唐唐大宅僭建罰11萬

jj99

車！攪得咁大原來只是罰11萬 ，對於唐唐只係 一兩枝紅酒價錢！
講講下醒起，咁狼震英果單是否已完結？


轉載：
唐英年大宅僭建案，其妻郭妤淺承認明知工程需先得批准卻未有照辦，昨判罰十一萬元。郭以飽受壓力求情，遭裁判官指是自取。唐英年事後對事件告一段落鬆一口氣。
郭妤淺承認未獲建築事務監督書面批准及同意便展開或進行建築工程，惟控辯雙方就案情有爭議，原昨展開紐頓聆訊，但雙方修訂案情並達共識，耹訊取消。
郭的代表律師建議裁判官先為郭判刑；另外三名被告，即建築師何仲怡、結構工程師黃柏林及承建商顯利工程有限公司的審訊則另行處理，控方與其餘辯方律師同意。原本案情受爭議段落提及，郭原聘請結構工程師鄧偉就負責地庫工程，鄧會議上指出工程需先得屋宇署批准後，郭即辭退鄧及另聘工程師。修訂後刪去上述內容，僅稱鄧出席會議後，去信屋宇署撤回地基建築計劃。惟案情中新增段落指，郭一直知道需事先獲批准，但她並無照辦。
辯方求情時指，僭建曝光後，郭短時間內表示願承擔責任，且主動進行補救工程，調查期間合作，主動提交大量資料；又指郭犯案只為丈夫與四名子女有更好居住環境，而唐一家亦從未入住該大宅。辯方續稱，案發至今十八個月內，案件深受傳媒關注，致郭飽受壓力。
裁判官判刑時指，涉案僭建物位於地庫，難以觀察，與一般案例有別；加上規模龐大，超出地積比率七成，故罰款需反映。裁判官又駁斥辯方指郭承受巨大壓力，指並非求情理由，壓力是郭自取的。
裁判官最後就傳票判罰款五萬元，另加僭建物每天罰款五百元，以四個月計涉六萬元，共罰款十一萬元，須七天內繳妥。郭被控零五年八月至一零年十二月，未獲批便於九龍塘約道七號大宅內建地庫連兩個天窗。
唐英年與郭離開法庭時指，對案件告一段落感鬆一口氣，並尊重法庭決定，但認為罰則較過去案例重。他又指，事件令家人受困擾，但同時令家庭更團結。

hitecsss

双赢喇，好的

patrickssq

回復 jj99 #1 的帖子

但是沒有辦法去估算政治生涯的代價.

逗利是佛

jj99 發表於 2013-11-29 06:39
車！攪得咁大原來只是罰11萬 ，對於唐唐只係 一兩枝紅酒價錢！
講講下醒起，咁狼震英果單是否已完結？

咁又唔可以因為佢有錢就要罰佢多啲既

僭建啫,無意外無人傷,罰錢結案都係依法辦事啫。

最好嗱嗱聲罰埋梁震震、曾蔭蔭、以及其他一眾有被傳媒踢爆有牽涉入違例僭建的議員們,咁就 very~good~~嘞

四台國際CEO

jj99 發表於 2013-11-29 06:39
車！攪得咁大原來只是罰11萬 ，對於唐唐只係 一兩枝紅酒價錢！
講講下醒起，咁狼震英果單是否已完結？

幫佢起屋果3個至大鑊

四台國際CEO

逗利是佛 發表於 2013-11-29 09:06
咁又唔可以因為佢有錢就要罰佢多啲既

僭建啫,無意外無人傷,罰錢結案都係依法辦事啫。

到時班“議員”又話政治檢控架啦

逗利是佛

四台國際CEO 發表於 2013-11-29 09:50
到時班“議員”又話政治檢控架啦

理得佢哋吖~至緊要依法辦事,議員犯法,與市民同罪

白羊座o穆o

呢D cases.....罰錢是正常賽果, 畢竟係刑事, 又有政治色彩喧染.....咪較有社會話題, 結案則聲滅, 下一套準備好未?

Topvision...

對佢, 可能連半支紅酒價都未到......

對香港市民, 咪X街囉....

用上公帑搞佢, 洗費都唔止依條數啦......

為咩 !?

kinsoncc

Topvision... 發表於 2013-11-29 13:31
對佢, 可能連半支紅酒價都未到......

對香港市民, 咪X街囉....

為左個特首選舉囉

winner20099

回復 jj99 #1 的帖子

算喇罪款了事

Bippwin

罰十一萬？咁樣叫罰？
咁樣叫鼓勵僭建！
幾千萬價值嘅僭建，多數捉唔到，捉到至罰十一萬。
呵呵！知道咁判法，重俾人話合理。
重唔僭建嗰啲，都唔可以用儍仔嚟形容。

Bippwin

乜嘢叫做罰？
將僭建物估價，然後徵收三至十倍罰款。
咁至算係罰。

平民三倍，官員及其居住單位五倍，高官及其居住單位十倍。
呢啲叫知法犯法，罰加一等。

bei6266

罰千一萬就差唔多.

莊子仁

回復 jj99 #1 的帖子

濕濕碎 , 當賣報紙廣告。

Topvision...

kinsoncc 發表於 2013-11-29 15:31
為左個特首選舉囉

係因為佢參加過特首選舉呀 !?

塊地, 佢自己.
間屋, 佢自住
又無商業行為.

僭建, 係唔好行為.  但係香港咁多僭建.  以迫切性, 論危險.....,
輪100年都未到佢啦.....

joekcw

回復 Bippwin #13 的帖子

十分同意以僭建物價值來計算罰款！

henry2013

11萬對佢地黎講趺都趺左

Bippwin

Topvision... 發表於 2013-11-30 10:05
係因為佢參加過特首選舉呀 !?

塊地, 佢自己.

係香港？
增加居住面積，仲唔係商業行為？
咁做乜要補地價？

僭建唔單單係唔好嘅行為，係詐騙，係呃咗香港所有市民嘅補地價金額．
啲樓咁貴，就係因為要補地價，我哋買嘅每一呎樓，都交咗好高嘅地價．
唔補地價就增加居住面積，仲唔係詐騙？
詐騙千幾萬嘅價值，唔單止好難捉到，捉到都係罰十幾萬！
咁樣唔搏嗰啲，仲唔係儍仔？
根本就唔係罰，係鼓勵有錢佬，有大宅嘅人僭建．
難為仲有人認為判得啱．

點解罰咁少？好簡單．
邊個有錢佬冇僭建？唔僭建就係儍仔，有冇有錢佬係儍仔？
嗰啲法官有冇錢？就算嗰個法官冇錢？佢識啲朋友有冇錢？
揸正嚟做，睇怕可能唔少法官同佢哋嘅朋友要破產．

我就在這裡

回復 jj99 #1 的帖子

又唔見班犯民撲出來大叫ge....你話換成CY....
實行圍終院, 佔法庭啦!....
香港無人治現象....但遍布"治人"黑手