輾斃葉夢圓 消防車司機免被控

新.東方

在美國三藩市「韓亞空難」被消防車輾斃的中國學生葉夢圓（圖），沉冤待雪。三藩市檢控官以消防車司機當時不知道輾過葉夢圓為由，決定不對司機提出檢控。葉家律師表示，希望循民事途徑追究責任，為葉夢圓討回公道。

聖馬特奧縣地區檢控官瓦格斯塔夫根據警方、消防、驗屍官等提交的報告，以及翻查當日多個錄影片段，認為葉夢圓當時卧在停機坪上，身體被消防泡沫覆蓋，而消防車司機達克特輾過她身體時，正前往處理該宗空難，現場情況非常混亂。

他指出，部份錄影顯示，消防員噴灑消防泡沫之前，葉夢圓已俯卧遇難客機旁邊的地上；噴灑泡沫後，肇事消防車司機才駛過她俯卧地點，不涉及刑事。

三藩市消防總長懷特拒絕評論葉夢圓被輾死事件，僅稱事件是一宗悲劇，強調若非眾多部門在現場作出專業拯救行動，韓亞空難死傷或更慘重。

葉夢圓家人暫時未作出回應，但葉家代表律師塔里科對檢控官的決定不感意外，因為事件確不涉刑事，他指葉家有意循民事追討，為葉夢圓討回公道。

美聯社

見兩日都無CHING PO呢單野...
呢單野係香港幾乎無咩人理
但好想講兩句...
如果呢單野係中國發生, 情況一模一樣,
一樣不提起訴, 只係死者換左外國人...
我敢講, 一定有生果大字標題, 一定有泛民係西環請願...
一定會話中國消防草菅人命, 一定會話中國呢樣貪污, 果樣黑暗
仲一定要求埋平反六四, 結束一黨專政, 更加要揮舞龍獅旗云云...

呢D就係香港人...

barr

其實有不少人是盲目跟隨的,沒自己分析,羊群心理,為反而反

hkman2013

而家香港就係咁情況, 乜都反,為反對而反對

肥叔叔

中國人地方死鬼佬  
鬼佬地方死中國人  

四台國際CEO

新.東方 發表於 2013-10-21 14:14
在美國三藩市「韓亞空難」被消防車輾斃的中國學生葉夢圓（圖），沉冤待雪。三藩市檢控官以消防車司機當時不 ...

呢單嘢好邪， 真係“死神來了”套戲咁

Topvision...

................................葉夢圓家人暫時未作出回應，但葉家代表律師塔里科對檢控官的決定不感意外
......................................葉家有意循民事追討，為葉夢圓討回公道。

直屬家人已經不作回應, 而相關死者國家...城市...親鄰沒發一言.

葉家有意循民事追討, 結果又不是為一大筆金錢賠償

作為香港人的我們, 樓主又希望從我們聽到什麼表示/發言呢 ?

罵誰好 !?  罵那過失消防車司機操之操之過急好 ?  還是罵死者親人之貪財行為好 ?

罵國家不理人民死活 ?

aleman123

新.東方 發表於 2013-10-21 14:14
在美國三藩市「韓亞空難」被消防車輾斃的中國學生葉夢圓（圖），沉冤待雪。三藩市檢控官以消防車司機當時不 ...

呢單嘢小弟嘅意見如果癹生係香港或大陸應該最多只也不過視為死於不幸，但至於泛民派是否如所説一定出來反對只属猜测，如属實那真是為反對而反對了。有時候政府的確無能，馬尼拉槍殺事件三年未解可見一班。

Wandererjc

我當然信美國政府多過中國官方啦!

這個是日積月累o既印象,非常膚淺!

我就係咁o既香港人

Topvision...

國家領導, 粒咗水...

國家官方媒體, 玩快閃....

國內同胞, 玩時運高, 睇佢唔到.....

最後, 什麼人不去怪.  怪上香港.

