慘遭猛男輪流「蹂躪」　蕊蕊：似被侵犯

閃電高達 · 發表於 2014-7-27 21:23:59

蕊蕊在深水埗出席《雷霆猛男SHOW發布會》，席間澳洲猛男組合THUNDER FROM DOWN UNDER的三位成員大跳脫衣舞，向在場師奶及阿婆等大騷肌肉，又走到台下坐阿婆大髀，玩啜面之餘更抱起場外「熟」女，令現場氣溫急升！
之後，蕊蕊獲大會安排坐在椅子上，三位大隻猛男輪流向她「零距離」獻舞技，可憐的蕊蕊慘被連番「蹂躪」，除了被大隻仔捉實手仔一嘗搓男人胸滋味，玉手更遭硬塞進猛男褲內，疑似觸及男性敏感部位。其後蕊蕊更遭猛男用面狂捽下體，大膽程度令人咋舌！

感覺似被侵犯
全程瞇眼、露出痛苦表情的蕊蕊，嚇到花容失色兼喪標汗。事後她坦言好驚、心情未能平復，問到有甚麼感覺？她說：「嚇親咯，好想走，未試過。」提到疑似摸及男性重要部位，蕊蕊驚嘆謂：「我唔知摸到乜嘢，好驚，好想縮手，但畀佢捉住咗，佢哋好大力，嚇死，幾想走呀！」至於被「聞」下體，她直言覺得有點被侵犯的感覺：「幾想縮，我已經喺後面推開佢，但佢哋又大隻又大力。」

見猛男除剩底褲嚇窒
問到男友金剛會否睇到眼火爆？她坦言稍後會向對方滙報。記者笑問與金剛跳會否興奮啲？蕊蕊笑謂：「嘩！仲驚！（鍾意邊個多啲？）金剛好啲，我鍾意啲保守啲，斯文啲嘅，比起佢哋金剛斯文好多！」她又自爆見到猛男在台下除剩內褲，嚇得她飛奔出後台。