0靚模組合AD2 36F Aily & 34E Amy 0靚模夾擊阿伯

嚦咕嚦咖 · 發表於 2013-7-17 22:53:33

0靚模組合AD2 36F Aily & 34E Amy 0靚模夾擊阿伯

喺灣仔行人天橋上互摸胸又咀嘴兼咀埋伯伯嘅「暴乳」AD2，書都未有，就走出嚟宣傳。咁佢哋今日派乜嘢呢？派宣傳單張囉。

AD2成員話喎，之前已經印好咗0架喇，但因為覺得唔夠激，所以補影，加落本書度，21號先至有得賣。咁嘅原因都講得出，好勁。不過就令人懷疑，係咪根本明知本寫真入唔到書展，先至作個咁嘅牽強理由而已。

AD2又話喎，之前搵咗個「義工」，不收分文幫佢兩個影寫真，計劃以電子書形式推出，點知，又出事喇。AD2話突然殺出咗個「甜品妹」，游說該名「義工」唔好俾番啲相佢哋，同時自己又搵該「義工」幫自己影番輯相，並於書展推出，反而AD2自己嗰本電子書寫真就出唔成。佢哋仲話冇證據喺手、無從追究……「甜品妹」，係咪指冬甩成員呀？有冇咁啱連環不幸呢？

至於頭先提到嘅伯伯，原來唔係媒，而係真係路人甲。本來好好地影相，點知自己變埋男主角、俾暴乳雙嬌:Aily同Amy「夾」住獻吻。其後警方到場，想「請」佢哋走唔好阻住條路，點知又請極唔走，仲越來越多人，迫都迫唔入。但伯伯仍然「冒住生命危險」，危立人海中舉機影雙嬌……真係戥佢擔心。

AD2識抽水，大把人都識抽。因為Aily之前喺《喜愛夜蒲3》試鏡活動上試過露暈，所以今日特登嚟踩場嘅黃榕姨姨就送上乳貼，擺明博影相；綠魔Karl去完艾威谷「贏」宣傳活動之後，都換過另一套姣look嚟踩場。

36F巨胸Aily＆34E導彈Amy 0.jpg