鍾麗緹示範性高潮的表現叫床聲不斷

人口 · 發表於 2013-8-22 14:06:14

鍾麗緹流出叫床短片，最近喺網上瘋傳，引起網友熱烈討論，片中着低胸衫波濤洶湧嘅鍾麗緹，對住鏡頭示範四種女人性高潮嘅叫床聲，包括積極式嘅「Oh yes」、被動式嘅「Oh no」、宗教式嘅「Oh my god」同假裝式嘅「Oh baby」，仲配合埋身體語言不停扭腰fing頭，七情上面令人睇到熱血沸騰。
原來呢條片係鍾麗緹多年前接受外國傳媒嘅訪問片。當時主持要求佢講一個關於高潮嘅笑話，鍾麗緹愕然反問主持係咪講笑？之後大情大性嘅佢就伸懶腰做熱身，對住鏡頭用英文問：「在座的男士，你們知道女人有四種高潮嗎？有積極的、被動的、宗教式的和假裝的。」跟住瞇眼做出高潮樣配叫床聲，最後仲向鏡頭飛吻話：「送給我在英國的影迷。」
短片中嘅鍾麗緹樣貌同身材都好標青，已經42歲嘅佢雖然係失婚婦人，但感情生活依然好精采，早排佢喺台灣仲同混血男子組合MIXION夜蒲，十分風騷。另重返娛樂圈嘅鍾麗緹簽咗周美鳳嘅經理人公司，成為旗下第一位藝人。

以上影片乃youtube提供,與本站無關; 若無法觀看,可查看原網址。