電影《喜愛夜蒲3 》船P出海拍攝篇

嚦咕嚦咖 · 發表於 2013-9-16 00:56:24

《喜愛夜蒲3》依家日夜趕拍，由朝早直落到凌晨甚至翌晨6點，正宗日蒲夜蒲，眾囡囡形容枯槁，捱到殘晒，好似Celia K.、雨僑、Jeana、許亦妮等。一上佢哋哋個微博睇新相，個個「仙」氣十足……係拍到謝晒虛脫嗰種仙。

14號早6點幾，夜蒲囡囡團又出動，成團囡囡仲有囝囝逾40人，齊集西貢碼頭，仲就地化妝set頭出發，何其壯觀，錢國偉導演都話:「何其壯觀!」好彩係話拍戲，否則大家分分鐘以為係走難。

呢場船P戲，13號已開始拍，錢國偉都落埋水——玩；今日呢，「峰」繼續足，「乳」下不停，除咗有見慣見熟嘅雨僑事業線同Celia K.騷胸之外，今日仲有義字當頭主動幫手客串一角嘅——伍姑娘伍詠薇。44歲vs28歲，伍姑娘嗰種熟女韻味已經輕勝28歲露多多嘅雨僑。可惜暫時得上半身，幾時有個「全相」睇吓呢？記住用雨僑部新相機影呀。