白鴿黨成員，疑似開職業籌款公司食水深

feasible · 發表於 2014-8-27 11:28:24

轉載話題，在某討論區見有這事件，不知真定假
「您好，我哋係XXX嘅籌募大使……」這句耳熟能詳的說話，背後有多少個不知道？你知道籌募大使受薪嗎？你知道籌募顧問公司的存在嗎？你知道慈善機構的籌募支出有多少嗎？

七成二人不知街頭募捐員受僱

大學線記者在銅鑼灣、旺角、紅磡、沙田等人流較多、籌募大使較常駐守的地區進行街頭調查，結果顯示二百一十名受訪者當中，七成二不知道部分籌款員受薪。參與月捐計劃的市民表示，一直以為當天在街頭游說她的是義工。得悉那人是受薪進行募捐時，她感到驚訝。

世界自然基金會自零三年十二月至今，一直委託集善有限公司負責機構的街頭月捐籌募工作。記者參考機構的零八至零九年度財務報告，其總支出約六千六百萬，即每年約需支付籌募公司三百三十萬，估計每個月的委託費接近二十八萬元。

民主黨張賢登借“民主”名聲大發慈善財

白鴿黨一向都標榜自己唔係財雄勢大嘅政黨，黨員當中，雖不乏專業人士，但亦唔算身家雄厚之輩。不過，原來秘書長張賢登禾稈冚珍珠，坐擁市值八千幾萬物業，當中單係元朗錦綉花園就有三間獨立屋，另外，元朗葡萄園貝翠大道亦有一幢，而喺市區嘅太子，則有低層單位。點解咁疊水？因為佢老婆九年（2003年）前已創立全港首間的籌款公司，唔少具規模嘅非牟利組織好似綠色和平、無國界醫生、WWF等，都係佢嘅大客，佢哋收嘅佣金，聞說相等於善款數字五至八成！

四十八歲嘅張賢登，係元朗十八鄉崇正新村原居民，本身係教師，九○年喺已故立法會議員吳明欽嘅支持下，加入民主黨前身「港同盟」，至九四年正式「轉會」，被視為黨內第二梯隊。他由九一至○三年擔任元朗區議員，○八年參選立法會失敗，去年證實患上第三期腮腺癌後，向黨申請暫停擔任秘書長，直至今年二月康復再重掌職務。

坐擁八千萬物業

不過，原來一向低調嘅張賢登坐擁豐厚身家，佢同太太趙錦霞籌款公司「集善有限公司」，賺到盤滿缽滿，家陣喺元朗錦綉花園就有三間獨立屋，市值合共高達二千三百五十萬元嘅，還有葡萄園貝翠大道一個市值三千五百萬嘅獨立屋單位，佢前年以二千三百一十萬元入買入；另外太子區利美大廈有個低層單位連平台，市值都達二千二百萬，同佢○九年買入時比較，已經升值一倍。

如果是真的，真係借做善事發財，醜惡黑暗面目