係好簡短口號式

henry69

回復 artlo #1 的帖子

artlo 發表於 2014-10-23 07:33
回復 IT仁 #7 的帖子

Ching 分析得很詳盡, 可惜太多第三類係你所講果D乜都唔識既一群 , 尤其是四台.


【名稱】：自以為是

【拼音】：zì yǐ wéi shì

【釋義】：是：對。總以為自己是對的。形容主觀，不虛心。

【出處】：《荀子·榮辱》：“凡鬥者必自以為是，而以人為非也。”《孟子·盡心下》：“眾皆悅之，自以為是。”

【例子】：世人往往～，自誇其能。（清·李汝珍《鏡花緣》第八十四回）

谷村富郎

點解有啲師兄講講吓變咗罵人是XX？好似有少少"網絡欺凌,人身攻擊"的意味播！
和和氣氣傾吓計咪好囉！硬係好地地唔得嘅！

^!^

我支持這場運動

Bippwin

想話反佔中的人唔知民主係乜嘅人，自己睇吓本＜貨幣戰爭＞先。
可能唔係反佔中嘅人唔知民主係乜，而係佔中班人唔知民主係乜。

想話世界吹民主風嘅人，唔該睇吓最近十數年，俾民主風吹過嘅地區，有邊幾個有好結果？
中國要行民主，但唔係烽火遍地嘅民主，而係繁榮安定嘅民主，呢啲要慢慢嚟，唔急得。

谷村富郎

阿公阿婆或許有很多真的不太懂甚麼是民主,但更多較年青之人亦同樣歪曲和誤解了民主，不聽他枝笛就等同不民主，認同自己的中央政府的某些政策就是不民主，自己永遠最懂得民主，不反中央的全是奴隸，這就是彼等心目中：真正民主。

made_in_HK

谷村富郎 發表於 2014-10-23 21:09
阿公阿婆或許有很多真的不太懂甚麼是民主,但更多較年青之人亦同樣歪曲和誤解了民主，不聽他枝笛就等同不民 ...

很多民主好漢心目中民主兩個字意思就是"你民我主"

hyugakojiro

運動係好，但係佔錯地方，策略錯了，因為這個運動要速戰速決，當年六四失敗其中一個原因，香港係一個商業社會，只得學生可以犧牲學業，時間，有家庭，要供樓，基層人士只會係假期出來，如果佢地可以同學生一樣犧牲工作，賣了自己物業，去支持這個運動，成功機會可以係大一點，但係現實環境冇可能，政治係要講手段，無良政府睇到運動什麼地方出錯，所以同學生慢慢玩，講真阻人揾食，支持都變中立，之後不支持，時間越長問題就越多，等你地市民對市民，689最想見到情況，中央都好希望係咁，只要香港人唔團結，咁佢地就不用怕，所以香港斯列對中央係好事，最後輸的只係香港人，真普撰只會離香港越來越遠，祝香港好運

谷村富郎

經此一役，阿爺對内對外大條道理維護國家安全搞維穩，香港暴乱成了全國反面教育的樣辨城市，亦给全國幹部上了宝貴一課：振振有词向全國講：嗱！搞多党民主就會有亡党亡國之下場，这次違法佔中或許某範筹内幫了中央政府一把，應記一功。

simontonysoup

IT仁 發表於 2014-10-23 22:03
事實上,  民主制度好多種的,
但民主兩個字, 意思就只得一個: 以民作主.

民主是「以民作主」，當然無可否認，但此定義未免狹窄。
民主的真諦，比單單以民作主四字廣闊高深得多。
民主社會，自由和人權必不可缺，
社會上各種意見得到包容，人民基本權利得到尊重，民主真諦才算彰顯，
今次行動中，學生自稱代表民意，宣稱政府必須回應市民訴求，
請問他們有否包容其他，（包括反對他們）的意見？沒有。
更甚者他們其實騎刧了其他意見。
請問他們有否尊重他人在無干擾下生活的權利？沒有。
更甚者他們其實剝奪了他人此種權利。
民主不是口號，不能講一套做一套。

simontonysoup

IT仁 發表於 2014-10-24 23:40
講真,我們硬要把民主加諸學生身上,
話他們爭取緊民主唔係咁啱.
很多參與者都知道,民主不是解決貧富懸殊 ...

很高興你能講清楚這點，「話學生爭取緊民主唔係咁啱，」
也不應硬要把民主加渚學生身上。
他們只是爭取真普選，而這也是所謂「雨傘運動」參與者共同訴求。
爭取真普選，說白了只是為了一個公平健全的制度，
說白了也是為了公平和公義。對嗎?
然而，你仍未回應小弟22樓對學生們的批評，只是轉移了視線而已。
我問：＂今次行動中，學生自稱代表民意，宣稱政府必須回應市民訴求，
請問他們有否包容其他，（包括反對他們）的意見？沒有。
更甚者他們其實騎刧了其他意見。
請問他們有否尊重他人在無干擾下生活的權利？沒有。
更甚者他們其實剝奪了他人此種權利。＂
就算他們如閣下所謂並非爭取民主，
我對他們的批評仍是擲地有聲的，
因為公義不是口號，不能一方面爭取公義，卻同一時間破壞社會的公義。