考試

ZERO · 發表於 2008-2-17 07:02:43

為慶祝成為金牌會員, 一連post幾個笑話俾大家啦~~~

<搞事>

小強響考試期間左望右望, 監考官就走埋佢問佢 : 小強, 你知唔知你咁做我可以當你出貓?

小強 : 唔係呀嘛阿sir, 題目紙上面寫住"請「找」出最正確答案", 我依家咪搵緊囉, 唔係咁樣屈我呀嘛?

監考官 : %^&*(

<如此出貓>

小強 : 媽, 我今日俾人踢左出校呀。

小強媽 : 下?點解, 發生左咩事?

小強 : 學枚話我出貓....

小強媽 : (一邊打一邊鬧)衰仔, 點解丫, 你點解要咁做~~明知考試睇書一定俾先生捉到啦.....

小強 : 阿媽~~唔係呀.....我只係想掀起件校服數下人身體有幾多條肋骨之嘛~~

小強媽 : @%##@#

<>

yoyo一直暗戀張sir, 今日趁放學教員室無乜人, 就去教員室搵張sir示愛!

yoyo : 張sir, 我真係好鍾意你, 為左你, 我願意做咩都得架!

說時遲, 那時快, yoyo已經「哄」埋去, 但張sir仍然異常冷靜, 只係問 : 真係乜都得?

yoyo堅定地點頭 : 無錯!咩都得!

張sir : 咁唔該你俾心機讀好d書, 聽日科中文考試唔好再唔合格la

yoyo : %&^%^&

<無賴>

肥明今日考試, 好多題目都識, 但係唔係好夠時間做, 監考官已經嗌"times up, pens down", 但係肥明仲響度填答案。

同學都陸陸續續行出去交卷, 所有人都走晒肥明先行出去交。

監考官 : 你知唔知頭先我叫pens down你已經唔可以再答題, 如果唔係我可以唔收你份卷?

肥明一個步前, 哄埋監考官度 : 你唔收我份卷?你知唔知我係邊個?!

監考官被身形龐0既肥明兇一兇, 當堂窒一下, 但係仍然話 : 我....我點知你係邊個~知又點丫?

肥明 : 哦~~唔知就簡單啦~~

然後一手將自己份試卷伸落去頭先交0既試卷裡面, 監考官想搵番出黎, 但因為唔知肥明個名所以無辦法。

肥明就以勝利姿態慢慢行出課室。

監考官 : %^&#*&#&

[ 本帖最後由 ZERO 於 2008-2-17 07:04 編輯 ]