大佬們, 要知死果位係國內同胞, 唔係香港居民呀....

如果係死香港人, 我地粒水, 都抵X呀.....

問題係依家x我地點解唔多x樹,

屎唔臭都去理上一理....

如此, 為何不拖拉上澳門...台灣...與及境外華人

評他們一評 ?

天機

無權無勢力.....就被欺負.....

新.東方

Topvision... 發表於 2013-10-21 16:07
國家領導, 粒咗水...

國家官方媒體, 玩快閃....

我冇質疑美國法院今次既決定wor...
你使唔使上晒身咁
我認同係不幸意外呀

我係講緊如果呢D不幸意外換轉左，
就相信有人扭曲不幸意外，
成為政治議題，明未

新.東方

Wandererjc 發表於 2013-10-21 15:49
我當然信美國政府多過中國官方啦!

這個是日積月累o既印象,非常膚淺!

睇來連你都误會左我既意思，请睇樓上

Topvision...

新.東方 發表於 2013-10-21 16:46
我冇質疑美國法院今次既決定wor...
你使唔使上晒身咁
我認同係不幸意外呀

咁我都相信, 不幸意外換轉左,
美國領導人, 一定要討回公道...  
而今日發生係中國人身上, 完全無人代為出頭......

但係, 可以點 ?  反中 ? 反共 ? 反上領導一反不成 ?

我代表香港人其中一人, 想表示, 唔係人人都想反上一反嫁....

新.東方

Topvision... 發表於 2013-10-21 16:59
咁我都相信, 不幸意外換轉左,
美國領導人, 一定要討回公道...  
而今日發生係中國人身上, 完全無人代為 ...

....冇咩可以點，因為我亦唔覺得要國家元首出頭，
不幸事件，出乜頭？

我係講緊唔想有D人政治化D不幸事件呀...
你究竟明唔明？冇啦啦又關反共事

manhung

為反對而反對

Topvision...

新.東方 發表於 2013-10-21 17:05
....冇咩可以點，因為我亦唔覺得要國家元首出頭，
不幸事件，出乜頭？

不幸事件，出乜頭？

台灣, 漁民不幸事件, 台灣領導人, 出咗頭啦.....好快就還死者及死者家屬一個合理回覆
香港馬尼拉不幸事件, 香港領導人, 縮咗頭啦..... 今日都未解決
今次輪到中國遇上不幸事件........................... 中國領導人, 未見有咩意見.

我見師兄你認為呢單野係香港幾乎無咩人理, 我只係感到港人其中一份子, 好似有受屈感覺, 無咩用, 都要出句聲.

一介草民, 就算我地出聲, 又有咩用呢 ?
係依個帖留言, 樓主你都會應句呀.

但係好似我地點嘈, 為咩少個免費電視台, 又唔係咁......
馬尼拉不幸事件, 個個都講有無搞錯....  一年又一年.....

人微言輕呀...  ...  ...

BECKHAM2

回復 新.東方 #1 的帖子

"如果呢單野係中國發生, 情況一模一樣,
一樣不提起訴, 只係死者換左外國人...
我敢講, 一定有生果大字標題, 一定有泛民係西環請願...
一定會話中國消防草菅人命, 一定會話中國呢樣貪污, 果樣黑暗"

如果受害人係外國人, 我估唔會發生你講嘅情況;
如果受害人係香港人(或中國百姓), 就可能會嘞! 起因可能是官方企圖隱瞞, 激起憤怒, 連帶這是否意外也被人質疑.

其實, 一批強烈批評中國政府者, 除了一部份反共者, 大部份是愛國者. 當中國與外國發生矛盾時,還是會站在中方的.

Narhhy

"呢D就係香港人..."  True but very sad

onngau

其實其他國家刀係一樣！冇利益，冇人理！

winner20099

回復 新.東方 #1 的帖子

他們有另類想發