Lerici, 萊里奇，意大利里維拉海岸的詩人海灣 (全部自拍）

老牛愛上網 · 發表於 2014-1-26 13:36:38

本帖最後由封牛集團於 2014-1-26 19:58 編輯

萊里奇於中世紀時期已經系一個繁忙的深水港口，比薩，盧卡等地都在此設據點，以抗衡熱那亞人的佔領。
比薩人於13世紀建立了堅固的堡壘，並以此為北邊嘅邊界，堡壘建於岩石上，至今依然堅固地屹立。
19世紀開始，英國人往意大利托斯卡尼度假，並以此為船隊登陸點之一。因為景色宜人，氣候宜人，
北邊有阿平寧山脈阻擋北風，而且有沙灘可以揚帆暢泳。著名詩人如雪萊夫妻，拜倫，D.H。羅倫斯而至
後期的維珍尼亞胡而夫都在此居留過。因為佢地嘅足跡，萊里奇成為著名嘅”詩人海灣“。波西雪萊於1822年，
從附近 La Spezia 附近駕駛小艇往萊里奇時翻船淹死，基於當時嘅法律，‘任何海上漂來嘅物體都要火化’。
佢太太瑪莉雪萊逼於無奈將佢屍體於附近火花。瑪莉雪萊就係寫出曠世鉅作 “科學怪人”嘅女作家啦。
現今萊里奇仲系去參觀聯合國世界遺產 “里古里亞五漁村” 嘅最佳出發點，每天有好幾班船，幾十分鐘就到。
老牛於2013年三月吉日，一個 “鬼影都唔多隻” 嘅日子，踩住詩人嘅足跡，享受冇人同我逼嘅休閒半日，真寫意。
淡季旅遊仲有兩大好處，酒店平/ 餐廳唔使同人逼，影相冇 ”唔等使“ 嘅人物入鏡。
仲有去比較冷門嘅旅遊點，唔使同D粗聲粗氣，擔住煙仔，嘈喧巴閉，拖男帶女，滿身銅臭。。。（下省略200字）
老牛計劃三月再去，舊相先出為妙，大家有機會就去感受吓詩人嘅氣質啦。
以下照片基本上用 Sony NEX6， 16-60 套頭鏡拍攝，全自動setting。（詩人果三張唔係）

拜倫

雪萊夫婦

中午一點鐘到，鬼影都唔多一隻，仲有太陽添

山上有豪宅，唔知邊個咁有Taste

估唔到兩分鐘後，失魂雨突然湧到

老牛愛上網 · 發表於 2014-1-26 13:37:00

本帖最後由封牛集團於 2014-1-26 14:00 編輯

既然落雨，拿拿聲搵間海邊餐廳食宴，淡季即係淡季，鬼影四隻，都係意大利人

既然系淡季，就問老闆有乜野食，老闆話25歐羅餵飽老牛同老虎，殺你。
麵包冇牛油，老闆話麵包自己整嘅，好好食，唔使牛油，橄欖油就得，送礦泉水。

全部海產都係佢門口出便嘅海灣出產，保證新鮮，老牛問佢，賣唔晒點算，佢居然話：
（放返落大海，聽日再拀返黎) , 哈哈。
白酒洋蔥煮淡菜，淡菜夠嫩

番茄煮大蜆，鮮到唔得了

油醋拌墨魚，呢個同澳門嘅八爪魚差唔多味，好

炸軟殼蝦（蝦，唔係蟹）茄汁煮炸魚，兩隻地中海紅蝦鮮到飛起

最後海鮮會意粉，大大碟，食到飽晒

原來餐廳甚大，旺季坐到出門口，內部裝潢甚有漁家風味

老牛愛上網 · 發表於 2014-1-26 13:37:16

本帖最後由封牛集團於 2014-1-26 14:12 編輯

小城只有大概一萬居民，夏天遊客多過居民

氣候宜人，路邊樹上有橙，冇人亂摘

面對地中海嘅屋，全部油唔同顏色，同 ”五漁村“ 嘅風格如出一轍，多數系酒店

遠處就係守護 Lerici 同比薩古城嘅堡壘，意大利古堡甚多，老牛冇冒雨參觀

另一方向就係以前雪萊翻船嘅地方

春天細雨漫步地中海里維拉海岸夠晒浪漫呀（有三個人）