中港會計的差異

wetvwet

中港會計帳的差異可以說很大, 有部份人會認為大陸帳簡單, 有D人覺得規定太多, 佢地唔識變通, 事實上大部分人只會照搬香港做事方式, 完全唔明亦唔去了解...
首先你要明白, 大陸會計同香港會計做帳手法完全唔同, 香港係所得稅, 大陸係環節稅, 這是最重要的分別, 會計帳是因應當地稅制而變化, 以符合當地要求 ;
依家係D老闆要睇香港形式的數, 點樣轉化要睇基本工如何;

其二 香港做數以不違反會計原則情況下, 你可以自由發揮, 但大陸不但對做帳有固定要求, 而且仲規定有使用的會計科目同編號, 同時亦規定各項月結報表式樣...所以操作上如果照搬香港, 只會是BBQ, 玩火.

其三 會計部分工, 香港由主管分配; 大陸在這方面是有規矩, 分為: 會計-管數唔管錢; 出納-管錢唔管數; 統計-只負責計數...

這三部份如果理清理楚, 只要安排同分配好, 其實唔難做, 最重要自己清楚先至可以做好盤數.  
下次我再同大家講一下: 大陸會計"蠢"這一個問題, 其實是真的"蠢"嗎?
如果你明白的話, 你一定 同

lenovo567

回復 wetvwet #1 的帖子

係大陸做會計,一定需要有會計証,香港唔需要..

kingofjohn2004

大陸做會計好似輕鬆D

wetvwet

回復 lenovo567 #2 的帖子

香港沒有會計證 (LCC證書) 會有人請???
不用LCC的是會計部文員, 不是會計.
職能等同大陸統計

wetvwet

回復 kingofjohn2004 #3 的帖子

大陸會計絕對比香港更不輕鬆.
大陸會計工作, 一般一定要做內外帳, 即是要做兩盤數, 是其一,
第二, 大陸會計一定要按時按月上報月結給稅所, 延誤要罰;
第三, 大陸會計必須管好倉存, (香港會有倉管負責, 大陸係會計負責, 有問題要上身) 如果涉及外/內銷, 倉庫仲要分別記錄原副材料及成品進出問題, 不可以不清不楚.
第四, 大陸定期有稅所/海關查數, 有問題即死要人救, 香港有會計師頂係中間, 一般情況香港會計唔洗上身, 同大陸唔同.
其他細項唔多講了. 總之在香港做會計輕鬆至真.

to_nistelrooy

用手機回應 wetvwet #5 的帖子

我試過audit時拿本內帳來，完全唔同ledger,最恐怖係內帳D數一眼都知係假

lenovo567

回復 to_nistelrooy #6 的帖子

內帳係唔係應該對番內帳嘅 ledger ?? 定係外帳同內帳都係同一個 ledger ??

to_nistelrooy

用手機回應 lenovo567 #7 的帖子

佢俾內帳voucher ,外帳ledger
我地搵左好多sample都搵唔到
最好笑佢D supporting 有D係內帳，有D係外帳，仲唔俾佢地玩死

lenovo567

回復 to_nistelrooy #8 的帖子

其實你地需要的是外帳 voucher,並不是內帳voucher ???

to_nistelrooy

用手機回應 lenovo567 #9 的帖子

係，大陸人係唔想做
咩都係話俾左審計師

wetvwet

回應一下, 外帳一定係完整LEDGER, 內帳如果一樣做FULL LEDGER, 都係可以, 但是否必要各人要求不同.
而且要做內外帳不外乎是 A(內帳)+B(外帳)=真帳; A(真)含B(外帳)... 唔同方法各利利弊, 視乎基本工同點講解比大陸會計知你的要求.
一般香港會計大多是用A+B方法, 而方法是八仙過海了.
相對應的是, 香港會計要查帳, 一定要了解如何要求, VOUCHER一定經過簽批程序, 出問題會比人容易跟到, 所以VOUCHER方面, 問題只會出現在附件上, 看VOUCHER是AUDIT一般做法, 不要老是用自己一套, 了解大陸會計工作方式請重要. VOUCHER 的DR 同CR 我一直不看, 有會計證是一個正職會計, 有他們自己的能力, 如果佢地做基本功都唔信, 何必請...
其實最大的問題是因為香港人唔熟悉大陸, 所以經常比咗錯誤指示引致.

