自家制滷水鴨舌

alexGTR · 發表於 2014-3-20 01:41:35

各位師兄好呀，禾發覺原來有巧多師兄刀中意飲吓B酒，BB佢，貢就啱嘞！今日同大家介紹嘅喺自家制嘅 “滷水鴨舌”，希望大家中意！

材料：
急凍鴨舌⋯⋯1kg
薑一舊切片，分二份
蔥一紮切段，分二份
花椒八角少許
滷水汁一支
雞粉適量
冰糖一小粒

做法：
由於前半部分冇影相，因為對手唔得閒，各位師兄要靠我嘅筆錄去跟住做。

首先，將1kg嘅鴨舌冲水溶雪，然後再煲一煲水，當水大滾時放花椒幾粒，原粒八角同一份薑，葱落煲，將鴨舌汆水辟雪味，喺呢個時候你會見到D水開始變濁，蓋上蓋直至鴨舌完全熟透，D水係有勁大陣蘇味兼混濁到不得了，呢個時候你要撈起D鴨舌去筲箕度，預備洗鴨舌，D烚鴨舌水⋯⋯緊係倒咗佢先，要洗淨個煲下轉用。

洗鴨舌嘅做法，首先將鴨舌倒入洗碗盤先，開住慢水一路冲一路洗，最重要係用刀仔刮去鴨舌根位置嘅白色衣，一定要洗淨，否則會完全影響口感！洗淨後就要裝起備用！

到呢個步驟要開始整滷水，煲半煲水落哂全枝滷水，另外一份薑蔥，適量雞粉同一粒冰糖，五蚊銀咁大就夠，等個滷水滾起就可以落鴨舌。

當落咗鴨舌滾起後要較中火，慢慢滾佢一個鐘度就會入味同上色，試完味OK就可以熄火。

因為呢度D鴨舌一餐唔會食得哂，所以分開2個盒裝起，可以分2次食，每盒都留D汁，就算叮返熱都唔會咁乾，其他滷水汁放涼後可以再滷其他嘢，好似雞翼，蛋，豬腩肉等，當然有需要就要買多枝滷水汁加埋落去。

多謝觀看及支持！