Yumi百萬賣F咪峰殺娜姐

閃電高達 · 發表於 2014-7-27 18:25:24

去年回流香港的尹蓁晞（Yumi），不單與周秀娜舊愛陳偉成撻着，最近還進一步狙擊娜姐，搞生意與對方在Bra場鬥法！日前Yumi谷行F 咪熱身，解開Bra帶騷逼爆雙峰，投資7位數的她更豪言︰「用咗7成積蓄啫！」

性感女神周秀娜作生招牌搞內衣生意賺到豬籠入水，未知是否賣Bra搵女人錢夠易，娜姐舊愛陳偉成（Avis）的現任女友尹蓁晞（Yumi）近日亦睇準時機，創立自家內衣品牌，同樣以自己逼爆雙峰作招徠，翻Dub娜姐吸金路狙擊對方！
狂飲奶升Cup

忙於籌備內衣生意的Yumi日前拍攝宣傳照試水溫，為求效果更勝娜姐，她連月來密密操Fit，搣甩身上拜拜肉外，又喪飲木瓜奶豐胸，由E咪谷到變F奶！當日Yumi穿上內衣谷行雙峰，大騷深長事業線，更挑戰性感極限，除Bra半裸解放F咪！她只以雙手掩胸大騷玉背，又在梳化上典來典去，最後更把巨峰壓在梳化上，噴血程度爆燈！由於尺度大膽，Avis全程監場，更指導她擺出各種誘人甫士。
花7成積蓄

事後Yumi透露內衣生意投資了7位數字，問是否全副身家重錘出擊？她揚言只用了7成積蓄，荷包還未「乾塘」︰「我Keep住有儲錢，之前喺台灣同朋友搞生意賣衫又賺咗錢！」她強調女人應有自己事業，不應靠男人，對於被指行娜姐舊路，她直言不擔心︰「大家唔同風格。」
親身上陣代言的Yumi透露將到韓國取經找設計靈感，但直言不會賣情趣內衣︰「透視嘅都會諗，但一定要三點不露！」她笑言要用Bra來箍實Avis︰「我一定會送幾套着過嘅內衣畀佢，等佢認清我陣味，唔畀佢曳曳！」
Profile

姓名：尹蓁晞
年齡：26歲
身高：1米72
三圍：34F、24、35