44歲失婚伊能靜

santes · 發表於 2013-7-9 22:21:07

伊能靜，但伊，不能靜。She can be quiet，but she will not.年初伊能靜因為聲援《南方週刊》，而遭東方衛視終止佢哋嘅合作關係。但，伊不能靜。佢話:「反對不是敵對，但良知知道，沉默的好人也會變成邪惡的同盟。」

生命誠可貴，自由價更高，伊能靜說她不能靜。睇佢嘅微博，常常見到伊能靜發博關心國內兒童，特別係無父無母嘅孤兒，或生活都成問題嘅稚童。早前自掏腰包捐出50萬元人民幣，買書送畀內地偏遠地區嘅小朋友。

08年同庾澄慶離婚、結束20年嘅童話式婚姻。兩人嘅囝囝哈利(庾翰睿)，今年都已經11歲，跟爸爸生活。之前哈林上《康熙來了》，被問到同伊能靜係咪仲有聯絡？哈林好決絕咁話：「不會。」

44歲嘅伊能靜，同哈林情已斷，但同囝囝感情仍然一樣咁好。日前佢就帶埋哈利及一眾友人去日本東京度假兼浸溫泉，伊能靜貼上同囝囝頭貼頭嘅相，並寫道:「兒子.....你不要長大，我也不要長大，好不好？」除咗有可愛嘅哈利，仲有伊能靜比堅尼。話晒已經4字頭，皮膚依舊白皙，身材凹凸有致，果然係食咗防腐劑嘅辣媽。