tvb封殺壹傳媒採訪投票

bbarying

無綫聲明全文：
「壹傳媒集團屬下的刊物，就免費電視牌照事件長期針對無綫電視，作出失實報道，
發牌與否為政府決定，絕非無綫電視可能影響，壹媒體在毫無理據下恣意攻擊和醜化，
已遠超出新聞媒體應有的報道做法和行為，其目的昭然若揭，顯而易見。
最近趁着無綫電視台慶，壹傳媒的蘋果日報及動新聞變本加厲，展開狙擊和抹黑的行動，
歇斯底里的謾罵，更呼籲全港熄機行動，煽動白色恐怖。
無綫電視有必要保衛公司商譽，決定即時開始，把壹傳媒屬下所有刊物，列為不受歡迎媒體，
本公司及藝員活動不接受其記者採訪。」

記協聲明：無綫干預新聞自由
記協發表聲明，對無綫將壹傳媒旗下報章和雜誌，列為不受歡迎媒體的做法，深表遺憾。
記協批評，無綫的做法等同干預新聞自由，助長打壓新聞自由的歪風，剝削公眾知情權，起了極壞先例，後果嚴重。記協表明反對任何阻礙採訪的舉措，又指如公眾認為報道失實，會循機制作出投訴，期望無綫收回相關決定，並透過其他渠道與壹傳媒對話。

無綫回應記協聲明
無綫電視發表聲明回應香港記者協會指，無綫不接受壹傳媒採訪，等同干預新聞自由的說法，
無綫指這樣與新聞自由完全拉不上關係。希望記協明白事情真相，不要罔顧事實。  
無綫的聲明表示，將壹傳媒列為「不受歡迎媒體」，拒絕其記者進入電視城採訪的決定，實在是必不得已，
指此舉與新聞自由完全拉不上關係。  
無綫表示，極同意記協說的歪風不可長，認為正正是壹傳媒濫用新聞自由，
長期恣意攻擊和醜化無綫電視，已遠遠超出新聞媒體應有的處理手法。  
而蘋果日報及動新聞最近趁無綫電視台慶變本加厲展開追擊及抹黑，更煽動全港熄電視機，
呼籲網上家庭大搜索，聚眾到無綫示威及路祭。  
無綫的聲明反問，這是負責任媒體的行為嗎﹖是新聞從業員的專業操守嗎﹖是社會樂見的舉措嗎﹖
聲明強調無綫是忍無可忍下才採取行動捍衛公司，希望記協明白事情真相，不要罔顧事實。

23名泛民立法會議員發表聯合聲明，要求無線撤銷壹傳媒「封殺令」。
23名泛民立法會議員發表聯合聲明，要求無綫電視立刻撤銷將壹傳媒列為不受歡迎媒體的決定。
聯合聲明指出，無綫作為香港兩間免費電視台之一，享有大氣電波的使用權，影響力巨大，
如果篩選傳媒採訪，將嚴重妨礙新聞採訪自由，破壞深遠。要求無綫電視立刻撤銷將壹傳媒列為不受歡迎媒體的決定。

肥佬黎/泛民/記協
以上，大家認為怎樣~~

Topvision...

我就唔係好同意無綫聲明.  我無睇開生果, 確定唔到有無毫無理據下恣意攻擊...  至於咩醜化, 依樣一定唔同意啦....  由依幾年千方百計阻止發牌, 又口術又官司, 已經好樣衰, 基本上已經唔可以再被醜化到啦....

我一樣唔同意記協聲明, 娛樂新聞都係八卦嘢, 有咩新聞價值 ?
剝削公眾知情權 ? 我都n年無睇節目, 都無咩想知..... 生果一樣無睇....  7佰萬之一我我, 就完全無影響啦....  

所以.....  
唔選1 , txb根本就係老撚土, 唔覺佢有幾好
都唔選2, 娛樂新聞報唔報都無所謂, 聽唔聽都無選失....

