一年尋歡有感---無限期收爐(不喜勿插)

steaksum · 發表於 2013-12-5 16:53:00

是咁的，小弟仍然在學(大專)，未拍過拖
但尋歡年資已有一年，當年年少無知，加上網上太多資訊，終於在香檳貢獻出自己的第一次
自那時開始，就開始對禁鐘仔上癮了，
由最初一個月一次，到了最高峰一個星期兩次
燕瘦環肥，中的，嫩的，陀地的，陀北的，甚至東南亞的，這一年都曾嚐試過，
為了到141，不惜走遍香港大少場地，荃灣M記川龍華建，尖嘴香檳發利，大埔壞人三角，港島駱克道兩座名山......全港大部分著名的場小弟都有去過
同一班明顯大過自己既師兄一齊走訪名樓
曾經有幾次掙扎過不再到141，但始終受下半身的腦操控，仍然走上樓
尋歡早期有一段時間怕中招驚到失眠停左一段時間，但去左幾次油麻地診所check過冇事後，個膽又大返繼續玩
尋歡過程中，未曾想過自己的經濟能力，
搞到自己戶口曾經跌至三位數的谷底.....
滿腦子只有肉體，根本不能專注學業和正常的社交......
對住身邊的女性，只有非分之想..........

直至遇上她，我覺得我是時候要暫停這活動了

第一次遇到佢，佢話自己第一次黎，第一日黎，同我同齡，原本o係珠海做美容工作，為賺快錢先黎呢度
141的規矩，見o岩，問價，入正題
根據我呢一年既經驗同觀察，佢個樣同表現真係第一次做呢行(至少我覺得)
而我亦開始對佢有興趣，完事後問左佢拎微信，開始有兩句偈傾下，仲發現原來佢早兩日生日
於是我同佢講第二日帶個細cake仔(其實係松記既千層pancake)上去佢度食
第二日上到去，同佢食pancake果陣，佢突然話佢聽日就走，
我嚇一嚇問點解，佢話唔習慣呢份工，所以想提早走(其實都有d理解，20出頭，邊個會願意日日俾唔同男人屌丫)
果一晚，我同佢冇搞過，只係食完個cake吹陣就走左......之前未試過同女女咁樣(或者我入世未深)
第二日，佢sd左個msg話走了，我覆返句byebye，同埋叫佢唔好再黎香港搵呢d辛苦錢.......
我上到去，發現真係換左人了........
佢走左之後，我同佢間中都會o係微信吹吹水傾下偈咁，
我以為我同佢就咁就會完左......點知........

就o係佢走左一個月後，我又精蟲上腦，又再走上1仔，又再去到果個單位，禁鐘.........
我又再見到佢了
佢當堂嚇左一嚇，仲諗住即刻關門，我第一時間頂住，之後趁勢入左去......
我問佢點解又會返左黎，佢扁左嘴，話佢都唔想再黎呢度，但呢度份工真係易賺好多，同埋自己簽證仲可以黎香港多一次，所以...........
果一晚我地上床了，果晚佢俾我同佢打車輪，甚至俾我摸佢妹妹，甚至探手指入去......(果次係我呢一年裡面第一次摸入個窿裡面，裡面唔係ky而係真水，果種手感同佢既反應，我肯定呢一世都唔會唔記得)，
果晚，我第一次o係av以外見到女人既高潮........
果晚我地玩得好耐，超左時，但佢都冇催我走，仲傾左陣偈先走
走之前，我話第二日放學之後上黎佢度坐陣傾下計，佢話好
果一刻，我發現自己好似鍾意左佢......

第二日上到去，我帶左一袋夾糖上去，佢見到好開心
吹左陣水，佢話尋晚玩得太耐，俾老闆講左兩句
臨走果陣，佢收到msg話老闆要佢執行李轉去同區第二個架步
之後我就走左了........之後佢msg我話老闆唔俾佢咁樣俾個客入黎傾陣偈就走，否則照當佢接左客收佢錢，叫我唔好再上去佢度......
於是我地唯有o係微信度交流.......

過左幾日，到左佢走之前既第二日，前一晚佢話可以o係佢開工前上佢度坐下，陪佢傾計，順便幫佢買少少野
又帶左包夾糖上去，見到佢素顏個樣，我覺得反而仲靚左
嘴還可以，抱也可以，但進一步的行動，她say no了............
我問點解，佢話我地太熟了，反而幹不下去
我話，咁我做妳客人囉(我承認果刻我受精蟲支配)，
佢話真係唔得，唔同埋唔想我浪費錢，果刻佢講得認真，仲有d嬲樣
沉默左一陣.......我問咁可唔可以同佢傾陣計......於是我同佢半挨住牆，佢挨住我心口傾計
果一刻，聞住佢個頭同身上既香味，同埋望住我懷中既佢，我發現我都幹不下去了，只想一直就咁抱住佢
抱住佢果陣，我同佢又互相了解更多，仲講好左之後可以過珠海搵佢玩

時間始終會走，終於到左佢要開工既時候，佢叫我走了
我唔捨得，我心諗我唔忍心佢再俾其他男人掂，但而家既自己又何德何能可以俾佢一個唔駛俾其他男人掂既生活.........?
臨走時，我們接了最後一個長吻，之後我將一條自己襯既水晶手繩綁o係佢手之後就落樓了

落到地下，回到人群
我內心忽然豁然開朗左，
我發現自己唔應該係呢個時候o係呢個環境下去認識同接觸異性
我對女性仲未了解
同埋，我發現我呢一刻唔應該將心思放o係呢個地方度
我呢個時候應該有更加重要既野去做
就o係呢刻，我同自己講，要停了，唔好再黎呢度了

或者有師兄會潑冷水，話我始終都會返黎玩
我都唔排除有咁既一日，(因為人始終有性需要，但未必有一個可以滿足呢個需要既伴侶)
但我可以肯定呢一日離我好遠，
因為我要行返我呢個年紀應該走的正軌，
將錢擺o係滿足性慾以外的地方，
努力裝備自己，俾我鍾意既人一個唔需要靠俾其他男人拮既生活

所以，我要收爐了
一年既經歷，開心過，激情過，亦都擔心過，低落過，百感交集過後，心境亦改變了
各位師兄，有緣再見

補充內容 (2013-12-5 23:18):
打完篇文，忽然諗起呢首歌
個心揪住揪住.......

以上影片乃youtube提供,與本站無關; 若無法觀看,可查看原網址。

我想妳要走了-張懸