豚王行動

魚魚 · 發表於 2013-11-11 17:00:34

本帖最後由魚魚於 2013-11-11 13:52 編輯

先兩天早上得閒, 唔知去邊處, 突然想去中環海皮睇吓,
依家變成點? 整裝待發, 直過金鐘, 重影左一D相.
如果就咁貼上嚟又好似唔夠過引, 結果就寫左一篇故仔出嚟,
等大家睇得過引D.

魚魚 · 發表於 2013-11-11 17:00:35

本帖最後由魚魚於 2013-11-11 13:59 編輯

篇文叫: 豚王行動

話說:

香城自從新特首上任後, 新聞多多, 攪到個社會好似非常唔穩定咁!!!

香城, 這國際大都會, 一向都新聞多多, 而且有好多重好似占士邦電影咁既橋段.

前排美國CIA果個監聽特工斯諾登 斯諾登.jpg

都唔知用咩鬼方法走左嚟香港, 跟住又話去左俄羅斯. 激到美國佬無晒呼, 到家陣都未收到科, 耐不耐又爆D料出嚟.

我係度爆小小料出嚟. 據聞添馬艦海軍總部 添馬艦.jpg

基本上就是亞太情報收集中心, 一切監聽設備都是超科技產品, 香港通訊如此發達先進, 很多條例不受約束都拜佢所賜.

現在話題斯諾登可告一段落, 點知又翻炒菲律賓人質事件, 這件都不算火熱, 最火熱果件一定係電視牌風雲. 這個牌真是沒完沒了, 新聞真是有排寫.

其實都幾過引.

不如, 我又舉一個例子出嚟同大家分享吓:…

香城有一個名人, 叫GAY WONG佢基本上未有車牌, 但係佢就好想成為一級方程式賽車手, 甚至車隊老板, 但是, 佢只係報左名要考車牌, 不過, 佢已經安排好晒賽車的一切設備, 一應俱全, 就連維修廠都搵埋, 點知香城政府果班淨係識柵埋門開會既所謂話事人, 一概唔理, 居然話佢唔識合開車, 連牌都唔比佢, 家陣佢就話點解唔比個牌佢, 佢一定要落場跑, 如果唔係, 佢就日日叫班伙記包圍住你地班友, 再激D重日日叫晒D車嚟中環, 攪到中環大塞車, 睇怕香城政府又有排頭痛.

魚魚 · 發表於 2013-11-11 17:00:36

新聞講完, 吹完水, 講番豚王行動把. 果日接到上級命令, 要我偵查一單CASE, 果名叫“豚王行動”, “豚王”甚麼冬冬嚟呀? 一隻肥豬, 定是同豬有關既野???
正在猜測如何入手之際, 直昇機已經到左天台接我,

吓唔係咁急, 直刻就要走人.
斬吓眼, 就載左我去香城政府總部大樓附近, 據上級指示, 就從果度開始“豚王行動”的調查.
未嚟過香城政府總部大樓都唔知尼度, 如果無示威遊行, 真係鬼咁清幽.

等我周圍行吓, 睇吓搵唔搵到一些頭緒先.

魚魚 · 發表於 2013-11-11 17:00:37

本帖最後由魚魚於 2013-11-11 14:37 編輯

擔高頭一睇, 尼度開左個大窿,

係咪意味著尼度叫人最好打開天窗說亮話( 不過佢係長謊形),
再行前D, 果度有條路通去香城立法會, 路邊有好多箱,重裝左好多鵝春石,

代表咩? 唔通係講比D議員知香城D市民石頭鑽唔出血, 又或是方便D示威者拧佢地?
自從我接到豚王行動尼個命令後, 香城政府既保安真係加强左.

真係連麻雀仔飛過, 都入佢地掌控之中.

魚魚 · 發表於 2013-11-11 17:00:38

本帖最後由魚魚於 2013-11-11 14:52 編輯

話時話, 尼度真係好鬼靚同清靜,
當然係無人巡遊示威果陣.