講真, 係個投票結果, 預咗.... 都估到.  又唔係點人頭....

bbarying

Topvision... 發表於 2013-11-23 02:31
我就唔係好同意無綫聲明.  我無睇開生果, 確定唔到有無毫無理據下恣意攻擊...  至於咩醜化, 依樣一定唔同意 ...

其實我同CHING一樣

無睇TVB、毒果一樣無睇(極其量找資料時時運低睇到)

如今一如毒果自己命題一樣"電視風雲"，誰人應當糟秧？

又不見TVB封殺其他傳媒去也？

我支持熄電視去表達對發牌事件的不滿
但我熄電視的意思不僅僅代表針對TVB一台獨大
還包抬ATV、有線、NOW的整個行業
那才是我們對發新牌的堅持所在

所以毒果只針對TVB，而TVB也禮尚往來只針對毒果，
覺得同佢無野好講，列佢為不受歡迎，有何不對？
毒果你覺得TVB如此不濟，做乜要幫佢做宣傳啫？
倒轉頭應該係毒果要封殺TVB至真
又想人死，又要靠人維生，何許傳媒也？

至於泛民、記協，我從來未聽見過他們會對毒果以往的失實報導哼過半聲深表遺憾
仲好意思叫人去投訴先啦，我都未收到你投訴喎~
睇穿你地一班自己人，同你投訴？咪玩啦~

ce1812

我一早已經冇睇份爛報紙同剷晒爛生菓啲Apps、動新聞......避免俾佢洗腦誤導，所以先至覺得自己頭腦仲保持到清醒，我認為TVB做法正確，亦睇唔出有損新聞自由（我認為香港的新聞一直以來都很自由），記恊簡直係是非黑白不分！一直以來都是縱容、偏頗、行為十分之霸道.........。

絶對支持TVB今次行動！！

谷村富郎

很簡單，如果封殺的不是爛果而是文匯，記協就會粒聲唔出啦，新闻自由？講吓乍掛。
如果你生日擺寿酒，我抬副棺材去賀你，你還會請多謝我請我留低飲番杯嗎？是否還要封一封大利是給我？
香港還有这么多其它傳媒，只少了爛果一家而已，如何算阻礙新聞自由？

jj99

記協！呸，一D 公信都無既組織，美國同爛果報的打手而已！
又唔見 斯洛登 爆料時，強插美國！！

ce1812

用手機回應 谷村富郎 #5 的帖子

你錯啦！記恊係會舉腳支持！

winner20099

回復 bbarying #1 的帖子

公道自在人心,

luxembourg

生果報根本已經唔係一般既報紙，新聞版面既新聞大部份都滲有個人觀點及預設立場，硬將佢地個人既價值觀及想法加於讀者身上，如同慢性洗腦一樣「

其實辦報者，只需要客觀持平地報導新聞，咪由讀者自行評價事件既對錯，而唔係硬要將個人觀感及情緒強加於讀者身上。至於報章編輯既個人觀點或見解，唔該留在社評內發表啦!!


所以，今次支持TVB封殺壹傳媒。

hornyb

出聲明 遣責 就夠啦 , 做埋封殺 就影響 新聞自由
生果 雖然係 偏激 D , 但佢報導 D 其它傳媒 唔夠膽報導 既野 , 好珍貴架
無左生果 我地既資訊 就 一 面倒 , 全部都係 隱惡揚善 , 唱好香港 , 唱好阿爺

四台國際CEO

bbarying 發表於 2013-11-23 01:19
無綫聲明全文：
「壹傳媒集團屬下的刊物，就免費電視牌照事件長期針對無綫電視，作出失實報道，
發牌與否為 ...

係爛果濫用新聞自由

Vitokylam

支持TVB封殺壹傳媒

luxembourg

hornyb 發表於 2013-11-23 10:16
出聲明 遣責 就夠啦 , 做埋封殺 就影響 新聞自由
生果 雖然係 偏激 D , 但佢報導 D 其它傳媒 唔夠膽報導 既 ...

