「唔放人唔使旨意走」 三警「困獸鬥」力敵200示威者

Topvision

轉自 星島日報報道
https://hk.news.yahoo.com/%E5%94 ... 0%85-215513073.html

金鐘龍和道上演三警「苦戰」二百示威者的悲壯一幕！三名警務人員昨凌晨拘捕一名扔水樽往馬路的示威者後，大批示威者衝出龍和道包圍三警，揚言「唔放人唔使旨意走」，並一度推撞他們，三警為堅持執法，揮棍頑抗，眾人雖舉起雙手，但拒絕讓路，半句鐘後，大批警員終衝入重圍支援，成功護送同袍帶走被捕者。其中一名被圍督察強調：「兵來將擋，唔係人多聲大就可以無王管！」

　　警方前日凌晨「光復」龍和道後，部分示威者昨凌晨約一時企圖「重奪」該道路，多名青年先後扔硬幣往特首辦對開龍和道，之後撲出馬路拾錢，以阻塞車輛通過，多名警員不斷驅趕和指揮交通，不久一名三十八歲男子突扔出兩公升裝膠水樽，擲中一輛駛過的私家車，險象環生，港島區衝鋒隊姓陳高級督察、警長和便衣警共三人見狀，以涉嫌在公眾地方擾亂公共秩序為由，先後衝入人群將其拘捕，結果引發包圍警員事件。

　　消息稱，二百名示威者發現三警企圖帶被捕男子上警車後，馬上走出龍和道馬路上，將三警重重包圍，並不斷高呼「放人」，便衣警見狀死抓被捕者不放，高級督察及警長則亮出警棍，惟示威者未肯就範，更一度湧上前推撞警員，其間被捕者趁亂企圖逃走，便衣警及時扯回後，身貼身將其壓於地上，以防「走犯」，其餘兩警則揮出亂棍，阻截示威者進犯，警長更一邊揮棍，一邊拿出對講機要求增援，但據悉因現場叫罵聲浪巨大，警方未得悉他們具體位置。

　　拘擲水樽漢 反遭包圍

　　持棍「苦戰」多時後，多名軍裝警穿過人群趕至，示威者雖然舉起雙手，但拒絕讓路，警員欲衝出重圍時，示威者大叫「頂住」，場面十分混亂，身處後排的女子更先後大喊「非禮」及「打人」。數十名全副武裝的警員，終在半小時後趕至，眾警將成功逼使示威者讓路，被捕男子遭警員押上警車時，疑因受過度驚嚇幾乎暈倒，遭包圍三警因受輕傷，其後被送院治理。

　　不滿警方拘捕行動的示威者，一直堵路拒絕離去，警員見狀列成人牆步步進逼，眾人打傘抵擋，有警員一度施放胡椒噴霧驅散人群，並拘捕一名二十四歲涉嫌襲警的男子，不久眾人退回行人路，警方則於路築起人鏈，防範眾人堵路，有警員其後以清水為「中椒」男示威者沖洗眼部，眾人其後至清晨時陸續散去。

　　身陷險境 堅信同袍營救

　　遭圍困的姓陳高級督察昨晚表示，他和兩名同袍遭包圍時，混亂中吃了不少拳頭，但他們只揮棍打衝擊者的手腳，保持了克制，他們致電增援時，因現場聲浪大，對方未聽到是在龍和道那一段路面，令救援有所延誤，但他們雖身陷險境，但從未打算放棄執法，因此沒想過「放犯」脫身，更堅信同袍會前來營救，「大批不同部門夥記趕到那一刻，心情十分激動！」

到依家我都未知, 係有人用腳踢水樽出馬路呀..... 定係有人擲水樽出馬路....  
暫時所知, 兩間媒體力證用腳踢, 壹間媒體細說是扔出去...
不過已經唔重要啦......  反正, 差唔多啦.....  

巴塞3冠王

Topvision 發表於 2014-10-17 12:53
轉自 星島日報報道
https://hk.news.yahoo.com/%E5%94%94%E6%94%BE%E4%BA%BA%E5%94%94%E4%BD%BF%E6%97%A8%E ...

