七言絕詩

UncleDuck · 發表於 2014-1-27 15:53:35

本帖最後由嘟嘟咀於 2014-1-27 15:57 編輯

（轉載）七言絕詩[打工仔心聲]

失業半年返職場，
劏雞還神燒炮仗，
開工本應喜洋洋，
誰知世態變炎涼，
掃地阿嬸識雞腸，
看更得過文學獎，
學士碩士唔馨香，
皆因博士也在場。
助理一職百人搶，
人工一定唔理想，
五六仟蚊算中上，
十二個月無雙糧，
打字影印寫文章，
有空送信兼抹窗，
早場做到午夜場，
七天工作真無良。
週一驗貨到南昌，
週二見客在新疆，
週三蒙古收爛賬，
週四重慶釘木箱，
週五東莞曬臘腸，
週六返港天已亮，
週日加班無補償。
晚上終於胃潰瘍，
對住老板要讚賞，
對應上司扮羔羊，
對付下屬要表揚。
老細鬧我正粉腸，
開會猶如打靶場，
畀人插到胃氣脹，
鬧完仲要拍手掌。
返工慘過去當娼，
皆因形勢比人強，
無奈只有扮智障，
只為月底一份糧。
笑臉迎人裝模樣，
像是置身於歡場，
這種壓力無法想，
長此下去會缺氧。
打算請假來休養，
老細面孔像晚娘，
再講除非嫌命長。
妻兒少見無印象，
晚餐白飯豆瓣醬，
身心疲累自惆悵，
真想回鄉去插秧，
或是少林當和尚。
不知不覺進夢鄉，
夢裡見到文天祥，
廟前幫人看面相，
招手要我捧個場，
端詳面相看手掌，
贈言我來日方長，
各行各業可多嘗，
虛心學習要忍讓，
挖角升職薪水漲，
有家有娘有車輛，
撥開雲霧見太陽，
天空海闊任飛翔。
睜眼還是四面牆，
擦牙洗面打開窗，
早餐多士凍鴛鴦，
以上所講無誇張，
全是打工眾生相。