一個老差骨的話

271lee

警隊是一個階級觀念和整體服從性都極強的服務行業，當整個社會失去平衡而又沒有好好把脈，警隊這樣一個自我完善的小宇宙被推出來維持未把好脈的社會，執法落藥, 產生了此許多side effects。
---------
一個老差骨的話:
（這篇文是給穿藍色恤衫警察睇的，請白恤衫勿看。）
我是一位已做了接近30年的警察，但我唔方便講我咩階級，但我可以同各位伙記講，我十分了解你地的工作，我大部份崗位已做過，最近呢十幾年，我決定只走到最前線支持我的同事，因為我覺得軍裝巡邏同事，係被警察部遺忘的一群，亦是得到最少資源及支援的一群，每位伙記都盡辦法逃離，但到警隊最需要人的時候，他們又被放到最前線的擋箭牌及磨心。

當你們話學生被人利用時，我亦夠膽同你地講你們都是被上級利用的一群，我親身經歷過很多場暴亂，亦做過幾十萬人的遊行，我好清楚依家警隊的管理層的能力，由其是資源增值後的後遺症。警隊現時根本青黃不接，你地睇睇現時你地全層寫字樓(不包括PHQ)，有無一個超過十年差既SIP? 根本全部都是豬粒，而重案組甚至總區重案組都可能是一個未夠3年差的豬粒做主管，最可憐的是他們覺得佢地係得到上級欣賞，委以重任，但事實就不需要我多講。

近呢十年，越來越多遊行示威，但我可以同你們講，90年代的示威，比現時更恐怖，當中更有黑社會參與，當時的指揮官仍可圓滿解決，但現在的示威，我睇到既多數係只想轉達一個訊息比政府知，但警察就當上當中的臨記角色，作為一群主角的陪襯，所以做成同事們對一班主角的憎恨，但認真你便輸的道理你地忘記了嗎？可憐的是我們的管理層令你們更加憎恨他們，因為每次大型示威，高層不理三七廿一，前線人員全部唔比放假，Tier 1,2,Tango 一定turnout, Tier 3就候命，總之個個都會知有開工無收工，現場工作就一定係Tier 2,3 做死，Tier 1及CID同事永遠有個好位standby 住先(我強調係通常，我無意得罪Tier1 同事), 行動期間order 亂到無所適從，有階級既每人都比唔同的order,最慘連一d 唔係你直屬上級既人都黎比order 你，你聽邊個好？更加唔好祈望有人會接替你。

我希望各位市民明白，昨曰(28日)大部份同警察都企左超過二十小時，有d 更加無食過飯，怨氣已好重，當然佢地會怪責市民，加上所有上級都只識開會，九十幾個order 每十秒變一次，怨氣又加重，每人心想打就快啦，唔好再等，因為每個同事已很疲倦，怨氣甚重。還有的是他們身後的指數揮官只有一兩年差，奶都未介，佢又點會比到一個合理order 出來，加上好多前線同事又新，佢地見到人多衝擊，腎上線素上升，所以會有你地見到的過火行為，希望市民諒解。

同事們，昨日的事不是你們的錯，但市民在鏡頭見到的過份，我相信你們心裡明白是上層做成。行動最錯的地方，我相信你地清楚係要封所鎖所有進入添美道、龍匯道、龍和道的道路，人們聚集無得前進，後果就係衝出干諾道，呢個係上層要面子的後果。你地睇下今日(29日)，仲有無上級敢叫你堅守這幾個位呀？咁點解尋日要叫你地做埋咁多無謂行動呀？因為佢地比更上層狂插緊囉。

同事們，唔好再中計了，清醒吧！你們再說市民點衝擊警方、點襲擊你們，所以才會用煙旦已無濟於事，你們留給上層解釋吧！order 是佢地落，你們可以反抗嗎？行動期間，你地有無見到有SSP 以上階級在現場支持你地呀？你地有無見到有幫辦受傷呀？有無見到CP 係電視走出黎支持過你地呀？認命吧！鬼叫你們著的是藍衫，努力啦。

但是我亦希望大家去諗諗，武力使用層次指引，槍械使用手則，包括使用煙旦。你點努力都好，當有錯的時候，我肯定無一個上級會認佢叫你做，我就係一個人辨，所以你地千萬唔好衝動，受傷有功勛，犯錯無人可憐你呀。何必成為他人升級的樓梯呢？你地今次成功回去都只係會有一張大圍影印的CP Compliment 咋。其他指揮官就會步步高升，你地睇番WTO 一戰就知。

今次警方揹晒鑊，係因為有人好大喜功，長期向外宣稱:[警方有能力應付一切佔中的示威] [警方有足夠警力維持社會秩序]，其實大家都知只要行動維持一星期，整個警隊都會崩潰。跟住唔通亞sir 會比你claim 180 個鐘咩？到時RC 會問番你地點解放唔到假，點解一早知佔中，D伙記仲有四、五十個底鐘，最後咪跌落海囉！亦唔駛諗亞sir 會欣賞你比個好位你啦，你地睇下守緊好位既人，係識做人定識做事(大家唔好對號入座)。我提醒你地根據勞工法例，每星期最少要一日Leave 架！

同事們，時代變左喇，我們無需要與民為敵，我地要保持中立呀，唔需要去憎邊個人，邊個政黨，我地只係打工，支持警隊嚴正執法，你地留番比高層講啦，你地合埋眼諗諗，我們邊日開工有嚴正執法過呀？唔好再騙自己喇，只會在寫字樓工作的上級向你嚴正執行紀律。仲有，希望在家中吃花生睇電視的上級唔好在fb 上指指點點喇，因為你地根本無付出過，咁叻就自薦出去幫手啦，我估伙記唔介意你返黎幫手派飯囉。

各位市民，我地警察唔係全部唔支持你地的，只係我地無得反抗，因為我地要生活，焗住聽命於一些無能管理層，希望各位體諒！如果我D 伙記呢幾日曾對過你們有過份行為，我作為他們的上級，我代他們向你們說句:對唔住！
同事們，我不是軟弱，我亦知道我不能代表你，不喜任插。

watsons

其實香港人
就係打份工(可能兩份)
努力賺錢
過自己喜歡的生活

有些人去了做警察
有d去了做政府工
有d去了做政客
有d去了做社團

其實大家都係搵食
事情發展下去
就是你和我所願見的嗎？

furama

其實今次真係要>（多謝））<警方在最危急關頭，［幫］咗佔中！吾放咁多漼淚彈，點會晚上多咗咁多人，仲偏地開花至㕵，銅，旺角一吾夠人，馬上表演警黑合作，等多D人關注，吾係昨日點守得住旺角，見女性支持率偏低，馬上上演生放色魔，令全港女性憤怒，連阿芝同春卷今日都出埋來，半夜怕大家悶，馬上係街頭，即席表現懷舊古法『砌生豬肉』，大叫口號：係咪玩差人？差人係咪好好玩！係咪玩嘢？佔中成功，前線警員『居功至偉』！

地盤佬

furama 發表於 2014-10-5 12:38
其實今次真係要>（多謝））

無間道拍續集又有新題材