Brasserie Lipp，巴黎左岸的百年老店（老牛自拍）

自拍老牛 · 發表於 2014-9-18 17:23:32

本帖最後由自拍老牛於 2014-9-18 17:45 編輯

Brasserie Lipp，位於左岸拉丁區黃金位置，歷史140年啦。店子不太大，但名氣天大。皆因此食店與世界兩大咖啡店，
花神 Cafe de Flora , 及雙叟 Les Deux Margots 成三角形。斜對面就係巴黎最古老嘅教堂 St. Germain-Des-Pres。
呢個金三角可以話系巴黎文人嘅集中點，以前嘅海明威，沙提及西門波娃，卡繆，仲有20年代嘅周恩來。呢個傳統
一直維持至今，巴黎人覺得系屋企寫唔出好文章，一定要去呢種人頭湧湧嘅咖啡店，佢地肚餓就過馬路去 Lipp。
Brasserie 系巴黎第二級嘅食店，第一級就係我地濫用嘅 Restaurant。Brasserie 一般收費比較公道，裝潢唔會過度豪華，
但一般好有特色。呢度嘅裝修系大概八九十年前，第一次大戰之後，一直用到而家。聽講換過兩次老闆，但係佢地都
認為保持飯店嘅特色同賺錢一樣重要，故此幾乎一百四十年嘅傳統一直維持。
老牛舊年去過，叫酒店幫手定枱，系星期日，飯店話如果老牛一點前埋單，就會留一張最好嘅枱比老牛。老牛十一點
45分到，架車就搏懵泊系飯店前少少， waiter 話冇問題，今日差人放假。佢重複一次，一點前埋單，就帶老牛去玻璃屋嘅
角落位，可以見到架車，又見到對面兩間咖啡店。非常舒服。 waiter 又靚仔，野食非常正宗。價錢大概450港幣一個人。
十二點半開始，客人陸續坐滿。埋單後話比waiter知，老牛好滿意呢餐，私人醒左五歐羅小費。靚仔細細聲話比老牛知，
呢個位，四十年前法國總統米特朗夜晚黎食野或者溝女，指明要坐。我回佢 “下次老牛夜晚黎，唔好比我坐，我怕見到佢。”

右手果個靚仔waiter

古色古香嘅門口

老牛嘅“上座” 靚仔將兩張枱拚埋，老牛同牛嫂都向街坐，睇靚景

餐牌好 Classic