《睇真D》主持鍾慧寧墮樓亡終年43歲

超人Tiga · 發表於 2014-7-25 01:49:52

本月17日中午12許，青衣長安邨安泊樓對開傳出隆然巨響，保安員循聲往視察，赫見一名43歲姓鍾女子，倒卧在大廈對開空地，懷疑她由高處墮下於是致電報警。警員到場經調查，證實女子經已死亡，並往其生前居於附近屋苑的住所內，撿獲遺書，認為事件無可疑，及獲悉事主有情緒病紀錄。

本報收到消息指，該名鍾姓女子，正是曾主持亞視皇牌節目《今日睇真D》，有「肥豹」之稱的鍾慧寧。

據報道，當日事發前有數名女工正在大廈對開洗地，後獲安排食午飯，再返回現場時，驚悉剛發生墮樓案。

鍾慧寧於93年因參加亞洲小姐競選而晉身演藝界，一直為《今日睇真D》節目主持及外景採訪工作，表現靈活爽朗，而她於02年就被亞視辭退，感情生活方面，肥豹的另一半就是前《睇真D》導演馮永泉。

前亞視藝員、憑主持亞視節目《今日睇真D》而為人所識的鍾慧寧，本月17日於青衣長安邨安泊樓墮樓亡，終年43歲。

肥豹與馮永泉早年曾被拍到外遊返港。

超人Tiga · 發表於 2014-7-25 01:51:07

本帖最後由超人Tiga 於 2014-7-25 01:52 編輯

93年亞姐出身，曾擔任《今日睇真D》主持的前亞視女藝員「肥豹」鍾慧寧，於本月17日於青衣寓所墮樓身亡，終於43歲。不少與鍾慧寧合作過亞視藝員，對肥豹離世感到難過及惋惜，

與鍾慧寧認識逾20年嘅袁潔儀，接受電話訪問時表示，甫入行已經認識對方，與對方熟絡，袁潔儀說：「佢先生打電話畀我，其實一開始佢已經有事。（有情緒病？）佢離開咗亞視後，就一直有情緒病，之前仲以為佢好咗好多，佢先生成日陪住佢，樣樣都照顧佢，不過佢最近屋企有啲事，可能咁樣激起佢情緒，我哋不時有見面，完全察覺唔到，見面仲嘻嘻哈哈，聽佢口氣仲想出返嚟做嘢，仲諗住佢會積極減肥，整理下自己。」

袁潔儀表示肥豹老公雖然傷心，但仍然堅強。至於報道指鍾慧寧墮樓身亡當日，警方撿獲遺書，對此袁潔儀欲言又止：「都唔知應唔應該講，都係嗰啲啦，多謝先生多年照顧。」

袁潔儀與肥豹相識逾20幾年，情同姊妹，問到與肥豹最難忘一事，她說：「係同一時間喺亞視畀人炒。（當時攬住喊？）冇，大家互相支持。自己當晚知道後，嗰幾日好唔開心，又唔可以同人哋講，要尊重佢家人，0依家消息傳開去，自己都好傷心，我都有同老公傾。」

袁潔儀又謂：「呢條路佢自己揀，都冇辦法，個病都困擾咗佢咁多年。」

超人Tiga · 發表於 2014-7-25 01:51:51

人稱「肥豹」的鍾慧寧，曾主持亞視節目《今日睇真D》，以圓渾身形及面孔為人熟悉，因參加亞姐而晉身娛圈，但不介意被稱為「肥豹」。93年甫入亞視即加入綜藝節目《阿琴與阿基》，由95年開始至2004年加入《睇真D》行列，據網上資料顯示，肥豹最後作品是04年港台劇集《賭海迷途》。

消息指，自離開亞視後，鍾慧寧患上情緒病，困擾多時，豈料於本月17日於青衣墮樓亡。

鍾慧寧最後一次公開露面，是今年三月《睇真D》眾台前幕後飯聚，當時鍾慧寧一頭短髮，略為發福，與大夥兒齊齊做手勢拍合照，並無異樣。據知鍾慧寧將於下月6日於萬國殯儀館設靈。

超人Tiga · 發表於 2014-7-25 01:54:26

本帖最後由超人Tiga 於 2014-7-25 01:56 編輯

鍾慧寧於本月17日墮樓身亡，終於43歲，亞視藝員蔡國威對於得悉肥豹死訊時，都不敢肯定，他說：「我唔敢打畀佢家人去confirm消息，當時聽到呢個消息，即刻whatsapp睇佢有冇上線，仲見到佢online，以為冇事，點知後來證實咗（死訊），好唔開心。」

蔡國威續說：「大家都好friend，識咗十幾廿年，入行已識佢，嗰時成日見面，又一齊拍劇，好快做到好朋友，不過都知佢有呢個病，間中打畀佢叫佢睇開啲，不過佢冇喺呢行後就少咗聯絡，近年以為佢好返，喺啲聚會都見到佢。」

