首屆港職聯 2014-2015年度

man36951

2014香港賽馬會社區盃 - 南華宣傳片 (SCFT TV)：http://youtu.be/BVji0Tcl8HY

man36951

今季新升班挑戰港超賽事的黃大仙，早上到黃大仙祠進行拜神儀式，祈求新球季旗開得勝。新加盟球員包括辛祖、莫斯奧、杜馬斯、張君、蘇洋及美高等。球隊班主馬鴻銘表示，班費約650至700萬，今季會以前六為目標。黃大仙作為地區球隊，由丙組打到上港超，唔知今年會唔會得到黃大仙庇佑呢？

man36951

man36951

太陽飛馬檳城集訓之旅 ﹣ 第七日花絮：http://youtu.be/mPX0CwzfOkw

man36951

今日除咗天朗氣清，仲係良辰吉日，因為兩支區隊：元朗同黃大仙不約而同揀咗今日拜神，祈求於港超聯順順利利！

以乙組亞軍升班嘅黃大仙預計新球季班費650至700萬港元，除咗沿用升班功臣，教練招重文亦都搵嚟一班晨曦舊將加盟，加上前鋒辛祖、中場美高、後衛杜馬斯同莫斯奧，組軍已接近完成。領隊馬鴻銘就話唔會剩係以護級為目標，希望可以爭取到中游位置，屆時主場比賽仲會有一班Babies助陣打氣，睇下杜馬斯喺幾位靚女助威之下成個James Bond咁款，睇下到時比賽係咪一樣咁醒神！

至於續獲天行集團冠名贊助嘅元朗雖無Babies助威，但新球季繼續打出親子牌，希望一家大細帶埋小Baby入場睇波。元朗今季雖有辛祖離隊，但亦有吉武剛、元洋、蘇來強、陳衍光同門將陸平中加盟。當中吉武剛喺噚日友賽梅開二度，協助元朗逼和東方2：2，雖然Big 4今季一擲千金，但真正實力係點，都係要落過場先知，而元朗去季正正係面對強隊不時交出驚喜表現，將帥都話絕對唔會未戰先認輸，希望挑戰前4位置！

man36951

回復 Multimedia #1 的帖子

man36951

回復 Multimedia #1 的帖子

已較之前有規劃，進步中。

man36951

Ken K. Ng

傑志及大中U13繼續備戰，準備星期日出席香港賽馬會社區盃。球隊備戰情況及大戰前的想法，明天再跟大家分享。

今日我再細心看過未來一個月的比賽，發現很快就出現第一個魔鬼賽程，而且人腳亦有點緊張。尤其是香港隊及亞運隊都有比賽，個別球員需要歸隊集訓及離港，故有一定影響。傑志有安基斯、梁家希及溫俊入選亞運隊，由於亞運隊十二號出發往仁川，故肯定缺席聯賽開鑼戰，而家希及溫俊亦錯過亞協盃四強首回合的比賽。

至於傑志有王振鵬、張健峰、曾至孝、黃洋、林嘉緯、盧均宜入選香港隊的決選名單（另外安基斯同時入選兩隊），他們在九月初的國際賽賽期亦要歸隊外出比賽。我都是剛剛才發現港隊在9月6日多了一場作客越南的友誼賽，即是港隊四日內有兩場硬仗。球員離港一個星期，對體能的付出有極高要求，亦對球隊的備戰有一定影響。加上球隊在13日就會啟程往中東準備亞協盃四強的比賽，長途機及時差亦會影響球員的體力。所以可以的話，都想讓港隊主力在12日的揭幕戰休息留力。當然港隊教練金判坤有權在國際賽期安排比賽，但球員在七除八扣（一共九人入選港隊及亞運隊）的情況下可供的選擇不多，就極考驗主帥摩連拿部署及調兵遣將的能力了。

面對9月的連場挑戰，球員當然要做好準備。其中徐德帥在亞協盃八強首回合受傷，他近日除了睇醫生外，亦開始接受針灸治療，希望加速復原及提昇比賽狀態。始終如果他能在對阿比爾前復出，對球隊有一定幫助。

