|
|
樓主 |
發表於 2014-5-31 02:28:51
|
顯示全部樓層
因為一個有heart嘅班主,我成為咗本地足球班霸嘅第一隻吉祥物;試過成為幾萬人嘅焦點;試過因為喺頒獎台“呃牌攞“,喺第二日報紙嘅體育版被報導;
試過同好多外國球星近距離接觸:畢特、沙維亞、查斯古特、迪科爾……仲有……同碧咸握手!試過俾球迷呵護:阿叔請食咖哩魚蛋,女學生送心意咭、賀歲盃收姨姨利是……
作為吉祥物,我覺得好幸福!
八年。攪笑D講,我比陳七更早加入球隊^0^!我見證住羅生一手復興南華!老闆有心有激情,上行下效,我見到職球員團隊嗰團火!
今晚,比賽結束之後,大電視播出八年嚟嘅片段,加上播today呢首歌,波南面上仍然係笑容,裏面已經想喊出嚟……八年,我哋一齊追夢,當大部份人覺得香港足球係冇希望,結果南華打入亞協盃4强、香港隊勇奪東亞運金牌……創造一個又一個小奇蹟……
波南,有幸成為最吾關事嘅參與者、最最最近距離嘅見證人……羅生、bma嘅同事、南華球隊、球迷……多謝你哋!
吾知短時間內仲有冇機會同大家見面,但,羅生,如果你將來番嚟,波南即刻歸隊!
波南字 30/5/14

|
|