宣揚愛動物　劉俐全裸抱狗被列不雅照

超人Tiga · 發表於 2014-7-1 15:03:29

24歲劉俐（藍莓）今年加入寫真大戰，早前遠赴泰國布吉拍攝處女寫真集，本身是愛犬之人的她，眼見早前狗肉節十分殘忍，觸發她不惜全裸上陣抱住四歲愛犬SaSa影相，本來希望放在寫真集當中，以宣揚愛護動物訊息！無奈地，她全裸抱狗相不獲淫審署通過，並列為二級不雅物品，藍莓不想寫真被當成不雅物品，最後只好抽起「禁相」。

藍莓說：「我一路對虐狗，甚至食狗嘅人都好反感，成日我都會好嬲寫微博叫大家唔好咁做，今次同SaSa影呢輯相，初頭都無諗過咁激，但真係想帶畀大家愛護動物訊息，我見好多外國明星都會咁影去宣揚愛護動物，而我又成日抱住SaSa瞓覺。」她更口快快自爆平日會與愛犬裸睡，她說:「我晚晚都同SaSa瞓，（你裸睡？）...一時時啦，有時啦，我都畀屋企人鬧我，話隻狗唔衛生，但我又唔介意。」
如今裸照被抽起，藍莓無奈地說：「都有唔開心，因為自己同攝影師都付出好多心機，當日我黐好多膠紙，SaSa都出盡力望鏡頭，不過最後唔批我，我惟有尊重，因為我又唔想搞到本寫真變二級。」問到全裸上陣有何感受，藍莓笑笑口說：「其實拍攝時我有着底褲，係後期製作執走變成全裸，我未接受到真正全裸，雖然已經好性感，但成件事係舒服，（家人支持？）其實屋企人不嬲都管唔到我，呢輯相我事前無同家人商量，相信媽咪知我想宣揚愛護動物，佢係會接受。（出書有無信心？）一定有，希望會大賣，（留意對手？）有，我知好多模特兒會出，但我覺得做好自己就夠，唔好同人比較。」