【全腿宴】人妻謝安琪超緊身短裙 VS 連詩雅黑絲大露背

itching2007 · 發表於 2013-12-2 19:34:00

本帖最後由 itching2007 於 2013-12-2 19:35 編輯

在「Yahoo人氣大獎2013」頒獎典禮上面眾星雲集，但最精采莫過於喺一班靚女嘅衣著喇。

先講下最為人注目嘅人妻謝安琪啦，一條白色緊身短裙，大晒佢條肉腿，係肉，唔係玉啊，因為0依晚佢條腿比起之前，好似多咗少少肉咁，但都影響唔到佢嘅性感，喺台上面，Kay舉高獎座個姿態，依然好迷人。

之後就係官恩娜，佢就一條灰白色緊身短裙，一樣係晒長腿，佢就冇Kay咁多肉，但就好似有肌肉咁，不過都係影響唔到佢本身嘅美麗；鄭融雖然腿唔係長，一樣照晒可也。

好喇好喇，輪到以長腿取勝嘅連詩雅喇。呢晚佢表面密實，黑絲長腿，但一擰轉背，原來係大露背嚟0架，又白又滑，黑白包抄。講到露背長腿，曲婉婷都有做到一半，咩叫一半？就係有長腿，但就唔係短裙，而係透視；背脊都一樣，但約隱約現反而更吸引人。

最高難度係Gin Lee(李幸倪)，佢件戰衣，名副其實係超緊身，仲係吊帶短裙，前凸後挺，意態撩人，索呀。