祖藍亞男隨時分手

leungping23 · 發表於 2014-8-13 16:27:46

佢0地簡直係錯配

李亞男前晚以台灣「G奶天后」蔡依林（Jolin）谷胸造型錄影節目。不過，同場的男友王祖藍卻詐型詐到出面，既嫌亞男表演服裝過短，又埋怨女友於新劇連咀兩男，更笑言如此激將法令兩人接近分手邊緣！

王祖藍、李亞男、林盛斌（Bob）、鄭欣宜、陳嘉佳與方力申等前晚錄影《Sunday扮嘢王》，穿Deep V裙谷胸的亞男獻唱蔡依林的經典歌《唇唇欲動》，又唱又跳相當火辣。阿Bob與王俊棠等扮演台灣組合F4唱《流星雨》，工作人員突然於鏡頭前放置大風扇，阿Bob上衣被吹起，露出肥美肚腩，假髮亦被吹甩，場面搞笑。

連環咀仔惹不滿

曾扮過Jolin的祖藍，自誇造型比女友所扮演的更勝一籌，不過對於亞男近日在劇集《忠奸人》分別與張繼聰及李子雄激吻，祖藍不諱言冇眼睇，更笑說：「我諗我哋接近分手邊緣，佢呢排咀完張繼聰又咀李子雄，一陣又有四個美男喺佢側邊，真係唔知呢排咩事玩激將法。（激你結婚？）我諗會離囉！（叫啲男仔唔好多手？）控制唔到四個癲嘅喺台做乜，驚睇到眼火爆，呢排好爆、好躁。」他更指女友的表演服裝過短，要求工作人員加長。

對於祖藍的不滿，亞男似乎未有介懷，更否認祖藍因未能接受其表演服裝太短，而要求工作人員加長：「佢嫌太長騷唔到腳，覺得最緊要靚，所以剪到A字靚啲！（話你同男演員咀係激將法？）之前都有畀佢睇劇集，佢話合理，我咪放膽去做囉！佢都有錫好多乜BB，我都冇介意啦！」至於擔任評判的方力申表示有興趣扮石修，認為對方很有型。