得閒同女朋友嚟睇吓海景, 嘆番杯茶, 又真係幾寫意.

釣魚都有收獲喎.

咿, 前便好似有D狀況, 有人攤左係度, 會唔會跟行動有關?

魚魚 · 發表於 2013-11-11 17:00:39

本帖最後由魚魚於 2013-11-11 15:21 編輯

正當想過去查問之際, 電話響起, 叫我到IFC同四季酒店收下風, 等候最新指示.

咁我就沿著海邊向IFC方向走去.
講真, 沿路都幾多野睇架.
重見到隻鬼死咁大既拖船.

天星碼頭都唔同晒啦.

魚魚 · 發表於 2013-11-11 17:00:40

本帖最後由魚魚於 2013-11-11 15:22 編輯

接過指令後, 當然立刻出發, IFC在望,
點收風???

唯有四維遊, 睇吓周維環境, 有咩異樣?

睇左一輪之後, 感覺唔到有甚麼新線索,
聽到有音樂聲, 咁就比佢吸引左我尼個熱愛音樂既人士,

正當陶醉於音樂間, 前便突然出現一個背影,
她用暗語告訴我, 有可疑人士在四季酒店出現,
一聽到消息, 整個人從陶醉中清醒過來.

魚魚 · 發表於 2013-11-11 17:00:41

本帖最後由魚魚於 2013-11-11 15:37 編輯

到左四季酒店, 我就扮成住客,
四處張望, 還故作對大堂的鮮花擺設十分感到興趣,
看有沒有其他蛛絲馬蹟及頭緒.

此際, 電話鈴聲再次響起, 最新情報,
豚王之影踪是在中環半山.

魚魚 · 發表於 2013-11-11 17:00:42

本帖最後由魚魚於 2013-11-11 17:32 編輯

中環半山, 正值是午飯時間,
豚王你真識揀時候,
其實到現在, 我對於豚王都未有一D頭緒,
是豚王還是屯王, 都未攪清楚!!!

尼趟搵唔到豚王, 睇怕都要食對面果D"香蕉"

蘭芳園咁出名, 豚王會唔會係度?

正在思索之際, 眼前突然又出現尼堆咁野!!!尼條死鬼佬,
識講廣東話, 重同佢班朋友講豚王就係附近.
咩話, 真定假.

四維昅吓先.

屯王會唔會係地產舖嚟呀?

幾拾年既安樂園? 千幾萬!!!

又會唔會係尼間海味舖既腊腸, 賣成400幾蚊斤,
你話佢唔似豚王咩!!!

魚魚 · 發表於 2013-11-11 17:00:43

本帖最後由魚魚於 2013-11-11 16:57 編輯

鬼死咁肚餓, 見到魚蛋舖,
真係想飛入去.

不過任務未完成. 食都食得唔安樂!!!

豚王呀, 屯王? 你到底係邊度呀??
正當盲頭烏蠅亂咁中既時候,
就比我發現到啦.

尼座樓好特別, 外牆七彩繽紛, 係中環真係少有,咁有中國特色既建築物.

就係果度, 比我睇到豚王尼兩個字,
豚王呀, 豚王, 今次真係要試吓你點"豚法".

排晒隊, 咁多人等, 相信差極都有個譜掛.
好等就等啦, 不入虎穴焉得虎子.

反正餓到札札跳, 店員話好快到我,
一於先叫定野, 一陣再評論.

我叫左兩碗,
一碗係正常既日式豬骨湯拉面,
另一碗係辡既日式豬骨湯拉面.

我終於可以交差, 完成任務同醫飽個肚.
豚王, 即是豚王, 豬骨湯底好, 拉面面質好, 食完重唔會口喝.
至於豚王點得來, 可能就係果兩塊風都可以吹走既豬肉.
一碗面得兩塊薄到飛起既豬肉, 要賣差不多成舊水一碗,
真係唔想叫你做豚王都唔得.

全文完, 多謝大家收看