歧視艷星　鄭耀棠辣㷫全民

controllboy · 發表於 2013-7-22 08:53:06

中聯辦主任張曉明日前發表「筲箕論」，暗示特首選舉有篩選；身兼行政會議成員的工聯會榮譽會長鄭耀棠為死撐篩選機制，竟將職業分貴賤，昨天以西方普選下曾有艷星參選為例，證明要有初選機制，各界狂轟鄭耀棠職業歧視，促鄭收回言論；現為甘肅省政協的艷星彭丹強調「選舉面前，人人平等」。
鄭耀棠歧視論辣㷫各界。曾替成人雜誌《花花公子》拍性感照，現為灣仔區議員的白韻琹對鄭的言論極為不滿，認為是歧視職業和性別，「人嘅身體係乾淨，淫褻嘅係思想」。她稱有意選特首，並對當年拍下的性感照引以為榮，認為任何人都有參選權，「（若）有足夠人選佢，無論係艷星又好，肉彈又好，李小龍翻生嗰啲打仔都好，都係有權做（特首）囉」。
現為甘肅省政協的彭丹，昨天展示其廣闊胸襟稱，不清楚鄭在怎麼背景下發表有關言論，故不作評論，但強調，「法律面前人人平等，選舉都係，呢樣喺東、西方都一樣！」她又相信香港是一個法治社會，「唔會因你做乜（職業）而剝奪你選舉權益，咁係唔fair（公平）嘅。」
關言論對艷星不公平，認為不應將人分階級。
政界女性亦對有關歧視論滿腔怒火。港姐出身的人民力量主席袁彌明斥鄭職業歧視，促對方收回言論，「我唔明佢對艷星有乜特別感受，要去歧視人；佢（鄭）就算不致於侮辱，都係一種歧視」。民主黨主席劉慧卿也批評鄭的說法可笑。
佔領中環發起人戴耀廷指鄭侮辱港人；另一發起人陳健民深信選民能判辨合適的特首人選，反問若艷星有能力領導香港，當特首有何問題？
就連建制派也對鄭耀棠有關比喻不表認同。工業界立法會議員林大輝認為中央只擔心選出抗中特首，相信中央對任何行業人士、只要符合《基本法》選特首條件，也不會歧視，強調「行行出狀元」。立法會主席、民建聯曾鈺成卻拒評有關比喻。

真估不到這位人兄會咁思想落後, 如果有足夠票數, 即使那人是沒有工作, 是乞丐大家都要接受, 最後如果做不好, 自然不得民心, 會給人求下台啦, 如果用他的說法, 我會為他的兒子担心, 想愛一人位失婚女子, 怕不能入門, 是否要聼聼話話的才可以給佢地支持, 希望佢想清楚才說吧. 成60 或以上, 還會咁說.

controllboy · 發表於 2013-7-22 09:08:03

艷星從政，外國例子比比皆是，若要數國際最知名的從政艷星，首推以藝名「小白菜」聞名的意大利國會議員史脫樂（Ilona Staller）。她於1987年當選國會議員，曾主動提議和伊拉克前總統薩達姆上床，以避免第一次波斯灣戰爭開打，多年來致力提倡娼妓合法化，她在1992年卸任。
AV女優街頭拉票

日本AV女優後藤麻衣也曾在2009年競選東京都議員，雖然最終以大比數落敗，但其選舉過程卻十分矚目。

後藤麻衣當時常以白色裙套裝及日本傳統浴衣打扮，在新宿街頭拉票，當時有日本年輕人曾表示，後藤若成功當選，即使向來不關心政事，也會到東京都議會旁聽。

歐美等地亦有不少艷星轉型從政的例子，如任模特兒時拍過裸照的斯科特．布朗，現為美國共和黨議員，他於2010年當選時更表示會考慮競逐美國總統，笑言可以成為美國首位「裸模總統」。

俄羅斯艷星瑪麗婭．薩德科娃2005年也成功當選斯別爾哥羅德州杜馬議員。

西方過去不少曾參選的艷星，主要為性工作者、同性戀者等社會弱勢發聲。

FunForFunLa · 發表於 2013-7-22 09:12:04

這不單是口直心快，這同樣是口不擇言。當政治人物公開發言還這麽不小心，要承受苦果了

十八年後 · 發表於 2013-7-22 09:42:03

當今政壇人物的質素真係低得可憐!

Vitokylam · 發表於 2013-7-22 10:47:52

鄭耀棠思想過於保守, 今次真係失言啦.

ANTICOMM · 發表於 2013-7-22 11:09:44

鄭生依啲咁既質素都入得行政會議，難怪政府出埋啲垃圾政策，諗埋晒啲九吾搭八既方案，要篩選，第一個叮你出局，知不知什麼叫用人為材，懶理個人背景與出生，有能者居之，能者上，平者讓，庸者下。官無常貴，民無終賤，有能者則舉之，無能者則下之。幾千年前，戰國時期已經出依啲大道理，口口聲聲話愛國，連中國文化既低蘊都吾清吾楚，好好檢討下。

小雙俠 · 發表於 2013-7-22 12:01:14

冇所謂啦,脫星都促得,有人睇就有人選嘛,垃圾局D垃圾都係各式齊備,沒有分類別而選的

tony333716 · 發表於 2013-7-22 12:43:37

如果真係有普選, 如果大部份人都寧願選一個艷星都唔選其他侯選人, 咁咪俾個艷星做特首囉, 我心甘命抵支持佢做5年, 做得唔好咪下屆選另一個做囉, 有咩問題?
好過依家689, 大家好似隔岸觀火睇show咁, 但係選咗出嚟呢個就唔係為香港人服務, 淨喺識向中聯辦謝票, 吓吓睇中央面色先至識行下一步. 睇下斯諾登件事特首係美國接受訪問7次no comment, 我真係覺得有個咁既特首好x醜.
我係香港人, 點解唔可以我哋自己選特首? 就係因為阿爺唔信我哋會選一個聽話嘅特首. 講真, 你估香港人會選長毛做咩 ? 係公平情況底下, 我相信香港人有能力去選一個香港精英去管治香港走出困境.
我心中呢期特首人選 : 李國能 / 任志剛 / 范徐麗泰
今次長氣咗唔好意思.