董敏莉耍太極

嚦咕嚦咖 · 發表於 2014-6-7 22:46:31

董敏莉（Monie）自小是個「心急人」，身處香港這個節奏急速的社會，再加上在娛樂圈工作，急趕性格即時「打孖上」。近年Monie已懂得在工作及生活上取平衡，學習在放假時Relax一下，而太極拳便是她的最佳選擇。

董敏莉認為運動除了能令身體減少病痛外，亦是釋放負能量的最佳方法，一向喜歡游水及做瑜伽等運動的她，近期愛上「耍太極」。她坦言以前聽到「耍太極」三個字，總會聯想到公園的公公婆婆在晨運，但時移勢易，太極拳已慢慢吸引了年輕一代學習：「唔好以為太極啲動作好慢，其實佢嘅動作招式可以令關節變得靈活，自然反應都會變快咗。而Ivy老師都有講，太極屬於內臟運動，所有動作都係由腰部帶動，腰郁亦帶動內臟郁，好似幫身體入面按摩一樣！」

大頭蝦錯有錯着
Monie透露初次接觸太極是件「烏龍」事，她笑言那次原本打算上瑜伽堂，但入到課室才知是太極堂，於是她便將錯就錯學耍太極，上完一堂後，雖然覺得耍來不易，但感到十分適合自己，她說：「我係講嘢同做嘢都好急嘅人，脾氣又急，脾氣由零去到十，半秒就可以上到去，所以練太極可以練好脾氣，去學識冷靜情緒，香港生活太緊張啦！久而久之令到成個生活都好有壓力！」

嚦咕嚦咖 · 發表於 2014-6-7 22:47:39

然而太極最吸引Monie的地方是可以學到很多人生道理：「頭先跟老師學招式時佢都有講，每個動作唔使去到咁盡，正如做人都要抱住呢種心態，唔需要去到極端，留一線都好，調節心態都有好處！學老師話齋，環境轉唔到，咪人轉囉！嘗試以多角度去諗每一件事，可以紓緩到一啲負面情緒。」

積極踢走負能量
Monie又表示每個人追求的生活不一樣，能活得健康快樂很重要：「近排世界各地都有好多悲劇發生，人嘅情緒好暴戾，唔知係咪生活壓力定係緊張，好易令人諗埋一邊變咗負能量。而老師講得啱，練多啲太極，人嘅反應都快啲，識得保護自己，遇到一啲突如其來嘅事都嚟得切應付。」

防狼招式學得招積
Monie喜歡太極拳的柔中帶剛，由導師Ivy示範太極招式再配合口訣，令這位新丁輕易上手！Monie似乎對太極亦頗有天分，舉手投足都跟得上導師Ivy的一拳一腳，而她更懂得如何運用及變通。而太極的各種招式，絕對是防狼自衞的最佳「武器」。

image.jpg14.jpg

嚦咕嚦咖 · 發表於 2014-6-7 22:50:19

董敏莉
女演員
英文名	Monie Tung
籍貫	廣東順德
出生	1980年11月26日 (1980-11-26)（33歲）
職業	演員、歌手
語言	粵語、英語、法語、普通話
教育程度	學士
音樂類型	粵語流行音樂
出道日期	2004年
活躍年代	2004年至今
經紀公司	種星堂娛樂有限公司
音樂專輯
《Monie Monie》
電影
《性工作者十日談》
電視節目
《火蝴蝶》

董敏莉（Monie Tung，1980年11月26日－），香港影視藝人、節目主持人和舞台劇演員，於2004年正式加入娛樂圈，初期她走歌手路線，發行首張專輯《Monie Monie》；後來以拍攝電影及電視為主，其中在她主演過眾多電影裡，受到最重大注目的作品為《師奶唔易做》及《性工作者十日談》。她中學就讀於聖公會林護紀念中學，後畢業於香港大學文學院（主修法國文學）。

image.jpg15.jpg