知專20歲女割脈吊頸亡

pkylac05

【太陽報專訊】假病假紙催命，失蹤「知專」女生自殺了斷！就讀香港知專設計學院二十歲女生吳海欣，疑遭校方質疑偽造病假紙，本周二她向家人發送最後WhatsApp，再郵寄附錢的遺書回家，透露不能承受被停學或坐監，前晚被揭發在深圳某酒店割脈和吊頸雙料自殺身亡。昨日家人北上尋人時突接噩耗。其父轟校方處理不當：「佢只係學生，使唔使咁嚇佢，又話咩要坐監，我一定要追究！」

自殺身亡的女生吳海欣，生前與父母及一兄一弟同住葵涌葵盛東邨盛逸樓，海欣正修讀知專一個兩年制高級文憑課程，主修產品設計，她上月起在深圳南澳一間五金製品公司實習，每逢周一至五北上。據家人稱，本周一接獲校方通知找海欣，她返港後翌日早上返回學校，至下午向兄發訊息後便失去聯絡。家人致電校方才知悉，校方發現海欣早前所遞交四張病假紙有問題，聯絡有關醫生求證後發現有關文件疑偽造。

遺書附錢寄家 深圳酒店自殺

至前日下午，家人接獲海欣由香港寄出的遺書，內附三千多元現金，信中提及「無論停學還是坐監，都不是我承受到的後果，我不能想像我以後的人生會怎樣」，大驚報警。警方翻查記錄，得悉她已離港。昨晨七時許，海欣家人兵分幾路，海欣母親及胞弟往海欣公司訪查，其胞兄則往派出所追查，而吳父則留守本港。廠方致電當地警方了解，詎料警方即稱前晚在深圳索菲特酒店揭發自殺案，死者疑為吳海欣。吳母趕往派出所，領回女兒遺物時激動哭喊，「點解要死呀？阿媽早啲上嚟搵你就好啦，我冇咗個女呀！海欣……快啲企番起身啦！」

據酒店職員稱，海欣本周二獨自登記入住酒店一個單人房，翌日下午二時她仍未退房，職員晚上約九時上房間，發現房門反鎖，破門入內，赫見她在房內自殺。公安調查後初步懷疑海欣在浴室內自縊及割脈雙料自殺身亡。

父指海欣曾被嚇 校方否認

吳父趕往深圳會合妻兒，情緒激動地稱：「學校下午打電話嚟，問我有咩幫忙？我同佢講：『你哋有幫忙咩？佢只係學生，使唔使咁嚇佢，又話咩要坐監，我一定要追究！』」

職業訓練局發言人稱，校方接獲海欣的病假紙後覺得有問題，遂向有關的醫生查證，跟海欣會面後，原約定她今日再返回學校詳談，詎料接獲她自殺身亡消息。發言人強調，校方從未打算報警，也未有決定是否會開除其學籍，對事件感到非常難過。

執業大律師陸偉雄稱，行使虛假文書一般會被判以監禁，如被控以使用虛假文書罪名，最高刑罰為入獄十四年。

其實佢返學啫，又冇人工，告假信已好有交帶，如佢返學太少至考試唔識，咪肥佢囉，唔明点解衣家吓吓都要醫生紙！

Bippwin

實習可能有人工．不過可能好少．
唉，二十歲人都唔識諗，係要死都等出結果至死吖．
根本就唔會好大件事，最多咪記大過．

Topvision

1) 我都係覺得, 學校請假, 有沒有必要一定要提供醫生紙呢......?
2) 校方處理手法, 有問題....  咁刻意通知佢回校處理, 咪即係逼佢死.  要知行使虛假文書係刑事.... 校方如此高調處理, 不難預見當日必會聯絡警方.  停學/留案底, 少不免.

不過, 女方為咩唔係死胡同抽身出來, 有案底唔代表以後無前途呀....  唔讀依間, 咩搵過其他學校囉.... 希望在人間呢....

點都好, 願她安息....   

牛肉河

讀書走堂成日都有
實習人工少，只是學習一部份
學校懷疑病假紙造假，嚇人要報警叫佢坐監
有D太過份.....

winner20099

回復 pkylac05 #1 的帖子

書到用時方恨少,同情該位女子自殺原因,奉勸年青人凡事要三思而行,不要為文憑而做殘害自己及的家人心。

野狐狸

就算無理由地唔返學， 只會以抗課論。大不了踢出校。
但係佢係被懷疑以虛假的醫生紙呃病假。此乃“行使虛假文書”， 而呢樣係刑事罪行。十八歲以下可能見家長了事，但係佢已經超過18歲， 就要自已負責。
行使虛假文書有幾嚴重， 只要睇下陳振聰的下場大家就知。學校話有可能報警， 有可能坐監都係講事實， 一點都冇誇大， 亦唔係恐嚇。
家長居然話要追究。我真係好想知有何理據。明明就係畏罪自殺， 硬要講成沉冤待雪要告上法庭。不過香港人都已經習慣一有咩唔啱心水就告人。係要俾法官判你輸先收手。希望佢雙親只係傷心過度亂講， 否則搞到上法庭， 日後個官一判，報紙電視一播， 全港都再重溫一次呢個女仔的蠢事。
二十年華就死左真係好可憐， 但係抵唔抵可憐又係另一回事。