另外開季在即，球隊亦要對外援名額作出決定，我們決定暫時不會註冊艾里奧及保連奴。早前跟兩人傾過，他們都認為傑志的訓練很高質素，亦從教練摩連拿身上學到很多東西，兩人都想繼續留在球隊學習傑志的踢法，為未來作準備，亦傾向不想離開及被外借。故此球隊都決定不會將兩人借去其他港超聯球隊，他們會繼續留在球隊訓練，並在甲組的大中上陣以保持狀態，待1月時轉會窗重開後才以本地球員身份註冊。

man36951

Yeung Ching Kwong

有球迷對新黎嘅外援好感興趣，今日就同大家介紹下今季新加盟嘅三位外援，伊雲、摩拉、保贊。先講伊雲，他來香港試腳，咁岩係球隊踢友誼賽，踢完佢隨即返回澳洲比賽，我地覺得佢好有誠意，專誠飛過黎試腳，伊雲比較文靜，年青很有活力，在友賽梅開二度，表演出色，操練後，更覺得佢嘅踢法好配合球隊，隊中阿Sean同Jack都係後生仔，同伊雲好夾得黎，亦好照顧佢在香港嘅起居飲食。

來自塞爾維亞嘅保贊，就曾經代表烏茲別克拿沙夫隊贏得亞協盃冠軍，佢一到步就同記者見面，記者稱佢為狼人，因為佢滿面鬍鬚，好似Xmen，仲要成身都係紋身，佢話自己乜野都唔鍾意，最鍾意就係紋身，雖然佢個樣比較兇惡，但其實份人幾nice，亦好識講笑，咁好嘅性格當然好快容入球隊，保贊絕對係高質素嘅球員，作為一位後衛，用波能力同速度都好好，教練團觀察左佢一排，覺得佢可以穩定球隊後防。

來自厄瓜多爾嘅守門員摩拉，我地幾個早前去瓜多爾都有留意呢位門將，佢係一位有經驗嘅球員，當時感覺佢練習有d懶散，都擔心佢黎到香港唔知會唔會配合唔到南華嘅操練，佢唔識英文，黎到香港初初都唔太適應，范sir都有多左時間去同佢溝通及訓練，經過一段時間，摩拉表現積極，同埋好肯學野，希望不久將來，佢會更加投入，適應香港嘅足球。外援來自不同地方，有文化差異問題，咁多年見過好多外援，真係好多新奇有趣事，有機會再同大家分享。

man36951

YFCMD

【三水天氣晴 Day 3】係球員訓練完一日，仲開緊會的同時，小編都冇偷懶，整理好相片，就放上黎Fan Page喇！
望住D相，真心覺得佢地好努力，小編頭先偷偷地係屋企嘗試模仿佢地訓練時做的動作，結果，做一陣都已經放棄左！真係唔敢想像佢地係烈日當空下完成一課訓練，係需要幾多的堅持！Fans們，您地仲唔俾個讚support下！仲有5日，加油，小將們！

jjpeople

i just hope more rich ppl invest in hk football

man36951

marlet

社區杯入場支持!

man36951

可能今日是區隊的好日，兩支港超聯區隊不若而同選擇今早舉行拜神及就職儀式。雖然兩軍班費都是650至700萬港元，但目標截然不同。天行元朗在新贊助商加盟下，希望繼續發揮黑馬本色，挑戰港超4強地位。至於新升班的黃大仙則希望在頂級聯賽企穩陣腳。

天行元朗中午在「大坡頭」舉行拜神儀式。雖有球隊有辛祖及馬其仕離隊，但有吉武剛、元洋、蘇來強、陳衍光及門將陸平中加盟下，實力更見平均。教練陳浩然坦言增兵行動與腹稿接近，有信心踢出更好成績：「除了卡里爾受傷未能加盟，其他球員都是上季尾時已決定羅致的目標。上季球隊守強但反擊欠銳，而蘇來強擅於踢反擊，吉武剛更是前線的機會主義者，我有信心令列強失分。」元朗與東方友賽踢成2:2平手，足證他們具備一定實力。