蔡國威坦言對肥豹過身，感到難以接受，他說：「佢個病冇人可以理解，佢內心痛苦，呢啲case係control唔到，都困擾咗十幾年，都冇辦法。」

曾陷人生谷底而萌輕生念頭的寶珮如，對於肥豹鍾慧寧自殺感難過，她說：「同佢唔算熟，睇到呢段新聞都覺得可惜，以前做嘢都有見面，知佢同《睇真D》嗰班比較熟啲，我自己都試過輕生，不過死唔去，自己好大困擾人哋唔會知，聽聞佢有情緒病多年，係一種困擾。」

超人Tiga · 發表於 2014-7-25 01:57:46

本帖最後由超人Tiga 於 2014-7-25 01:58 編輯

鍾慧寧在圈中人緣不錯，當中一班跟她合作主持《今日睇真D》的同事，更是感情深厚，其中一位知心友就是她視為哥哥的歐錦棠，她曾經在一次報紙訪問中指：「『今日睇真D』一班主持相處愉快，情如兄弟姊妹，開工時間很容易過去。」

對於有沒有傾慕過歐錦棠？鍾慧寧就哈哈大笑說：「唔好講傾慕，阿棠已有一個好女友萬斯敏，我和他絕對是朋友關係，更衰到他當我是細佬，我當他是哥哥那種。」足以證明兩人友誼深厚。

歐錦棠曾經在自己專欄提過鍾慧寧在片廠遇上靈異事件，歐錦棠指有天大家在廠錄旁白，當時拍擋是「肥豹」鍾慧寧，他笑指對方一向有「魂遊」習慣，正當對方應該接住自己的旁白時，對方即呆若木雞，一直望住上控制室的樓梯，當歐錦棠見她毫無反應，就大聲叫一下，並問她發生甚麼事？肥豹答他：「見一白衣男子坐在樓梯，迅即消失無蹤。」不過歐錦棠當時覺得對方是眼花。

幾日後，有位布景組同事向歐錦棠表示半夜三點左右，見到有位白衣男在樓梯望住他，另外亦有收音組聽到樓梯上好嘈，怎知一上去就空無一人。因此他們秘密請法師在廠內做法事求平安。

豈料幾個禮拜後，又出現神怪事，有位攝影師又好似中了「肥豹魂遊症」咁，企定定望住攝影機熒光幕，事後佢話見到著白衣的人在三位主持身後走過。

鍾慧寧（右）視歐錦棠為哥哥。

超人Tiga · 發表於 2014-7-25 01:59:54

鍾慧寧（右）曾與蔡國威（中）及鄭則仕合演《肥貓正傳II》

幕前永遠給人爽朗活潑感覺鍾慧寧，自從93年參加亞洲小姐而開始演藝生涯，在演藝圈20多年裡，大家都稱她為「肥豹」。

肥豹主持「今日睇真D」時廣為觀眾認識，當年「今日睇真D」係亞視重頭節目，高層非常重視，肥豹曾因為髮型肉酸，而被高層奉命入廠執執造型，鍾慧寧被改變形象後，接受訪問時曾表示：「其他主持都已經過關，剩番我一個試咗幾次都造型，公司都仲話唔得，好似今日咁，髮型已經吹咗最少四、五次，都仲話唔得，我都唔知點算好啦。」

肥豹從94年至04年間演出十部電視劇，而亞視劇集《肥貓正傳II》中飾演張楓更算是她的代表作之一。另外形象入屋親民的她，也參與亞視不少綜藝節目，及獲廣告商垂青而拍攝廣告。

以下是網上列出鍾慧寧參演過劇集資料：

亞洲電視
1994年《少林義士洪熙官》
1999年《肥貓正傳II》
2000年《寶島春夢》
2000年《影城大亨》
2000年《電視風雲》
2001年《騷東坡》
2001年《親子情未了》
2001年《大地遺孤》
2002年《女俠丁叮噹》

超人Tiga · 發表於 2014-7-25 02:02:35

鍾慧寧形象親民。

永別了,肥豹.....

超人Tiga · 發表於 2014-7-25 02:04:04

有「肥豹」之稱的鍾慧寧，93年參加亞洲小姐晉身娛樂圈，多年來演藝生涯中，於亞視演過不少劇集及綜合節目，敬業樂業，是非極少。令人較深刻一次，應是00年被陳錦鴻咬大腿一事。

事件發生在2000年時，鍾慧寧跟陳錦鴻拍攝亞視劇集《電視風雲》期間，被陳錦鴻咬瘀大腿及言語上性騷擾。多年後，陳錦鴻接受訪問時，曾承認此事，他說:「當年玩得太癲，係自己傷到人都唔知，現場仲有好多人，我有同鍾慧寧道歉講對唔住，佢已經接受我道歉。」