4種不宜過量食用的水果！

FatLi505d_Baby · 發表於 2013-7-25 21:06:39

夏天好多人都鍾意食水果，甚至有人因為想瘦身而當飯食，但有啲水果唔適宜過量食用，否則會影響健康啊！

蘋果
蘋果營養豐富，非常有益，但過量食用嘅話，分分鐘會出事。因為蘋果含有大量嘅糖類及鉀鹽，攝入過多會影響心臟、腎臟健康。建議每日進食1至2個。

西瓜
西瓜可以消暑解渴，但屬於寒性水果，過量食用會令身體更寒，而且含有大量水分，食太多會沖淡胃入面嘅胃酸，引致胃炎、消化不良或腹瀉等疾病。另外，西瓜含有豐富嘅糖分，食太多會容易令多餘糖類物質喺體內積存變成脂肪。
香蕉
香蕉含有豐富營養物質，但屬於寒性嘅生果，脾胃虛寒嘅人應該少食。香蕉亦含有較多鎂、鉀等元素，如果短時間內一下子攝取過多，造成體內鉀、鈉、鈣、鎂等元素嘅比例失調，尤其係空肚食用時，會令血液中嘅鉀大幅度增加，影響健康，建議每日只食一隻，而且飯後或非饑餓狀態時食用。
4. 荔枝
荔枝又甜又好味，但含有一種特殊嘅氨基酸，會令血糖降低，就會引起低血糖症。而低血糖引起嘅急性疾病，前期症狀會有出汗、手腳冰冷、乏力、輕瀉等，其後可能會突然抽搐或昏迷。