(轉貼) 【IFA 直擊】Sony x Line！Xperia Z1 有 Cony、Brown 作伴

khhui · 發表於 2013-9-9 12:50:43

Sony 新發表的 Xperia Z1，除咗主打 2070 萬 Sony G 鏡頭之外，在拍攝功能上都搞搞新意思，加入玩味十足的拍攝新功能，包括結合實用資訊的 Info Eye 、超高速連拍 Timeshift Brust 等等，不過當中最好玩得意嘅，當然就非 AR effect 莫屬啦！

Xperia Z1 內置嘅 AR effect 功能，唔止係直接將圖片加入相片之中咁簡單！AR effect 又名虛擬實景功能，用家在拍攝嘅時候，可以將唔同嘅虛擬 3D 動畫場景，例如森林、海底等等加入螢幕觀景窗之中，就好似置身於實景之中，玩味十足！

而且今次 Sony 仲同人氣通訊軟件 Line 合作，手機本身已內置 Line 嘅角色實景，可以隨時隨地召喚熊大 Brown 同兔仔 Cony 「陪」你影相！

角色動畫非常多樣，會根據用家唔同嘅操作，例如輕觸 Brown 就會係螢幕上對你揮手；拖曳角色就會跟住你指尖移動；唔理佢就會繼續係螢幕到走黎走去等等，同日系手機 Docomo 預載嘅羊執事有點相似呢！

[media=x,500,375]

以上影片乃youtube提供,與本站無關; 若無法觀看,可查看原網址。

影相唔單止剩係捕捉景物！連動畫角色嘅動作都可以一齊捕捉埋，唔怕影相冇 model 啦！

根據 LINE 方面派駐 IFA Sony 攤位的工作人員表示，LINE 人物的 AR 公仔暫時仍在開發階段，而由於現時支援 AR Effect 的智能機只有 Sony Xperia Z1，即使正式推出時，亦大有可能會是 LINE 獨家，未知會否成為你入手 Z1 的原因之一呢？

不過，他們亦不排除當未來 Xperia 系列機、或其他品牌的手機會加入相似的 AR 功能，所以各位想與 Cony、Brown 合照的用家，就先等一等吧！