CCTVB 把國家機密外露了

controllboy

無綫電視有名你叫做CCTVB，梗係唔放過任何機會幫阿爺做宣傳機器，甚至連一年一度嘅香港小姐選舉，都緊跟進中央路線，大搞小圈子篩選。話說今年港姐以「港姐冠軍由你話事」做宣傳噱頭，聲稱畀市民一人一票選冠軍，但實際上卻原來係經星級評判篩選後先畀市民揀，而且可選擇嘅候選人仲只得三位，最終原本好受市民歡迎嘅大熱被out，係咪好似預示緊人大框框下嘅特首係假普選呢？
大熱11號冇份入閘

前晚港姐決賽，由15號邵珮詩奪冠，亞軍同季軍分別係9號王卓淇同7號何艷娟。但賽果一出唔少網民起哄鬧CCTVB呃人，原因係無綫喺今年港姐決賽以公投選冠軍為噱頭，但實際當日原來係先由大會5位星級評判，為10位決賽佳麗喺當晚嘅表現作評分，其後篩選出最後3強，觀眾先可以透過手機程式TVB fun投票，而賽前大獲民意支持嘅大熱門、11號吳凱欣，卻被小圈子星級評判篩走，市民實際上根本冇得揀。
呢個港姐決賽結果大受網民非議，好多人話係完美演繹小圈子選特首。例如5位星級評判就係人大決定下嘅1,200人小圈子，重點功能都係篩人；而最巧合嘅就係佢哋都係篩三個人出嚟喎。咦，乜咁啱又同人大決定提委會只可以篩到最多三個特首參選人一樣嘅？
而港姐喺經過篩選後，冠軍雖然由邵珮詩以15.6萬高票當選，但有網民質疑佢嘅認受性，認為如果賽前大熱、11號吳凱欣都可以出閘，賽果就唔會係咁！咁又難怪網民批評港姐同特首選舉一樣，直指人大通過嘅框架都係排除民意代表，普選都變得冇意義，有票都唔一定要㗎！
而24歲嘅邵珮詩噚晚接受無綫新聞訪問時，堅持由評判團選出最後三強後再畀觀眾揀有認受性：「因為以前全部都係評判選出，今年係評判選出，跟住觀眾投票選頭三名，我覺得咁係好公平。」佢之後話喎，知道好多人想一人一票表達民意，「但我認為個個都要學識點樣包容，點樣可以有一個共識」，強調適當嘅包容對香港社會好重要：「我哋香港人一定要團結，我哋都是一家人。」睇到呢度，八方相信佢喺無綫呢個河蟹大家庭一定有運行。通訊局收到6宗對港姐決賽嘅投訴，包括投訴挖苦別人、鼓吹着皮草，引致不良社會風氣、賽果不公，有造馬之嫌同內容沉悶。

看今年的比賽, 真是和未來的特首選, 可能是一次預演, 大家都都咁嗎? 但CCCTV是否有把國家機密.............

playerboy

Forget about the election, it is just for show only

simnight

不要說了!

西門吹風

香港比國內自由好多，唔喜歡可以走人。

pousoaobama

Why should we move out? Hong Kong is our home. If you love Commies so much, why don't you move to China? There are 1.3 billion commies awaiting for you. Joint them, you will live happily forever and don't ever freaking come back to Hong Kong.

丁有康

都唔知幾耐無睇過港姐....

ZidaneX

咁樣選港姐有好睇咩？？
我覺得第二晚睇港姐冠軍屋企嘅訪問時，見個冠軍嘅老姆都仲靚過個冠軍。真係阿媽去選都仲加有含金量！

伊凡

火馬 發表於 2014-9-2 15:25
票數多不代表一切！咁樣搞咪劉德華做特首？CCTVB無非都係想你哋啲香港人早些適應篩選！

CCTVB真係用心良苦.......

伊凡

太安樓肥貓 發表於 2014-9-2 17:29
強烈反對港姐三甲由愚民選出

不過其實結果都係一樣

今時今日,要包容吓啦...

9300

你地怪錯左CCTVB啦
佢只係反映返現實既現實

補充內容 (2014-9-2 21:51):
同埋包容下啦香港人 等多班MTR唔駛死架
最多塞係將軍澳幾個鐘姐

kinsoncc

證明CCTVB與時並進, 先篩選後普選, 既符合國情, 又能夠滿足香港人體現一人一票選舉, CCTVB果然係香港人的電視台!

kinsoncc

controllboy 發表於 2014-9-2 10:04
無綫電視有名你叫做CCTVB，梗係唔放過任何機會幫阿爺做宣傳機器，甚至連一年一度嘅香港小姐選舉，都緊跟 ...

CCTVB要確保選出來的港姐一定係愛CCTVB, 唔會同CCTVB搞對抗, 甚至危害電視台安全, 先篩選後普選係最冇風險的做法, 有人會覺得今次的框架與理想有差距, 但大家應與現實比較, 而非與理想比較, 如果香港市民不能一人一票普選港姐冠軍, 700萬市民就只能坐在家中透過電視觀看評判選出冠軍. 正所謂有普選總比冇普選好, 唔通觀眾有票真係唔要?

巨大狗大

有名你叫 CCTVB，當然緊跟阿爺西選做法。
當晚只睇少部份無睇晒。

funseller

不能危害CCTVB安全