，殺女悲劇：揭悲劇家庭早破碎　查案警感言震全城

paradisego · 發表於 2014-6-6 12:23:42

一名調查案件，當差多年見慣不同案件與兇案的資深警員，事後對事件非常感慨，他的感言震撼曝光。「唔知點解，撈咗咁多年，接過無數咁多單老謀，呢單最心酸，响現場一路做一路想喊，個妹妹好得意，比媽咪响條頸度斬咗十幾刀，個頭爭啲甩，事發時哥哥响屋外，個細路好乖好平靜，好詳細咁答我哋問題，我好唔忍心問，佢同我講自從舊年中秋開始，就無見過爸爸啦，而佢一晚之間無咗妹妹，媽媽會面對無限期的醫院令，佢的將來會點？我問佢你肚餓嘛，佢話叔叔，其實我餓的，但我食唔落，我聽完個心好痛，我入屋幫佢執啲替換衫褲時，佢重提我可唔可以幫佢執埋套運動衫，我聽日要上運動堂。我當時真係拎轉面，啲眼淚忍唔住流咗出嚟。啲兄弟執嘢準備離開時，我坐在AP(疑兇)張床度(因為成屋血，我實在搵唔到其他地方坐)我望住間屋，無冷氣，成屋得兩把風扇仔，搵晒全屋連一張全家合照都無，淨得一張用舊日曆寫的紙，上面寫住「忍退一步海闊天空，但最後‧‧‧」「望住妹妹的衫仔鞋仔，玩緊的積木散落一地，好似代表頭家一樣，散」，「個心好痛好痛，小朋友有咩罪？」

http://hk.on.cc
最大責任係個抛妻棄子嘅X街老豆！
邊個師兄可以人肉搜查呢個賤人出來？