英超冠軍最後直路---- 入黎吹兩咀啦

robben05

英超仲有最後四輪, 最後3隊都入直路. 以我記得都好似好幾年無鬥得咁燦爛. 首先我地睇下3隊既餘下賽程:

利物浦（34戰77分）                                  曼城（32戰70分）                                   車路士（34戰75分）                          
20/04        客VS諾域治                               16/04        主VS新特蘭                            19/04        主VS新特蘭               
27/04        主VS車路士                               21/04        主VS西布朗                            27/04        客VS利物浦
05/05        客VS水晶宮                               27/04        客VS水晶宮                            04/05        主VS諾域治
11/05        主VS紐卡素                               03/05        客VS愛華頓                            11/05        客VS卡迪夫城
                                                                07/05        主VS阿士東維拉
                                                                11/05        主VS韋斯咸

以下係小弟既愚見, 對於爭標既形勢, 抒發下感受, 大家吹下水咁啦

利記:
確實, 今年既利記係好強,SAS 組合攻無不堅, 以家排第一, 咁多年黎講真係輪都輪到佢喇卦!!
尋晚見到G8完場喊左出黎, 真係為之動容!! 尋晚我都以為咁大好形勢就咁無哂, 但最後嬴到真係坐足全程過山車

佢地既優勢係在於:  嬴哂4場就捧盃, 一條心去就完老四心願
潛在影響因素:   1) 最大影響形勢當然係4.27 個場波, 真係唔係你死就係我番唔到屋企咁踢
                       2) 後備力量: 尋晚一路睇開始發現, 利記頭30MINS 係谷得好恆, 但下半場出番黎完全係兩隊波, 小弟代入領隊既角色,要變換邊個,
                           發覺真係無咩手牌係手, 萬一有邊場波係膠著狀態, 誰可改變戰局呢?
                       3)  壓力: 正如上面講, 下半場曼城大舉進攻時, 利記係全面失勢, 利記球員究竟面對呢一連串壓力仲挺唔挺得住

曼城: 尋晚輸左, 基本上將自己最大既優勢輸走大半, 以家真係只剩下點點優勢
打小兩場真係有好大優勢, 同埋最難踢個幾隊已經踢哂, 最大既優勢係到佢地坐山觀虎鬥, 兩虎相鬥, 必有一傷.
雖然話打小兩場有優勢, 但有利必有弊, 未落袋既分始終未落袋, 始終都有危機.
仲有, 佢地要昨客搶前4既愛華頓, 佢地一定唔會咁易比曼拎3分走, 曼只要有一場和波出現, 基本上已經即時掉隊

車: 有見過小弟既POST都知道我係捧車, 希望唔好另你地覺得我偏心係呢度
摩帥晨早已經明言, 今年唔係捧盃年, 但有得攞唔通唔攞, 唔會啦.
車完本條路好易行, 但連續幾場唔生性, 唉都無計. 未掉隊已經算唔錯問心.
4.27對利仲要作客, 車一定要拎120分既爭勝手先有機會稱霸, 佢地打強隊強強對話一向都有一手, 到時要睇自己做化.
但車有一個隱憂, 就係佢地中間夾住兩場歐聯, 中間既消耗幾大無人知道.
車手最大弊病就係唔識破鐵桶陣, 只要對方密密麻麻就唔識旭咁, 希望之後唔會出現呢個問題

多謝大家聽我講一大爛餐, 大家又認為冠軍誰屬呢?   

NIGHTMOVES

利記今季主場好惡~車仔生死一戰~有冇冠軍睇呢場~!

而家~利記34場 77 分  車仔34場  75 分  曼城32場 70分 當MC WIN晒過兩場補比賽 都係 76分

主度權係利記手上~WIN晒就OK~決心一定夠~睇好利記~

利申: MU迷  

雖然同利記係死敵  但都希望 利記可以贏第一次英超~(英超成立利記味攞過)

BB29

形勢非常緊張

cho1119bb

我希望利記拎英超冠軍....
話哂對上一次拎頂級聯賽冠軍已經係上世紀既事...
睇住謝老4咁老仲未幫利記拎到1次聯賽冠軍好慘...
好想今年到利記拎....

Sakuraleo

以個勢黎計利記最好....不過3隊中我比較想車仔捧

parma

車仔月尾打R聯,對利記有暗湧

巴塞3冠王

因為yaya禾撐藍月亮

弓長張

我年青時係利迷
依家係摩迷
季初買左一百蚊車仔有3.2
我中左就捐三百蚊比奧比斯

rabbit2000

robben05 發表於 2014-4-14 16:24
英超仲有最後四輪, 最後3隊都入直路. 以我記得都好似好幾年無鬥得咁燦爛. 首先我地睇下3隊既餘下賽程:

利 ...

