香港經濟學

Bippwin

樓價升＝租金升，樓價跌＝租金跌。
租金唔跌＝樓價唔跌，租金唔升＝樓價唔升。

樓價唔升，業主罵。租金唔跌，租客罵。

樓價升，租金升，業主笑，租客罵。
樓價跌，租金跌，業主罵，租客笑。
樓價唔升唔跌，租金唔升唔跌，業主租客一齊罵。

你如果係高官，你會點揀？

戰神GTR

自由市場=高官不應干預=市場决定
市場决定=班議員=貓乱咁嘈話，高官做乜唔干預市場。
行政干預=班議員=貓乱咁嘈話，高官做乜干預市場。
正正，左一巴，右一巴！！！

Bippwin

政棍要求發展土地，多建樓房，政府回應發展東北。
政棍即時去教東北居民抗爭，爭取更多賠償，仲要多多意見，多多方案，阻礙發展進度。
將來，工程進展緩慢，項目嚴重超支，到時，政棍又可以跳出嚟話，一早講咗唔好發展東北。
佢哋一早講咗，發展ＸＸ，可以更快，更平，更靚，更正。政府唔發展ＸＸ，而一意獨行去發展東北，根本係為咗謀取私利，官商勾結。
我想問一問，有邊個政棍或政黨，肯出面為香港去ＸＸ收地？只要佢哋收哂ＸＸ啲私家地，或者準備好哂啲收地協議。咁就大條道理要求政府發展ＸＸ，而唔係叫政府乜都唔好發展，就變大批公屋居屋出嚟俾佢哋嘅選民。

Bippwin

香港回歸，政棍話啲樓貴，要政府起多啲公屋居屋。
第一任特首即時回應八萬五，結果。。。
如市民所願，樓價下跌。
不過，得益者唔出聲，失利者怒哮，
出主意嘅政棍龜縮，其它政棍群起而攻，
最後要第一任腳痛落台。

第二任特首順應民意，堅持唔起樓，等香港樓市休養生息。
如市民所願，樓市起死回生。特首亦順利完成任期。
不過，一落任就俾人話官商勾結，抬高樓價，搞到民不聊生。
大佬，樓平就嗌救命，又唔肯買樓，又要樓價升，買唔切又要生要死。
點搞。

好嘞，第三任特首上台，又再順應民意，
要樓房供應，即刻大刀闊斧搞個東北發展，想救民於水深火熱之中，
啲政棍呢頭就叫啲居民向政府搶錢，嗰頭又話政府亂派錢，跟住又話發展嚴重超支。
今次仲唔止屈官商勾結，仲要祭出港中勾結呢條大罪！

回顧歷史，樓價跌，政府做錯嘢。
樓價升，官商勾結，政府唔做嘢，任地產商賺錢。
政府要發展ＸＸ，政棍就話政府要做嘢，想官商勾結，甚至港中勾結，魚肉市民，即時叫停。

大佬，咁嘅房屋供應，香港經濟點搞？
咁樣，其實係政府官商勾結，操控樓市？定係棍商勾結，操控香港？