(原創)家常便飯

靚爆鏡 · 發表於 2013-8-16 14:22:04

本帖最後由靚爆鏡於 2013-8-16 14:22 編輯

尋日行過街市見到有我至愛既(新鮮生鯭魚)二話不說"買"跟住諗起老虎喜歡直蒸水蛋"再買"行下行下菜檔都係發覺青豆角合時咁就買埋閃人,但係諗下又好似冇肉食,結果又去買廿皮半肥瘦豬肉加咸蛋,四味餸夠凸,返到屋企花左半粒鐘洗洗洗,切切切.ok同大家介紹下,不果d相影得唔太靚,希望大家包含.

材料如下

1,雞蛋

2,生鯭魚

3,咸蛋豬肉攪碎

4,青豆角

5,义燒碎

6,蝦米

7,蒜茸豆豉醬

8,炒菜蒜茸

9,蔥花

靚爆鏡 · 發表於 2013-8-16 14:22:05

本帖最後由靚爆鏡於 2013-8-16 14:22 編輯

調味及份量制作
第一味义燒蝦米蒸水蛋
义燒$10半件,靚蝦米$4(1兩)大隻雞蛋$5-$6(3隻)
將义燒切碎,蝦米侵水3小時(涼水)然後切碎備用,
跟住雞蛋3隻打入盛有540cc水中加入鹽及胡椒粉少許攪均(發蛋器)
然後水滾後蒸10-15分鐘(最好用較大既碟蒸,咁會快熟及中間位置都較易型固.)
蛋熟後拿出放一旁,跟住開獲爆香蝦米碎及义燒碎放10cc砂糖,米酒,麻油,然後分佈在熟左既水蛋面上.
最後煮滾少許豉油熟油淋在面上加上蔥花即成.

靚爆鏡 · 發表於 2013-8-16 14:22:06

本帖最後由靚爆鏡於 2013-8-16 13:35 編輯

調味及份量制作
第二味豉汁蒸新鮮生鯭魚
生鯭魚$50($35斤)蒜茸豆豉醬(1.5湯匙)紫天椒(1只)(鮮蒜茸30g)
這味蒸魚重點除了魚要新鮮,而靈魂就係個蒜茸豆豉醬,
首先張魚洗乾淨後用毛巾按乾水份,然後灑少許鹽及胡椒粉包保鮮紙雪1小時,
跟住無論你係買什麼牌子既蒜茸豆豉醬都要加入以下調味料
(1.5湯匙蒜茸豆豉醬)加砂糖15cc,麻油5cc,酒10cc,彊汁10cc,蒜茸30g,生抽10cc,紫天椒1只攪均備用.
當你蒸魚前半小時就要把醬汁均勻塗上魚身,待半小時後放入蒸獲,大火蒸約10分鐘,最後加入蔥花即成.

靚爆鏡 · 發表於 2013-8-16 14:22:07

本帖最後由靚爆鏡於 2013-8-16 14:06 編輯

調味及份量制作
第三味咸蛋煎肉餅
咸蛋$2(1只),新鮮半肥瘦豬肉$20-$25(2-3人)
呢味餸你喜歡的話可加入多種材料,不果我今次就簡單d,好首先洗乾淨豬肉放入攪肉機攪碎,然後加入
(生粉30cc,生油45cc,砂糖30cc,鹽10cc,蚝油1湯匙胡椒粉少許備用.
咸蛋黃1只,因為老虎唔喜歡咸蛋白加入肉餅度,所以我唔要,咸蛋黃緊記要切得碎一點,因為煎會比較難熟.
準備好張咸蛋碎放入豬肉碎中再加入大量蔥花用手攪勻,最好就撻幾下,等起筋就最好喇!
最後落獲用中火煎,如果想煎得靚最好用平底易潔獲,煎既時候有兩點要緊記,
(一)預熱溫度要足夠,落少許油在獲中見微微有煙升起才把材料落獲.
(二)唔好大大塊落獲煎最好一小件一小件,咁煎既時候會方便反轉.
(三)本身豬肉有豐富油份,未成型前唔好太大動作並留意火力.