野狐狸

牛肉河 發表於 2013-8-9 17:55
讀書走堂成日都有
實習人工少，只是學習一部份
學校懷疑病假紙造假，嚇人要報警叫佢坐監

有咩過份？ 報警坐監更係應有的後果。
都20歲啦，雖然事件發生在學校， 唔通仲見家長了事？ 你當自己係小學生呀？

joekcw

那名話她用假醫生紙的導師和她的對話，只有死者與導師知道，
但一名開朗及有自信，對前途有理想的年青女生會走去輕生，
那名導師有否問題真的見仁見智了！

※申報利益：死者是我細妹的同學！

Bippwin

野狐狸 發表於 2013-8-11 06:08
有咩過份？ 報警坐監更係應有的後果。
都20歲啦，雖然事件發生在學校， 唔通仲見家長了事？ 你當自己係小學生呀？

報警坐監更係應有的後果？
呃幾日假之嘛，邊有咁大件事．
最多咪守行為，唔好嚇人啦，會嚇死好多人架．
早輪捉咗幾個賣病假紙醫生，佢哋都唔知有幾多個客．
捉哂出嚟，香港啲監倉都唔知夠唔夠位．

88612

輕生，對唔住父母，讀死書，悲哀。

逗利是佛

Bippwin 發表於 2013-8-12 13:25
報警坐監更係應有的後果？
呃幾日假之嘛，邊有咁大件事．
最多咪守行為，唔好嚇人啦，會嚇死好多人架．

不過話說回頭喎,呢個真的是香港的通病,人多做就''變成''唔犯法

好似劏房問題,間劏房的業主做法有問題,但一句''個個業主都係咁做''就變得好似合理化咗

個個租劏房都知唔合例,但都係照樣去租,租完種種問題出現又話政府唔照顧到佢哋,又要政府去執手尾

只能說很多問題都是兩難局面,所以才會不時有不同的意見,這正是討論時事的妙處

Bippwin

逗利是佛 發表於 2013-8-12 21:56
不過話說回頭喎,呢個真的是香港的通病,人多做就''變成''唔犯法

好似劏房問題,間劏房的業主做法有 ...

租劏房唔合例？
你估依家人哋想嘅咩？冇錢咪要搵命搏囉。
唔合例？咪拉佢哋去住公屋（臨屋都 OK）囉。
哈哈。

野狐狸

Bippwin 發表於 2013-8-12 13:25
報警坐監更係應有的後果？
呃幾日假之嘛，邊有咁大件事．
最多咪守行為，唔好嚇人啦，會嚇死好多人架．

最多係守行為？唔係咁幼稚嘛， 以為只係呃幾日假咁小事。
我都費事同你爭論， 自己去搵一搵資料先好講嘢。
你話， 行使虛假文書該當何罪？
捭埋律政署條LINK你。
http://www.legislation.gov.hk/ch ... 4F60%u8A71%uFF0C%20
一經循公訴程序定罪，可處監禁14年

就係呢種只係呃小小嘢的想法， 將犯罪的膽越練越大。

Bippwin

野狐狸 發表於 2013-8-13 00:18
最多係守行為？唔係咁幼稚嘛， 以為只係呃幾日假咁小事。
我都費事同你爭論， 自己去搵一搵資料先好講嘢 ...

14 年？
賣病假紙嗰幾個醫生，都係判幾個月咋，佢啲客戶，一啲事都冇．
呃 632 日嗰個郵政職員，生至判 26 個月．
個女生係實習期間，情況又唔係咁嚴重，多數唔報警，就算上堂，法官都係判守行為．
佢嗰個老師可能就係好似你咁同個女生講，結果俾佢嚇死咗．

野狐狸

回復 Bippwin #16 的帖子

問題係你話“最多”？
點樣做， 判幾多，係你話事咩？ 你咩嘢身份呀？

Bippwin

野狐狸 發表於 2013-8-13 23:39
回復 Bippwin #16 的帖子

問題係你話“最多”？

判刑係要睇案例。
以前嗰啲捉都唔捉，學生妹，法官一定手輕。
法官判得嘅話，我哋一齊判個官有罪。

莊子仁

回復 pkylac05 #1 的帖子

卿本佳人 , 為何自尋 短見 , 多可惜！。

lovepearl

真系讀死書 今日的小問題都冇法處理
人生流流長 真系唔知點算，

弓長張

希望安息吧

161girlkiller

一路好走