冇一隊有霸主本色, 我睇好車仔

小飛俠~23

利記34場 77 分本人其實係最怕車仔4.27呢場,返觀琴晚MUC都有信心拎三分！最後呢4場波,受唔受到壓,就要睇球員自己本身！
車仔34場  75 分 佢哋夠平均, 穩定！唔會大上大落！但要分心歐聯！呢點就要睇摩佬！
曼城32場 70分 失左主動權，輸左俾利記返觀可能，係以家無咁大壓力下可能最大機會！

我係利迷當然係想奪冠！YNWA！

阿爹

robben05 發表於 2014-4-14 16:24
英超仲有最後四輪, 最後3隊都入直路. 以我記得都好似好幾年無鬥得咁燦爛. 首先我地睇下3隊既餘下賽程:

利 ...

作為MU迷,最唔想MC拎冠軍,加埋輸畀利記,失落奬盃都係抵死
對利記冇愛,對摩佬欣賞,所以想車仔攪掂利記,但係又驚MC可以乖虛而入
車仔加油啦

Peers123

形勢係利物浦較好

kickassoff

robben05 發表於 2014-4-14 16:24
英超仲有最後四輪, 最後3隊都入直路. 以我記得都好似好幾年無鬥得咁燦爛. 首先我地睇下3隊既餘下賽程:

利 ...

唔係車就係利, 絕對冇曼城份

曼城對拖肥必敗, 而且除左呢場, 佢吔總會失分

大家要保佑迪米捷利斯唔好傷停, 場場出勤, 咁就好PERFECT

kickassoff

阿爹 發表於 2014-4-14 20:45
作為MU迷,最唔想MC拎冠軍,加埋輸畀利記,失落奬盃都係抵死
對利記冇愛,對摩佬欣賞,所以想車仔攪掂利記,但係又驚MC可以乖虛而入
車仔加油啦

唔驚, 車, 利先係今屆爭冠的兩強, 曼城無機, 且更唔配拿冠軍

佢吔咁好人腳, 居然輸俾一支跳水, 倒腳的巴塞, 真係唔應該拿咩英超, 而且好多場都極有爭議

包括對修咸頓個記越位兩米球

當我知利記贏個時, 我作為車迷好興奮, 因為我知羅渣士做到野

kickassoff

robben05 發表於 2014-4-14 16:24
英超仲有最後四輪, 最後3隊都入直路. 以我記得都好似好幾年無鬥得咁燦爛. 首先我地睇下3隊既餘下賽程:

利 ...

對阿士東維拉, 唔係唔生性, 係被福伊呢XXXXXX, 我唔可以打粗口, 所以根本呢場三分係被扼殺

對水晶宮, 連摩連奴都話中前場球員好唔生性

但我作為摩及車迷對於阿士東維拉呢場係唔會承認, 擺明係黑哨, 黑左馬迪回歸既首球

Keroro88

在下都希望利記拎英超冠軍....是也！

MC 如果YaYa 托尼出唔到都幾大鑊！新特蘭、西布朗、 維拉都未上岸！愛華頓又要搶前4！隊隊打甩脾！中場冇左YaYa 托尼MC冇運行... 是也！

車仔中間夾住兩場歐聯.。。4.22 作客“馬体” 已經好很難打！4.27再作客對利記！呢場可以打和都執身彩！4.30又要應付“馬体”！唉！車仔要放棄英超冠軍....是也！


支持利記攞英超冠軍... 是也！

支持車仔攞歐聯冠軍....是也！

支持兵工廠攞足總盃冠軍... 是也！

利申: 在下“兵粉”

tommylam2013

NIGHTMOVES 發表於 2014-4-14 18:13
利記今季主場好惡~車仔生死一戰~有冇冠軍睇呢場~!

而家~利記34場 77 分  車仔34場  75 分  曼城32場 70分  ...

我都想利記攞

robben05

呢度都好多唔同fans 捧自己心愛愛隊

小舅哥

红魔没戏了。。。这仨队希望车仔夺个冠吧。。。但是多线作战，真的不好说。。。利物浦这场亨德森罚下去了影响挺大，确实人才凋零。。。。

lemonhead

支持利記今年攞聯賽冠軍 因為謝四 只有佢配得上Captain England 一直佢帶領利記就係差個聯賽錦標 好想佢可以攞到 但係要過咗摩連奴呢隻欄路虎先致定!