[ 歷史科 ] 秦檜

mungchacha

希望各位師兄也一看16樓lileungterry師兄的回帖
絕對係精彩絕倫

十二道金牌召岳飛，相信好多師兄也讀過

不知道有沒有教歷史科的老師，如果有，大家對學生教宋朝歷史時，又會怎評秦檜依個人呢



我想從另一角度去看這位歷史人物

我曾經同過一班初中生講，歷史唔係死嘅，在乎你觀點與角度。

秦檜未必一定衰，而且仲可以話係「忠臣」，某程度上講，佢算係「忠君」

我問班初中生，其實邊個最想整瓜岳飛，好多都話係秦檜，但其實最想整瓜岳飛可能係「宋高宗」，秦檜最多算係一個忠心嘅代罪羔羊

「靖康之難」，徽欽二帝比人捉咗 ，如果岳飛北伐成功，救返徽欽二帝，幾時輪到高宗可以做皇帝

好啦，殺鬼咗你，一了百了，但又要比個理由，高宗就可能同秦檜講：「你攪掂佢」

咁秦檜嘅然「忠君」，唯有食呢隻屎貓。不過秦檜都可能唔忠心得晒。因為佢有意同人講：「唔關我事」

有句說話，欲加之罪何患無辭，點解秦檜要話「莫須有」。就係可能想同世人講.............

「唔關我事架，不過老闆要我做佢，但我又諗唔到乜理由，咁咪「莫須有」囉... 」

不過嘅然秦檜都叫食咗隻屎貓，所以可算忠臣之列

另外，有指秦檜曾力阻岳飛在朱仙鎮一役取得勝利後再打落去，有史學家認為就算再打，岳家軍深入金朝腹地會犯上孤軍深入，到時一獲熟

其實，殺岳飛唔係秦檜意思，維基百科中「岳飛」「秦檜」均有提及

我唔知係真唔係，但係，教歷史，唔一定要依書直說

最緊要係引導學生思考，好多時歷史係死，人係生

希望有師兄能一起討論吓

四台國際CEO

mungchacha 發表於 2013-7-31 20:51
十二道金牌召岳飛，相信好多師兄也讀過

不知道有沒有教歷史科的老師，如果有，大家對學生教宋朝歷 ...

可能收咗人錢, 又或者大家有心病/數呢

張家輝

mungchacha 發表於 2013-7-31 20:51
十二道金牌召岳飛，相信好多師兄也讀過

不知道有沒有教歷史科的老師，如果有，大家對學生教宋朝歷 ...

消化下先~

HKOXSEX

秦檜失敗在冇建樹, 如果宋高宗冇亡國,
可能評價又不同

多膠魚2013

令禾諗起油炸鬼

kingkong_hk

回復 mungchacha #1 的帖子

我估秦檜應該係蠱惑仔來

不過岳飛都唔係好醒目, 明知返去死硬, 扮晒睇唔到D金牌撇咪算囉

肥叔叔

我只知油炸鬼, 其實係 油炸秦檜

lugard

成者為王
敗者為寇

parma

2個刀係忠既,跟order做,不過老細中2d擦鞋仔jer

schmid9394

mungchacha 發表於 2013-7-31 20:51
十二道金牌召岳飛，相信好多師兄也讀過

不知道有沒有教歷史科的老師，如果有，大家對學生教宋朝歷 ...

Knee down forever

felsino

历史早有定论~

rabbit2000

我就唔信油炸檜嘞, 話高宗貪圖帝位, 係後世附會之作啫

hkman2011

禾讀書時都有討論過呢個問題, 結果都係冇人夠胆幫 秦檜平反

leekf222

mungchacha 發表於 2013-7-31 20:51
十二道金牌召岳飛，相信好多師兄也讀過

不知道有沒有教歷史科的老師，如果有，大家對學生教宋朝歷 ...

勝者為王

lileungterry

回復 mungchacha #1 的帖子

C兄我系一個粗人，某資格教學生，但系我覺得你既思路未必全部都啱。首先，如果你教既系初中學生，咁你搵一D資料來同學生講秦檜系另一種角度既忠臣，D學生會唔會覺得原來咁做法都可以算系好人？系佢地呢個年紀如果比較硬頸既可能就會系心中留下咗印象，對將來佢既社會道德會有影響。原來執行一D明知系錯誤既又會影響到其他人既決定都系某錯既，我系聽老闆話去做，我系忠臣。（例如會計幫老闆作數洗黑錢，又或者政府人員因爲部門啊頭叫到去做D傷天害理既事情。。。呢滴系強國經常出現，但無人知以後香港新一代會唔會都系咁，因爲呢個社會已經越來越唔尊重或者叫忽視一D優良傳統）
我覺得呢個課題其實應該由更加專業既人士來系統整理同教授一D對歷史研究有興趣既人。而佢地會點樣做我唔知啦。我只系知秦檜跪系岳飛墳前由公元1475年到宜家，點解甘耐以來有一D對歷史有好深研究既大師站出來黎爲佢平反而個4尊銅像仲跪系度？點解歷史上因爲4個鐵像被遊人捶打和時間原因損壞而重塑12次？
所以我覺得無論秦檜系唔系忠，佢既事蹟已經系一個陷害忠良既典型，系大部分人心目中佢就係一個奸臣。
我唔贊成C兄你系學生面前爲了還原歷史真相而引導學生去思考呢個典型。老師既責任系教人向善，對呢滴臭名遠揚既歷史都系唔好還原罷了~~

dasak

絕對同意佢係一個擦鞋仔黎，做得到承相無返咁上下擦鞋功夫點上到位呢！正所謂食君之祿嘛。打份工者。怪就怪自己唔好彩，撞正個萬世大忠正義代身！無計！

waiking

秦檜抵屎，力史早有公論，禾係世界仔，禾跟大隊

littleheart

lileungterry 發表於 2013-7-31 22:09
回復 mungchacha #1 的帖子

C兄我系一個粗人，某資格教學生，但系我覺得你既思路未必全部都啱。首先，如果 ...

小小意見。

歷史教育同道德教育係兩回事，我亦覺得道德教育的確比歷史教育重要。但即使呢個社會係「忠奸不分」、「道德淪亡」，亦唔應該為左「扶正道德和優良傳統」而忽視研究歷史中「求真」、「存疑」既精神。為了道德上正確、乾淨，而妄顧事情的緣由和真假，是很危險的事。

馬後砲

kingkong_hk replied at 2013-7-31 21:11
回復 mungchacha #1 的帖子

我估秦檜應該係蠱惑仔來

唔返犯違抗聖旨又系死罪，返又系死，
我系企帶齊所有軍隊，回朝政變算

lileungterry

回復 littleheart #19 的帖子

C兄，我覺得系中學生呢個心智啱啱開始發育時期，如果攞秦檜呢個典型出黎探討唔系咁好。我都贊成研究歷史中應該有求真，存疑既精神。但呢個研究放系中學生身上有點拔禾助長，如果系研究生博士生個類以歷史研究爲興趣既咁無所謂佢地已經能分清是非，求真和存疑可以令佢地更加有動力去研究歷史。另外我覺得一直以來教育分3大部分。小學系打基礎，中學系初步吸收社會各方面知識，大學系俾你選擇以後既方向。咁小學同中學D老師就應該要更加小心去選擇備課，要知道你地面對既都系未成年人，而無需要標奇立異將成年人既心智加系佢地身上。