すき焼き(日式牛肉鍋)

khle · 發表於 2013-11-2 03:34:39

本帖最後由 khle 於 2013-11-1 11:35 編輯

冬天到唔知大家會唔會買定D牛肉打邊鑪呢？如果唔想花太多時間打邊鑪可以試吓依種日式牛肉鍋十幾分鐘就有得食。

すき焼き(Sukiyaki)是日本一款廣受歡迎的牛肉料理方式，對許多日本人而言，すき焼き幾乎就是等於歡樂與慶祝的代名詞。すき為日文中的鋤頭之意，以鋤具燒肉的烹飪之法就是Sukiyaki。

相傳在日本早期，在戶外耕作的農夫以簡單的鋤具為鍋，淋上隨身攜帶的簡單醬汁與蔬菜烹煮肉，冇想到竟使肉的滋味更顯豐富與芬芳甜美，因此廣受民眾歡迎。而成為一種日常的牛肉料理方式。

因為好受歡迎發展出關東風，關西風，沖繩風等等。所以冇話點先至係正宗。共同點就係煮好時成鍋上枱一齊食。

材料：
牛肉切片，豆腐一件（最好煎一煎香兩個側面），生雞蛋，新鮮冬菇數隻，金針菇，（最近D菇當做鐘意食菇可以加同其他菇）、大蔥一條，黃牙白，粗粉絲（巳出水），砂糖。（菜加菇加豆腐大約半個鍋就夠，好多時眼寛肚窄煮得太多食唔晒。）

湯汁：
日式豉油1份＋味醂1份＋清酒1份＋日式上湯1份。

先燒熱鍋將一塊牛脂肪放上，見有油出就落一茶匙砂糖。

見糖溶就落牛肉再落小小糖上牛肉。

落蔥，落湯汁跟住就落其他菜，粉絲，豆腐加篕。等D湯滾D菜熟就食得。

十幾分鐘有得食都算方便掛。

傳統食法係點生鷄蛋食。