袁嘉敏自加咀戲SM制服安志杰

leungping23 · 發表於 2014-10-10 11:34:16

港姐出身的袁嘉敏將於王晶新片「終極一露」，早前她於電影《屍城》試水溫，與台灣女演員王子魚齊齊生擒安志杰，除了換上褻衣騷3吋事業線，並狂鞭、激咀爆肌男安志杰，盡施「SM誘惑」！

袁嘉敏（Candy）在「終極一露」前，先於「太陽娛樂」投資的電影《屍城》試水溫，聯同台灣女演員王子魚向安志杰施展「SM誘惑」。片中，穿低胸褻衣的Candy大晒33D噴血身材，向雙手綑綁於椅子上的半裸安志杰狂鞭外，更坐在他大髀上激咀。王子魚更豁出去半裸晒波邊，與安志杰埋身「點對點」，意識相當大膽！

Candy日前透過電話表示，為挑逗安志杰而「爆肚」咀對方：「嗰場戲好多都係即席創作，劇本冇寫細節，所以我錫佢都好意外，因為佢本身都唔知。（擔心人哋覺得你抽水？）冇諗過，佢係好爽嘅大哥哥、好西化，所以我哋都覺得錫唔係咩大事，佢都明我個角色係要咁做。」她坦言拍攝時雙方又緊張又尷尬，又因狂摑及鞭打對方而不好意思：「我真係堅打，因為條繩好幼，幾難控制，所以較難錫住佢嚟拍，我哋換角度拍咗足足十次，打到佢真係痛！」

連凱炮製喪屍躋身影展

問到有否過電？Candy大讚安志杰奇妙：「日日見到佢上身赤裸，身形都咁Fit、咁大隻，佢好友善、好有安全感嘅陽光男孩，相信每個女仔都鍾意呢Type。」至於安志杰有否生理反應？她只願透露對方有點緊張：「之前同其他男演員拍過親熱戲，我都從來冇講過，呢啲係佢哋私隱，所以我唔會講。」而稍後她將在導演王晶的三級片《鴨王》中，與糖妹舊愛何浩文（Dominic）埋身肉搏，問到想挑戰哪位男星拍親熱戲？她笑說：「古天樂，因為佢經驗豐富，仲好規矩。」

另外，《屍城》近日入選比利時布魯塞爾「國際奇幻影展」參選電影之一，令導演錢人豪及劇組帶來很大的成就感。負責特技化妝的連凱對能參與此片相當高興，因以喪屍為題材的華語片不多，他又大讚電影製作認真，每天要花十多小時為每位演員化妝：「連手也累得發抖。」但現時有此成績，他亦覺值得。