其實腳踢同用手掉出去我睇唔出法律上有咩分別 都係拉得

Topvision

巴塞3冠王 發表於 2014-10-17 13:05
其實腳踢同用手掉出去我睇唔出法律上有咩分別 都係拉得

有分別..... 係主觀與客觀.....
客觀事實係, 有水樽飛出路面.....
主觀性描述係.... 一定係佢, 睇住係佢.... 就係有人會睇到係用手, 又有人睇到係用腳.....  總之有人被拉, 佢一定有犯法....  就係唔知係點犯法....

肥叔叔

嘩,   唔使旨意走 ?    和平既黑社會呀 ?

simontonysoup

有師兄Post左片，
目睹班暴民行為，一則佩服三警，
二則覺得應該打X呢班無法無天嘅暴徒。

yk8686

如果照文字描述...我覺得拔槍都唔過份...

三個警察...仲要一個捉住疑犯...實得兩個對二百人...

人身安全下...得碌爛鬼警棍有L用咩

artlo

回復 yk8686 #6 的帖子

你做公安就死得人多, 試吓你俾公安打, 又再用槍指你, 你咪屎尿齊標, 公安咁易拔槍咩, 呢度係香港, 唔係你擁護既祖国. 你對槍, 同警隊執法用槍既常識係零, 所次奉勸兄台收爹.

白羊座o穆o

成班惡徒已走火入魔，認不認識民主而成次要，和平抗爭到擾民，現在的破壞侵犯，民主真的變成戾暴進攻？

qwwwe

好人仲勁過葉問
一個打六十幾個

peterman79

民主就係佢必須要班學子同意, 才叫民主, 就係咁簡單

yk8686

artlo 發表於 2014-10-17 14:32
回復 yk8686 #6 的帖子

你做公安就死得人多, 試吓你俾公安打, 又再用槍指你, 你咪屎尿齊標, 公安咁易拔槍 ...

呀老細...而家係兩個對二百人呀...得碌棍點玩呀...

就係要用槍先令好似你呢d咁既人驚嘛...

btw...你好驚槍咩?...定係你成俾公安打...所以驚?

我地行得正..企得正...有咩好驚...

王重陽

巴塞3冠王 發表於 2014-10-17 13:05
其實腳踢同用手掉出去我睇唔出法律上有咩分別 都係拉得

唔理, 總之班76無法無天

巴塞3冠王

王重陽 發表於 2014-10-17 16:01
唔理, 總之班76無法無天

但班差佬都係欺善怕惡，呢班唔拉旅遊巴果單人地人小就拍片都拉

Topvision

巴塞3冠王 發表於 2014-10-17 16:05
但班差佬都係欺善怕惡，呢班唔拉旅遊巴果單人地人小就拍片都拉

幾單嘢之後, 我見部份pc都好辛苦.....  
一來以前幾好形象都無曬..... 見佢地行去邊, 都有市民刻意閃開....
二來抄牌要更加鬼鼠.....  早前先見個pc快步走人....  
原來係剛剛抄完街頭.... 街尾成十部都無膽抄.... 要放生...

見佢地咁開工, 真係有少少同情佢地.....

打狗兵團

其實班友推撞警察已經係襲警啦

巴塞3冠王

Topvision 發表於 2014-10-17 16:16
幾單嘢之後, 我見部份pc都好辛苦.....  
一來以前幾好形象都無曬..... 見佢地行去邊, 都有市民刻意閃開.. ...

有因就有果，你著住件制服你就代表成個警隊，有得幾單衰比人影到就自然形象插水，其實果7個打人我相信企地唔係第一次，只係佢地平時對付古惑仔人地唔易咬得佢入姐

FromHeaven

係要郁你3個點打200呀
人地咩事俾人拉又唔知
明顯係班人唔妥佢地既處理手法啦

build.gates

唔駛咁快拉佢架...
十秒內執唔返或者唔去執返先罰$1500,
計計埋埋都幾甘, 之後先去拉佢~~     
班學生掉銀仔就重簡單, 先叫差佬即時撿控拾遺不報,
之後班學生一定會出黎話佢地見倒係班學生自己掉出馬路嘅,
咁就啱喇, 成班帶晒返去落口供, 之後就話一場誤會, 47小時半後放人~~      

sadsam169

非常贊同!  "唔係人多聲大就可以無王管"

Coffee or Tea

專業  冷靜
保護自己之餘仲留意到個犯比人拉走