人肉撞車黨 湧港屈錢 (轉)

Kick Off

內地「人肉撞車黨」襲港！近期一班持雙程證的撞車黨疑在港九各區盤據搵食，其中九龍城有司機被指「撞倒」內地婦人後，對方迅速召來多名「同黨」向司機索償，卻拒絕送院治理，由於事出突然，司機賠錢就範。網上最近亦傳出深水埗及灣仔發生多宗疑為撞車黨所為的索償事件，有目擊「意外」的拖車師傅直指，司機因裝設汽車黑盒才嚇走騙徒。職業司機團體表示，撞車黨頻轉換地區犯案，增加警方執法難度，恐撞車黨在本港遍地開花搵食。

從事文職的彭先生早前疑成為「撞車黨」的目標。有逾十年駕駛經驗的彭憶述，今年六月，他駕車到九龍城打鼓嶺道與友人吃飯，在一間飯店外倒車泊位時，車尾位置傳來「啪」一聲，他落車查看，赫然見到一名婦人狀甚痛苦躺在地上。彭立即上前慰問，當時對方沒有表面傷痕。「很痛！很痛！」

七男同鄉撲出恐嚇

該婦人用不純正的廣東話回應他，並隨即用鄉下話致電友人，不消兩分鐘，七名同鄉男子即到場。其中一名男子同樣以半鹹淡廣東話，語帶恐嚇說：「你留低電話畀我哋，聽日如果有咩唔妥我哋就搵你！」

彭恐事後被屈錢故拒絕對方建議。「賠二百（蚊）啦！」當中另一名同鄉提議賠錢了事。因對方堅稱彭撞倒她，彭無奈答應賠錢，但要求對方簽紙同意不再追究，惟不獲接納，「唔簽啊，大家講個信字，簽就要五百（蚊）。」彭最終報警求助，警員調查期間，該婦人拒絕送院，雙方就賠償問題爭持不下。

事件擾攘句鐘，其中一名同鄉大動肝火，不時以鄉下話與同行朋友私語，該婦人亦拿出雙程證來哀求賠償，「我唔去得醫院，一去我就要三千蚊睇醫生。」彭指當時心軟，又不想拖拉太久，惟有賠償二百元予該婦人，駕車離開。

車上裝CAM嚇走騙徒

「我當時望得好清楚先泊車，冇可能撞倒人，諗番起覺得好奇怪，點解（婦人）一打電話就搵到咁多人嚟幫手，佢（婦人）完全冇緊張有冇受傷，只係緊張要攞錢。」彭事後回想事件覺得很不對辦，估計遇上撞車黨，「第一次遇到咁嘅事，真係唔知點處理，一片空白。」

「呢排深水埗都有三單（撞車黨事件）！」拖車師傅忠哥近期亦在網上發貼，指有騙徒常於深水埗人多車多地方作案，其中一宗他親眼目擊，「嗰日喺北河街街市排檔附近，突然有個三、四十歲操內地口音嘅女子話畀架車撞倒，有幾個人即刻出嚟做媒博賠錢，好在車主有裝車CAM（汽車黑盒），大叫報警，街坊仲幫手叫『搵食行遠啲』，先嚇走佢哋。」事實上，網上也流傳不少疑似撞車黨個案，今年三月，灣仔一名男子被指常以被車撞倒為名涉嫌敲詐司機。

吼準司機怕煩心態

的士小巴權益關注組大聯盟主席黎銘洪表示關注事件，並指「屈錢」事件時有發生，指騙徒覷準司機怕麻煩心態，特別是職業司機，「有啲（搵食車）車主訂明，租車司機遇到交通意外要claim（索償）車保，要畀一萬蚊出嚟，司機寧願畀幾百蚊當跌咗。」黎稱，即使司機報警處理，騙徒亦可以「一場誤會」作藉口，黎擔心騙徒轉換地區犯案，增加警方破案難度。黎指，除汽車黑盒外，司機只有小心駕駛，與其他司機互通消息，以防遇上撞車黨。

汽車交通運輸業總工會第二副主席陳兆華透露，早前曾與政府部門談及撞車黨問題，得知騙徒多為內地個人遊或本港癮君子。

就九龍城疑有撞車黨出沒，警方發言人稱，九龍城打鼓嶺道曾發生一宗交通事故，一名女途人聲稱被撞，但並無受傷，警員到場調查，該女子拒絕接受治療，她與該司機表示不追究及無需警方跟進事件。發言人指警方沒相關撞車黨統計數字。

Kick Off

各位駕車人仕要留意, 如有交通意外而有人報稱受傷, 即報警處理

首石頭

回復 Kick Off #1 的帖子

冰山一角, 丐幫, 僧侶, 假CE0等等, 早已靜靜滲入.

hkdiu

回復 Kick Off #1 的帖子

遇人肉撞車黨，千祈不要倍錢，
比他們知道在港揾5到食。

ANTICOMM

過主喇，搵食返大陸喇。

on9chan

Kick Off 發表於 2013-8-19 11:58
內地「人肉撞車黨」襲港！近期一班持雙程證的撞車黨疑在港九各區盤據搵食，其中九龍城有司機被指「撞倒」內 ...

如果係我揸車既話、踩行油撞x死佢

Kick Off

on9chan 發表於 2013-8-19 15:50
如果係我揸車既話、踩行油撞x死佢

係佢撞你, 唔係你撞佢, 否則呢 d 人問閻王攞錢有份

on9chan

Kick Off 發表於 2013-8-19 16:22
係佢撞你, 唔係你撞佢, 否則呢 d 人問閻王攞錢有份

佢地太天真喇、以為度度都好似大陸咁、無皇法！

richardchen2008

遇到呢D人肉撞車黨, 好多都賠錢了事

161girlkiller

報警包無衰

四台國際CEO

Kick Off 發表於 2013-8-19 11:58
內地「人肉撞車黨」襲港！近期一班持雙程證的撞車黨疑在港九各區盤據搵食，其中九龍城有司機被指「撞倒」內 ...

早半年前已經有人中招

四台國際CEO

on9chan 發表於 2013-8-19 15:50
如果係我揸車既話、踩行油撞x死佢

佢係吼你攞車時撲向你車尾

uplandup

如有交通意外而有人報稱受傷, 即報警處理

winner20099

回復 Kick Off #1 的帖子

不見受傷倒地及斷手斷腳不用陪錢,及馬上報警

jj99

即報警處理

woodsandhills

dont be scared in HK you should call  9 9 9  we arenot in china

四台國際CEO

揸車嘅師兄小心呀

以上影片乃youtube提供,與本站無關; 若無法觀看,可查看原網址。

逗利是佛

四台國際CEO 發表於 2013-8-21 22:06
揸車嘅師兄小心呀

呢招我哋細個時見唔少,連電視都抄過橋

逗利是佛

回復 Kick Off #1 的帖子

呃呃騙騙的所為,真係可以歷久常新的喎

Kick Off

逗利是佛 發表於 2013-8-22 03:12
回復 Kick Off #1 的帖子

呃呃騙騙的所為,真係可以歷久常新的喎

開放自由行俾呢啲流氓惡棍影響香港治安