笑住藐 ── 7大「un頂able」同事

無悔 · 發表於 2013-10-11 21:14:02

笑住藐
── 7大「un頂able」同事
作者職場達人

圖片:Getty Images

都說過「『un頂able』的人無處不在」，這大概比「阿媽是女人」更貼近真理核心。沒有最難頂，只有更難頂。當老闆嗌破喉嚨「你要咁咁咁、佢要點點點，你地班飯桶醒目啲」的時候，打工仔又何嘗不是暗忖「睇我忍得幾耐」？

香港浸會大學及CTgoodjobs聯合發表的「香港僱傭工作期望及挽留人才策略」調查剛出爐，發現逾70%打工仔正在考慮或已著手「跳槽」；另外亦直指「指令型領導」的怪獸老闆最「趕客」。這類老闆傾向員工絕對服從，令打工仔難有成就感，嚴重影響士氣。（詳情請瀏覽http://goo.gl/Bdhar5）

事實上，不論老不老闆，但凡事事指揮的人都夠「un頂able」了；然而「un頂able」的人還多著呢。7大「un頂able」同事包括︰

1. Email Forwarder
打工仔每天收很多很多email，然後有人會在電光火石之間統統forward出去，加兩隻「Pls handle」之類的字仔，甚至乾脆copy & paste，傳來傳去，坐享其成。

2. Mouse Clicker/ Keyboard Fighter
不知道是要給誰徒添壓力，還是宣告「我很忙」，總有些同事以每分鐘10萬字的速度打字，或者以chok絕招的力度不斷click滑鼠。奇怪了，這種速度是有經過思考的嗎？

3. Idea Banner
相比建設，破壞比較輕易吧。打工仔為求生存，為免被指「隱形」、「無主見」，ban得就ban是常識。為求生存還情有可原，最耍心機的是踩住上。

4. Bullshit Agreer
有人「見低踩」，自然有人「見高就拜」。上頭的指示明明不可行，他們仍然舉腳讚好。一踏出老闆房就抱怨︰「唔係呀嘛，咁都講得出，睬佢都傻！」

5. Inch Reporter
有沒有遇過總是「報寸」的同事？真是每分每寸空間都列入匯報範圍，而且加鹽加醋加雞汁，善於將中立的陳述，烹調成入口順喉的是是非非；見人講人話，見鬼都講人——是非。

6. Board Crasher
「唔係咁，再做。」「錯，再做過。」「都話唔啱咯！得喇，我自己搞番。」本來以為有人幫手，可撥時間應付更艱鉅的任務，怎料……某人總是撞板。結果，處理更艱鉅的任務之前，得花雙倍，甚至三四五六倍時間先執人手尾。

7. Plastic Upper
開會開會傾傾傾。太多齋Talk會議，太多苛索存在感的同事，說甚麼「我早知道點點點」、「我老早就講咗」、「我有啲意見，不過唔知應唔應該講」、「膝頭哥唔食辣椒醬」、「暫時基本上大概或者有機會可能可以幾乎差不多不妨試一試，不過我唔知架」……

一句講晒︰這樣的，你不喜歡一個人，他做甚麼都篤眼篤鼻。不管老闆還是同事甚至自己，也不過平凡人一個，人自然有優點、缺點。「人夾人緣」又是宇宙另一個內核真理。打工啫，不必耍手段討好任何人，亦無理由用自己把尺去量度人，否則跟以「光年」去衡量份糧夠不夠脫貧有何分別？返工好來好去，反正不是要過人世。不是嗎？