元朗主席王威信透露班費比上季增加100萬元，希望球隊有更好發揮：「上季成績令人滿意，入座率亦符合預期。但始終來到第2季，球迷或會失去新鮮感，故此球隊必須有更好表現，才能吸引到更多人留意。」

至於黃大仙先在黃大仙祠舉行拜神儀式，再拉隊去主場斧山道球場拍攝大合照。黃大仙有多名晨曦舊將加盟，加上辛祖、美高、杜馬斯及莫斯奧等外援，實力有一定保證。教練招重文指球隊在熱身賽表現理想，之後亦會拉隊上番禺備戰開鑼。領隊馬鴻銘相信球隊不會成為「升降機」，有能力企穩中遊位置。另外，黃大仙約有6-7名足球打氣寶貝，亦有信心吸引區內球迷入場打氣。

man36951

首屆港超聯尚有半個月才開鑼，不過南華及傑志搶先登場，出席周日香港賽馬會社區盃。除了有機會捧盃外，更可為球隊指定的機構籌得善款。賽前記者會已有火藥味，相信到時會有一番激戰。

社區盃獲馬會撥款100萬港元贊助。冠軍球隊可得25萬元獎金及10萬元捐給球隊指定慈善機構，而亞軍亦有10萬元獎金及5萬元捐款。南華將捐款予社區組織協會的無家者世界盃，傑志則捐予基督教聯合醫院作兒童醫療用途。

社區盾雖有慈善意味，但雙方為爭響頭炮，記者會上火藥味十足。南華足主張廣勇對贏波信心十足，更直言球隊只有飛馬一隊爭標對手。至於傑志總領隊伍健直言這是球隊的地標戰，希望先贏一個盃，迎接新球季。

另外，傑志晉級亞協盃4強首回合將挑戰伊拉克球隊伊比爾，這場比賽安排移師黎巴嫩上演，而傑志表明已入信亞洲足協，希望更改中立場地舉行，現正等待相關單位回覆，暫時估計機會樂觀。

man36951

列強今季大灑金錢聘請高質外援，當中連續兩季失落錦標的太陽飛馬，一口氣簽入中場丹贊奴域及前鋒禾尼亞，前者除了是前波斯尼亞國腳，更是本地近年少數曾在歐洲頂級聯賽落班的外援。
雖然今季港超聯Big4班費均達2,000萬港元，但傑志及東方繼續器重舊援，前者續由巴倫古素、列斯奧及丹尼等「狂牛兵」孭飛，後者亦有基奧雲尼及麥阿里士打等前線主力留隊。反觀南華及飛馬引入了不少新援，其中飛馬防守中場丹贊奴域曾為波斯尼亞國家隊披甲17次，當打時期更曾帶領凱沙羅頓升上德甲，級數相當高；至於出身於意乙利禾奴、其後到過越南效力寧平的前鋒禾尼亞，其最大殺着是個人能力強及速度快。

man36951

至於南華經歷高層改組後，外援亦大執位。前厄瓜多爾國家隊門將摩拉年初在賀歲盃大顯身手後，獲南華新足主張廣勇賞識；至於塞爾維亞籍中堅保贊，經過近期連場友賽亦獲教練楊正光高度評價。不過，最新加盟的前保加利亞國腳馬卡列夫能否踢出身價則令人存疑，這位曾效力國際米蘭的1米91長人中鋒履歷不詳，僅知他來港前曾輾轉踢過十多間球會，宜先看過其表現才下定論。

man36951

天行元朗

man36951

man36951

Yeung Ching Kwong
14 分鐘前 ·
開操兩個月，呢段時間對球員黎講，在生理上係最艱苦嘅時間，開左季，就多埋心理壓力，做教練除左照顧球員嘅實質表現外，佢地嘅心理問題都要關注。

等左三個月，終於等到今季嘅第一場正式比賽喇，球迷一定等得好心急，我地整隊球隊都係非常期待，希望大家身體力行，聽日入場同南華打氣。

今季港超聯，我對球隊非常有期望，大家表現都令教練團好滿意，球員積極同付出嘅努力，令整個團隊進度非常好，希望新景象帶比球迷煥然一新嘅感覺，帶比大家一場又一場精彩嘅比賽。明天3:00旺角場見!