其實係呢一個月裏,我覺得自己好失敗,畏首畏尾,
俾著以前既我,我一早參與意見,
又怕係傾開計既網友,唔好意思出聲,
又怕人地話我係版主,懶巴閉,
不過我出呢一個post,我敢講,我而家用番我未做版主之前,
過往一向路見不平,敢言既puppy_fun既身份黎講嘢!
我唔係要插咀關於有關桃色新聞,
兒女私情無人理得到,不過我只知有部份會員,
發表唔同既聲音,就俾人圍到七彩,
相信都有唔少會員,見自己唔係咁熟呢度,唔敢插咀,
不過,人地都係講句嘢嗟,使唔使咁呀?講句嘢既,唔係一定係分身黎架!
之前就話女主角,氣難下,俾佢鬧,大家都會理解佢心情,
但好多純粹"話"幫朋友既,都未知清咩事,就幫手勁圍,
甚至乎有d係好生疏既網友,純粹黎煽下火,煲大佢!
我覺得果d想講句說話既會員好慘,我有幾次都想出聲,
不過最終都選擇咗收口!我仲嘗試過,少d上黎,睇唔到就唔使谷氣,
但最後見到有d會員好勇敢,明知俾人插既,都仲要出聲,
我真係好敬重佢地!覺得自己好失敗!
所以我決定做番我既puppy_fun,有話就要講!
唔知大家有無留意到,其實已經有絕對唔關事既網友,
因為睇唔過眼,有會員無辜被圍,雖然係三唔識七,但都忍唔住出聲,
明白到個個睇既觀點都唔同,不過係呢度出得thread插人既,
都係為求自己清白嗟,係咪?
出得thread既,都預咗俾人回覆,就等於我呢一個post,
我都預咗有人彈過黎,每一個post,總有人buy,總有人唔buy!
唔好搞到好似玩勢力咁囉,唔俾有反對聲音咁囉!
喂,唔係真係唔俾人講嘢下話?而家反對既聲音,都唔係一d搞事份子,
有部份都係元老級黎架!佢地都無惡意架喎!
以上既,就係我呢一段時間既心聲,
本來無諗住講,不過見到一d完全無point既人,
係呢度發表埋一d唔係理由既嘢黎話樓主,
感覺,有幾多唔關事既人,"話"係為咗幫朋友,係呢一件事係講道理架?
每一件事,只要延續爭拗,兩邊都一定有破綻被攻破,
就算件事,你覺得係幾啱都好,如果唔識見好就收,始終都會有反對聲音!
嚴重者,可能亦會係群情洶湧!請各位三思! |
樓主: 太子文文
在線雷達
發表於 2008-1-12 04:40:18
諗清楚至講啦,好矛道理吓
