無綫《西遊記》網民唔like 揚言罷睇 ?

Topvision

無綫本周出街的國產《西遊記》惹來如潮劣評，首播就有27宗投訴，網民更紛表示罷睇。無綫指，該劇首集收視與自製劇相若；學者則指本地拍攝場地選擇有限，外購是無奈之舉。 該劇在網上劣評如潮，播出前後，在高登、親子王國等多個討論區，已有逾千名網民批評其角色造型驚嚇、特效誇張，是「山寨之作」，亦有人不滿該劇是內地製作，認為比不上96年本港拍攝的張衛健版本。但有彈亦有讚，有網民認為劇集忠於原著，讓未看過舊版本的小朋友看看亦不錯，亦有人批評輿論盲目「反紅」，強調「大陸都有好嘢」。另外，有網民昨早討論區發起「一人一撑要TVB腰斬套垃圾西遊記」，直言該劇播至七月，不知如何捱至結局，截至昨晚八時已有近百個留言。
https://hk.news.yahoo.com/%E7%84 ... D%87-220855846.html
無綫企業傳訊部宣傳科副總監曾醒明指，該劇首集平均收視25點，最高26點，今年無綫自製劇首集收視多為26、27點，他形容成績已達預期，未有計劃抽起劇集。曾又說，購買此劇主要因其製作班底陣容強大，且「《西遊記》是一個膾炙人口的故事」，每次播出也能吸引新一代觀眾。對於網民批評，他說尊重不同意見，但目標是服務大部分觀眾。

易服小天后

算啦，今時今日有少少中國成份都比人插一大餐

Topvision

我真係想講.... 人家'無線'係商業機構, 放咩片又關果班所謂網民咩事 ?  唔喜歡睇咪唔好睇囉.... 人家主要觀眾對象唔係你, 你地又唔係老細.  人家對象係廣告商....  

有廣告商支持, 自然要放嫁啦....  

罷睇 !? On9...  想睇咪睇, 為咩要罷睇 ?

可惜我兩年前已經睇咗, 加上依部片過份應用電腦特技....  加上太多電腦技術失手, 令畫面失真...  我先唔想再睇.   但係為不知所謂之理由罷睇, 我就覺得on9啦...

HKOXSEX

禾刀冇汰, 討論區D網友一向5汰, 5知今次有冇用

kinsoncc

Topvision 發表於 2014-4-30 11:57
我真係想講.... 人家'無線'係商業機構, 放咩片又關果班所謂網民咩事 ?  唔喜歡睇咪唔好睇囉.... 人家主要觀 ...

我睇到西遊記呢個劇種就已經冇興趣想睇了

Topvision

kinsoncc 發表於 2014-4-30 12:03
我睇到西遊記呢個劇種就已經冇興趣想睇了

我同你想法不同.....  我覺得'西遊記'依然有吸引力.... 吸引我睇.  不過今次依套西遊記, 我覺得都算係張紀中作品當中, 最失敗之作啦.....  

上網睇可以.... 因為可以fast forward....飛走好多悶場....  

如果要係電視睇......  有點失望

pk12345001

在我心中，86年版的央視西遊記是永恆的經典。
六小齡童所扮演的孫悟空更是無可替代。
張紀中版西遊記，我只在網上看過一些照片，看見那些造型，已經無興趣看了。
完全破壞了唐僧師徒4人在我心中的形像=.=
中國四大古典名著，金庸古龍的武俠小說，一定會被人不斷翻拍再翻拍。這說明這些小說還是很吸引人的。
話又說回來，這些網民的行為真的很幼稚，鍾意睇就睇，唔鍾意就唔好睇囉。
收視率低，無記自然會做野，使乜搞埋D小學雞野。

artlo

那些罷睇網民, 可能忘記係免费娛樂, 係唔係要無記派埋啤酒, 花生至HAPPY ?

肥叔叔

所謂網民, 咪又係一班小朋友

呢套野電腦效果, 好過 大鬧天宮 幾個LEVEL,  又唔見網民鬧果套戲

王重陽

班友成日話罷睇反tvb霸權, 原來係9up
學我咁唔撚7睇tvb, atv, 理西佢播乜
無人睇佢自然識做
唔好賴晒d廢官

tvb霸權, atv無賴
就係呢班得把口ge人促成
又鬧又睇
睇垃圾係抵撚死

逗利是佛

在於求真,開咗第一集睇,見到係張紀中出品,先打個突,因為之前睇個他的作品,如射鵰、神鵰等......感覺是原著雖好,但被他拍到無乜劇力,簡單一個字:悶.....連神鵰有黃小明同劉亦菲等俊男美女,睇到末段都覺得他拖得太多、太長......

今次睇咗十五分鐘,覺得都係''好張紀中''囉.....

佛仔就未必有興趣再追呢套劇,但無記是否腰斬此劇的考慮因素只有一個:收視.....收視唔好佢咪會腰斬囉,而唔係由萬事都要揸主意的網民話晒事囉

SmokeBoy

回復 Topvision #1 的帖子

大家都係你睇我好我睇你好，香港網/市民鍾意睇韓劇/美劇/中國劇，羡慕中國人。中國網/市民鍾意睇（？）但似乎對韓劇反感，什麽“泡菜狗”，“臭棒子”拍出來的戲評語往往是“土俗”“狗血”“三姨媽”中國

大型劇集在電視熱播的往往同視頻網站相反，因為視頻網站最熱播的頭十名—定是有一套美劇（以上指的是大部份男網民）。

谷村富郎

我未睇過,今晚昅吓再作評論。
不過我有些同事說家裡小孩看得很投入,可能拍攝方式適合少年人。我等老餅因從小到大看了無數次,孫悟空,朱八戒的扮相,形像深入腦海先入為主,唔啱睇都唔奇。
互联網電腦時代,網民是一支奇兵,對很多事情都有其一定的影响力,雖云最终是否腰斬言之過早,如果綱上言論過於負面最终會影响收視率而動搖廣告商的支持信心,有時網民的意見不能太小看。

霹靂雷霆震霪霧

六小齡童無人可取代。

BB29

睇一半已經頂唔順

ZidaneX

網民成副心肌擺係上網行為度，就算開著部電視都係浪費地球資源，我就唔信佢聽得入幾多句對白入耳，更唔使問佢睇佐幾多個鏡頭啦……
話時話，到今時今日，夜晚嘅活動只有電視咩？大把選擇啦……電視無節目咪去戲院咯、落爛鬼坊咯、去球場出身汗咯、約雀友砌長城咯、約炮友開戰咯、打機咯……選擇多到不勝枚舉……D網民真係咁憨唔識自己揾節目咩？一就揾理由鬧TVB，二就揾理由鬧大陸……總之就唔鬧唔舒服……

bei6266

睇過一集簡直就係六十年代黑白粵語片特技.如果拍左一億人仔起碼比人落左五千萬落袋囉.

HKOXSEX

今晚汰下點5好汰法先,
咁咪増加收視率

大中小

網民可上 網玩
老人只能看TV，老人好看