人生交叉點

Playplayboy

真係要請敎大家應該點做..

小弟的老婆叫阿MAY(化名)...佢嫁我之前已結過一次婚，佢前夫係一個好爛賭既人，阿MAY同前夫生咗個兒子叫阿明，係阿明1個月大既時候佢老公輸到一身債要走路掉低佢母子兩個下落不明..........阿MAY為咗個仔秘撈打幾份工去照顧個仔，其實我係佢未結婚前已認識佢係佢份主工既同事，不過唔同TEAM,但是兩條TEAM因為工作關係亦經常交流所以彼此都很熟，我們認識了8年，我一直以來亦暗暗喜歡佢不過知佢有男友就冇去表白或者特別約佢，我好欣賞佢既為人，知道佢緍變既慘事後我就鼓起勇氣去努力追佢....最後終於比我成功追到佢仲答應咗同我結婚.......我地結咗婚都成年有多....一家融洽.....但係半個月前醫生發現阿明患有罕見既癌症，醫生話係香港因缺乏經驗既醫生所以醫好既機會較微如果送去美國就大D機會但係都只係得3成機會醫好......就算醫好咗將來腦部都會因醫藥的影響變成較智及長期吃藥........如果係香港醫醫生話費用大慨2-3百萬.....如果係美國醫就要成5百萬或者更多...........我並不是一個能幹的人,我只有中七畢業,父母很早離世了留下了一個唐樓單為給我，現在市值約百多萬元...我自已的儲蓄大慨3百萬元左右...如果賣咗間屋加上我既存款再問朋友和銀行借D錢應該可以送阿明去美國醫..但係我今年已經踏入50多了又冇學歷..如果我冇咗份工又冇咗間屋又冇曬積蓄..咁我真係怕臨老過唔到世....阿MAY因為前夫的欠債，所有錢都冇曬，佢係一個好明白事理既女人.....佢都知個仔唔係我親生，所以阿明既日用品及所有費用佢都係佢自已出....但係今次既事佢真係冇能為力..佢求我送阿明去美國醫......但係我機會只得3成...而且就算成功將來都要不斷比錢買藥比佢....我真係唔知自已有冇呢個能力去照顧佢地...阿MAY話佢會努力還錢比我..但係我知道佢係冇可能還到錢既....不過我真係好愛阿MAY唔想失去佢...到底我應該要點做?

artlo

回復 Playplayboy #1 的帖子

Ching, 相当明白你的处境, 亦十分同情那位女士, 無論怎样, 以你的財力, 能力绝冇可能过関, 因為医生给你的係約數, 已經夠你清袋, 你何来餘錢去跟埋條尾數 ? 不要再自尋煩惱了, 放手吧 ! 好好的為自己日後生活着想一吓.

zgokzgok

Playplayboy 發表於 2014-8-11 01:20
真係要請敎大家應該點做..

小弟的老婆叫阿MAY(化名)...佢嫁我之前已結過一次婚，佢前夫係一個好爛賭既人， ...

首先, 對CHING的景況深表同情. 唯自己力有不逮, 不能相助, 只能在此表達少許愚見.

1. 就算阿明不是你親生的, 但也是你的家人, 亦是你所愛的骨肉. 所以沒理由不去幫助. 若然只去計較錢財而令自己抱憾終生, 何苦?

2. 關於要去美國還是香港醫治. 小弟的愚見還是覺得留在港醫治比較好. 一來, 這是一場賭博, 而且輸的成數比較大. 所以不能不計後果的去做. 在港醫治, 至少, 你的積蓄已可應付, 不用借錢解決. 至少, 仍有地方留宿. 要知道, 阿明能否完全醫好, 也是要看命數. 但你和你的妻子, 未來仍要活下去. 所以怎樣也要為你倆的未來計劃一下才是明智的.

望能令CHING參考, 並祝萬事平安.

hkwatcher

睇嚟你只有三個選擇 :
(1)   傾家蕩產送繼子去美國醫病。
若繼子醫病不成功, 老婆雖然很傷心, 但佢應會好感激你, 很大機會與你度過貧苦嘅餘生。
若繼子醫病成功回港, 由於後遺症關係, 需要特別照顧及長期醫療支出, 而你那時已人又老錢又冇, 無論體力及財力都不足以應付, 好容易便會產生磨擦, 故此前路十分崎嶇難行 !
(2)   留下繼子在香港醫病。
若繼子醫病不成功, 老婆心裏一定有疙瘩及埋怨你, 認為失敗原因是你不捨得花錢。
若繼子醫病成功, 由於後遺症關係, 老婆心裏一樣有疙瘩甚至埋怨你, 認為若到美國治療後遺症便不會那麼嚴重。
上述兩種情況都令你以後的日子絕不好過 !
(3)   放手, 像她前夫一樣, 不辭而別。
這樣做你會抱憾餘生及受人唾罵 !

(至於其他選擇如中六合彩或有善長仁翁幫助等非你能控制者不在此討論之列。)
三個選擇都不理想, 最好多些與親友商量, 若選擇 (1) 或 (2) 者更要與老婆詳談囉 !

擊起千尺浪

Playplayboy 發表於 2014-8-11 01:20
真係要請敎大家應該點做..

小弟的老婆叫阿MAY(化名)...佢嫁我之前已結過一次婚，佢前夫係一個好爛賭既人， ...

康復機會率太低....最怕係兩頭唔到岸！人財兩失！錢用咗又醫唔好！