wetvwet

回復 to_nistelrooy #10 的帖子

你所講的係普遍人的錯誤理解, 原因只有一個, 係你唔明...唔知...唔清楚...
呢個問題唔只會計, 大陸廠絕大部份部門都存在, 可以講如果冇係大陸廠用心做三兩年, 都唔一定明白原因,
只是一直考慮寫唔寫好, 一方面是重要性, 第二方面是全面性同影響 (仲有好多人要食飯), 第三方面係偏重ADMIN多D, 第四係太多內容, 引申太廣...
我試過要要求將收發上要求做一份指引, 結果, 寫咗十張紙都未可以講齊, (WORD 14字型計), 交咗之後叫我抽時間寫多D其他意見, 仲話請多個人幫我等我有多D時間...
唔推點算, 料比齊人, 人又請多一個, 做完了自己可以隨時消失.

to_nistelrooy

用手機回應 wetvwet #12 的帖子

解釋得好詳细
不過做大陸audit真係要好小心，放飛機真係死緊

lenovo567

回復 wetvwet #5 的帖子

我想一般香港會計人員上去果D香港人開嘅工厂工作都冇大陸會計工証.咁佢地係大陸工作範圍,身份係mug ??

wetvwet

回復 lenovo567 #14 的帖子

只係香港派管理人員/核數員, 只係對公司內部監察, 並不可以真接做帳.
大陸所有正式會計文件, 財務是要蓋私章的. 如果大陸轉會計, 正式手續是要新舊會計簽署接帳, 確認新會計接手的帳目明細.

補充內容 (2013-9-30 19:21):
補充一下:
以前香港會計上大陸，好多時會被尊稱"會計師"，那是地方文化，(會計之上是會計師), 依家仲有機會碰上的.

lenovo567

回復 wetvwet #15 的帖子

你意思係大陸真接做帳就受大陸規限,但管理人員/核數員就唔受大陸規限...

wetvwet

回復 lenovo567 #16 的帖子

管理人/查帳人員係公司內部監核, 係管理唔係做帳.
做帳申報...係會計工作, 會計一定要有會計證, 申報一定簽名蓋章, 所以要上身.
管理唔使簽名, 冇文件佐證你做過什麼, 所以, 會計要上身, 所以違反規定會計有權拒絕做, 如果明佑都做, 係會計問題, 明白嗎.

lenovo567

回復 wetvwet #17 的帖子

咁點解重要派香港人上去??

P.S.對於大陸會計,香港人一定唔及大陸人

wetvwet

回復 lenovo567 #18 的帖子

只係大部份只信自己人, 而且好多人唔明白, 又好多人認為大陸人水平唔够, 最重要係大陸會計唔明外商要求, 佢只會按本子辦.
而且要明白由開放開始, 來料加工/合資企業...都係中方指派廠長同會計, 久而久之香港人認為你唔信我, 我又點信你..出發點係大陸唔想因個別而影響到制度, 結果你可以看一下, 問題唔係一方面, 但情況一直在變 .
要注意: 大陸會計重心在於環節同固有概念重, 而香港會計在於靈活變化, 大局同世界觀強, 各有優缺點. 依家香港太依賴電腦化, 自毁基本冇囇基本功, 以前考個LCC 由初級-中級到高級, 好彩的頂多一年到年半有證, 而且改制前仲一年淺過一年, 新的會計師全部書包仔, 問個大陸會計D數, 即場要用DR/CR表達, 個大陸會計以為考佢, 緊張到死, 我就笑死, 因為書包仔空有概念, 係轉化唔到, 真係比佢吹脹.

多口又打個比如:
大陸中文簡體化, 比D學者/文化人/衛道之士一直批, 而我自己睇: "是因情而定, 情有可原."
因為, 當時6億中國人有多少文肓, 中國文化有深度, 要理解, 如果要最快在10-20年解決, 所以由"字"開始, (由秦始皇統一文字去理解), 字體簡化後, 沒有上學的都可以明白字意, 因為簡單"易認", 我理解是這個原因.
做會計要立身作第三者去看去做, 查單/查帳/分析/統計預算/財務策劃...要做得到而做得好, 咁至可以算做一個好會計>財務>總管. 如果唔得你最多只可以係一個高級會計.

woodsandhills

lenovo567 發表於 2013-9-22 12:42
回復 wetvwet #1 的帖子

係大陸做會計,一定需要有會計証,香港唔需要..

but you could buy one.............