成9日作新聞 = 報導其他傳媒唔夠膽報導既野﹖痴9線。

oc1234

       支持TVB

Topvision...

bbarying 發表於 2013-11-23 06:18
其實我同CHING一樣

無睇TVB、毒果一樣無睇(極其量找資料時時運低睇到)

你好似用錯例子........去支你說法啦....

有線、NOW, 係發牌事件之上, 係我角度佢地都係受害者, 而唔係加害者, 申請咗三年.  已經係受害等上三年, 還要再被針對 ????.
(所得之免費電視牌, 就如雞肋, 食之無味棄之可惜.   之所以加入申請, 似有濫竽充數水份多.   都有個有線牌啦....)

ATV, 就真係有份加害啦.....  發牌事件上可以拖上三年, ATV都有出過力.  不過, 佢其本上已經係個廢台, 最高有1點收視, 而大部份節目都係0點收視....  如果要針對, 你會如何點針 ?  (係我角度,  ATV本身已經係唔可以再差, 正如金身無罩, 拳頭打死屍, 你痛定佢痛 ?)

TVB 唔封殺其他傳媒 ?  我好主觀原因只係殺一警佰, 槍打出頭鳥.  其他傳媒易控制, 而生果一向唔受控制.  我唔知先生年紀多大, 又記否三十年前娛樂新聞發佈, 與今天有什麼不同之處 ? 講到依樹, 係時候粒水啦.....  因為再吹, 就好似被認為幫生果說話.....

至於泛民、記協.... 唔講啦.... 都無好講, 講, 只會重複你說話.  來來去去都係我好欣賞你之類......一向以粒水作回應....

ce1812

hornyb 發表於 2013-11-23 10:16
出聲明 遣責 就夠啦 , 做埋封殺 就影響 新聞自由
生果 雖然係 偏激 D , 但佢報導 D 其它傳媒 唔夠膽報導 既 ...

出声明遣責？有用咩？毒果惡貫滿盈佢哋祗有越來越毒，掉轉頭如果其他人犯錯毒果肯声明遣責就算？

800men

一場 惡霸 對 爛佬 的鬧劇！

bbarying

Topvision... 發表於 2013-11-23 12:03
你好似用錯例子........去支你說法啦....

有線、NOW, 係發牌事件之上, 係我角度佢地都係受害者, 而唔係 ...

有線、NOW係受害者？
勿忘衣家係佢2個有新牌，而維基無，未開波己經不被大眾所認受的，同廢台有乜分別

ATV係個廢台，只不過係佢無TVB獨立製作劇集能力
你有試過留意它其他節目嗎？好差嗎？例如.....................？
我有留意"感動香港"系列，正是濁水裡的一滴清泉，ching你聽都未聽過吧

Topvision..

bbarying 發表於 2013-11-23 13:51
有線、NOW係受害者？
勿忘衣家係佢2個有新牌，而維基無，未開波己經不被大眾所認受的，同廢台有乜分別

勿忘衣家係佢2個有新牌?  係現實生活, 我就無望真係免費睇到(如果真係申辦成功呀).  兩家人係唔係多個免費牌好著數....  不如師兄了解係唔係真係免費電視牌照, 大家先吹過啦....

atv , 我連睇新聞都無再睇依個台啦..... 基本上真係上網多.  "感動香港"系列, 聽過, 經電台一位dj報導講開收視點, 聽過依個節目名啦.....  最高1點....

又曾經八卦開機去數一數依個台有幾多廣告, 唔覺意睇咗少少, 最多睇過唔知邊集2分鐘, 已經覺得好無聊, 有似抬轎節目感覺.   係唔係好差, 真係各有喜好啦......

new_579

bbarying 發表於 2013-11-23 01:19
無綫聲明全文：
「壹傳媒集團屬下的刊物，就免費電視牌照事件長期針對無綫電視，作出失實報道，
發牌與否為 ...

TVB 好以小學雞咁 LOR